ជំនឿ

នៅក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះ ព្រះយេស៊ូបានលើកឡើងចំៗអំពីជីវិតរបស់មនុស្ស។ ជីវិត​របស់​មនុស្សដែលមានពេលខ្លះមានអំណរសប្បាយ មានពេលខ្លះកើតទុក្ខព្រួយ មានពេលខ្លះសុខភាពល្អ មានពេលខ្លះក៏មានជំងឺឈឺស្កាត់ មានពេលខ្លះយើងសើច មានពេលខ្លះយើងយំ មានពេលខ្លះយើង​មាន​​ម្ហូបអាហារ និងមានពេលខ្លះអត់ម្ហូបអាហារ។

បាទបងប្អូនជាទីស្រឡាញ់! នៅក្នុងព្រះបន្ទូលថ្ងៃនេះ ព្រះយេស៊ូអធិដ្ឋានឱ្យក្រុមសាវ័កដើម្បី​សូម​ព្រះបិតា​បន្ត​ការថែរក្សាការពារពួកគេ។ ការពារថែរក្សាមានន័យថា មិនគ្រាន់តែផ្លូវកាយ តែព្រះអង្គចង់សំដៅ​លើ​ការពារថែរក្សាជំនឿរបស់ពួកគេដែរ ដោយសារបន្តិចទៀតព្រះអង្គបាត់ទៅ សាវ័កនឹងមានការភ័យខ្លាច និងបាត់បង់ទំនុកចិត្ត។

សូមគោរពជម្រាបសួរបងប្អូនទាំអស់គ្នា! ថ្ងៃនេះជាថ្ងៃពិសេស ប៉ុន្មានថ្ងៃកន្ល​ងមកយើងបាន​ប្រារព្ធពិធីបុ​ណ្យ​​​ព្រះយេស៊ូឡើងទៅស្ថានបរមសុខប្រកបដោយសិរីរុងរឿង រយៈពេលប្រាំបួនថ្ងៃដែលយើ​ង​អធិដ្ឋាន​ឥត​ឈប់​ឈរទាំងទូលអង្វរព្រះវិញ្ញាណដ៏វិសុទ្ធសូមយាងមកបំភ្លឺចិត្តគំនិតរបស់យើង ហើយមិនប៉ុន្មាន​ថ្ងៃ​ទៀត​យើងគោរពបុណ្យឱឡារិតព្រះវិញ្ញាណដ៏វិសុទ្ធសណ្ឋិតលើក្រុមគ្រីស្តទូត។

៤០ថ្ងៃក្រោយពេលព្រះយេស៊ូបានរស់ឡើងវិញ ឬ៤០ថ្ងៃក្រោយបុណ្យចម្លង និង១០ថ្ងៃមុនបុណ្យ​ព្រះវិញ្ញា​ណ​យាង​មក គឺថ្ងៃដែលព្រះអម្ចាស់យេស៊ូយាងឡើងស្ថានបរមសុខ! ព្រះយេស៊ូនៅ​លើផែនដីនេះ​អស់​រយៈ​ពេលប្រហែល៣៣ឆ្នាំ ហើយព្រះអង្គបានបង្រៀនអស់រយៈពេល៣ឆ្នាំពេលអាយុ៣០ដល់៣៣។ ឥឡូ​វ​នេះក្រោយពេលព្រះអង្គបានបំពេញបេសកកម្មរបស់ព្រះអង្គ និងបានធ្វើតាមព្រះហឫទ័យ​គ្រប់​ប្រការ​របស់​ព្រះជាម្ចាស់ ព្រះអង្គឡើងទៅស្ថានបរមសុខរួមរស់ជាមួយព្រះជាម្ចាស់។

បាទជម្រាបសួរបងប្អូនជាទីមេត្រី! យើងចូលសប្តាហ៍ទី៦នៃបុណ្យចម្លង ហើយព្រះបន្ទូលថ្ងៃនេះ​យ៉ូហាន (១៦,៥-១៦) យើងអាចសង្កេតមើលថា ព្រះយេស៊ូកំពុងរៀបចំការធ្វើដំណើរឆ្លងកាត់ពីលោកនេះរបស់​ព្រះ​អង្គទៅកាន់ព្រះបិតា។ ព្រះអង្គហាក់ដូចជាដឹងថាព្រះអង្គមកនៅក្នុងលោកនេះមិនរហូតទេ គឺព្រះអង្គ​ម​ក​ដើម្បីបង្ហាញព្រះជាម្ចាស់សម្រាប់យើង នឹងឱ្យយើងដឹងថាព្រះអង្គជាព្រះជាម្ចាស់​ដែល​អាច​ជួយ​ស​ង្គ្រោះ​​មនុស្សទាំងអស់ទៅកាន់ព្រះបិតាបាន ប៉ុន្តែដោយសារក្នុងរូបកាយជាសាច់ឈាម​យើង​មិនអាច​រស់​នៅ​បានយូរអង្វែងរហូតទេ។

សូមគោរពជម្រាបសួរបងប្អូនទាំងអស់គ្នា! ថ្ងៃនេះជាថ្ងៃអាទិត្យទី៦នៅក្នុងរដូវ​ព្រះយេស៊ូមានព្រះជន្ម​រស់​ឡើងវិញ អត្ថបទថ្ងៃនេះមានសំណួរមួយសំខាន់។ ហេតុអ្វីបានជាយើងជាគ្រីស្តបរិស័ទ​ឈ្លោះ​គ្នា​រហូត? ជាសំណួរមួយដែលធ្លាប់ទទួលពីបងប្អូនជាពុទ្ធបរិស័ទនៅប្រទេសខ្មែរ ហេតុ​អ្វីបានជាគ្រីស្ត​បរិ​ស័ទ​​បំបែក​គ្នាជាច្រើនក្រុម? ដូចជាប្រូតេស្តង់ ម៉ូមិន អាវ៉ែនទីស និងកាតូលិកជាដើម! ហេតុអ្វី​ពួក​យើ​ង​មិន​ស្រ​ឡា​ញ់​​គ្នា រាប់គ្នាជាបងប្អូននៅក្នុងអង្គព្រះគ្រីស្ត?

បាទជម្រាបសួរបងប្អូនជាទីស្រឡាញ់! ខ្ញុំមានសេចក្តីសោមនស្សរីករាយជួបជាមួយបងប្អូននៅថ្ងៃសៅរ៍ ២៤ត្រូវជាអាទិត្តទី៥នៃរដូវបុណ្យចម្លង។ ព្រះបន្ទូលដំណឹងល្អថ្ងៃ​នេះព្រះយេស៊ូ​មាន​ព្រះបន្ទូល​មក​យើង​ថា៖ “បើគេស្អប់ខ្ញុំ គេក៏ស្អប់អ្នករាល់គ្នាហើយ បើគេមិនទទួលខ្ញុំ ក៏គេមិនបានទទួលបងប្អូនឯទៀតៗដែរ” ព្រះបន្ទូលនេះចង់ឱ្យយើងទាំងអស់គ្នាដឹងថាព្រះយេស៊ូបានមកនៅក្នុងលោកនេះ មានមនុស្សជាច្រើន បានមក គោរពស្រឡាញ់ព្រះអង្គ ហើយក៏មានមនុស្សជាច្រើនជំទាស់នឹងព្រះអង្គដែរ។

នៅក្នុងអត្ថបទគម្ពីរដំណឹងល្អនៅក្នុងថ្ងៃនេះគេសួរព្រះយេស៊ូ តើវិន័យណាសំខាន់ជាងគេ? និងព្រះយេស៊ូ​មាន​ព្រះបន្ទូលថា៖ វិន័យដែលសំខាន់ជាងគេ​គឺ “ត្រូវស្រឡាញ់គ្នាទៅវិញទៅ​មកដូចខ្ញុំបាន​ស្រឡាញ់​អ្នក រាល់​គ្នាដែរ”។ ទីមួយខ្ញុំចង់ចែកជាមួយបងប្អូនគឺ “សេចក្តីស្រឡាញ់” ពេលណាយើងមានសេចក្តីស្រឡាញ់ យើងអត់គិតអំពីផលប្រយោជន៍ខ្លួនឯងទេ។ ពេលណាយើងស្រឡាញ់យើងគិតពីផលប្រយោជន៍អ្នកដទៃ ពេលណាយើងស្រឡាញ់គេ! ពិតប្រាកដទោះបីពេលខ្លះមានការឈឺចុកចាប់ ឬមានពេលខ្លះលំបាក​ក៏​មិន​អីដែរ។

បងប្អូនជាទីស្រឡាញ់! ព្រះយេស៊ូកំពុងតែជប់លៀងជាមួយក្រុមគ្រីស្តទូត ហើយព្រះអង្គដាស់​តឿន​ពួក​គេ​ឱ្យ​ស្ថិតនៅក្នុងសេចក្តីស្រឡាញ់ជានិច្ច និងជារៀងរហូតដើម្បីឱ្យមានអំណរសប្បាយ។ ​សម្រាប់យើ​ងឱ្យ​យើង​​ស្រឡាញ់ព្រះយេស៊ូរហូត ហើយកាន់តែខ្លាំងឡើងៗ​ដើម្បីបានអំណរសប្បាយ។

បាទជម្រាបសួរបងប្អូនជាទីស្រឡាញ់! យើងចូលនៅក្នុងសប្តាហ៍ទី៥នៃរដូវបុណ្យ​ចម្លងព្រះយេស៊ូប្រទាន​សេចក្តីសុខសាន្តឱ្យយើង។ បងប្អូនចាំនៅពេលដែលព្រះយេស៊ូបង្ហាញ​ឱ្យក្រុមសាវ័កឃើញព្រះអង្គមាន​ព្រះបន្ទូលអ្វីមុនគេ? គឺព្រះអង្គមានព្រះបន្ទូលថា៖ “​សូមបងប្អូនមានសេចក្តីសុខសាន្ត សូមឱ្យសេចក្តី​សុខ​សាន្តនឹងនៅជាមួយក្រុមសាវ័ក”។

ជម្រាបសួរបងប្អូនជាទីស្រឡាញ់! ថ្ងៃនេះជាថ្ងៃចន្ទបន្ទាប់ពីថ្ងៃអាទិត្យទី៥នៃបុណ្យចម្លង។ តភា្ជប់ពីអត្ថបទ​ទី៥នៃបុណ្យចម្លងយើងបានឃើញព្រះយេស៊ូបានផ្តល់វិន័យថ្មីមួយសម្រាប់យើង គឺត្រូវស្រឡាញ់គ្នាទៅវិញ​ទៅម​កដូចព្រះអង្គស្រឡាញ់យើងទាំងអស់គ្នា។ ដូច្នេះសេចក្តីស្រឡាញ់របស់ព្រះយេស៊ូ​ជាសេចក្តី​ស្រឡា​ញ់​ដែលគ្មានលក្ខខណ្ឌ។

សូមគោរពជម្រាបសួរបងប្អូនទាំងអស់គ្នា! ថ្ងៃអាទិត្យនឹងជាថ្ងៃអាទិត្យដ៏ពិសេសមែនទែន នៅទីក្រុងរ៉ូម​​បុរីវ៉ាទីកង់យើងមានកម្មវិធីមួយដ៏ឱឡារិតបំផុត គឺព្រះរាជ្យពិធីបុណ្យនៃការយាងគ្រងព្រះបរមសិរីរាជ្យ​សម្បត្តិព្រះករុណាព្រះបាទសម្តេចប៉ាបឡេអូទី១៤ និងក្លាយទៅជាសម្តេចប៉ាប​ថ្មីនៃព្រះសហគមន៍កាតូ​លិក​យើង។

នៅក្នុងអត្ថបទដំណឹងល្អនៅក្នុងថ្ងៃនេះទីមួយព្រះយេស៊ូមានព្រះបន្ទូលថា កុំរន្ធត់ចិត្តធ្វើអ្វីអ្នករាល់​គ្នា​ជឿ​លើ​ព្រះជាម្ចាស់ ហើយសុំជឿលើខ្ញុំផង។ មានកិរិយាសព្ទមួយដែលបងប្អូនត្រូវចាំ និងយកចិត្តទុក​ដាក់​គឺ​”ជឿ” ហើយជឿលើអ្នកណាគឺជឿលើព្រះជាម្ចាស់!។

មុននិងចាប់ផ្តើមខ្ញុំមានសារមួយរបស់សម្តេចប៉ាបហ្វ្រង់ស៊ីស្កូ ដែលទើបនឹងទទួលមរណៈភាព សាររបស់​លោក​​​មានខ្លឹមសារដូចនេះថា ជីវិតរបស់យើងពិត​ជាសំខាន់ គឺអំពីធម្មជាតិទឹកទន្លេមិនផឹកខ្លួនឯងទេ ដើម​ឈើ​ក៏មិនទទួលទានផលផ្លែខ្លួនឯងដែរ អំពីព្រះអាទិត្យក៏មិនបញ្ជេញរស្មីសម្រាប់ខ្លួនឯងដែរ រីឯផ្កា​មាន​ក្លិន​ក្រអូប​​​ក៏មិនស្រង់យកក្លិនក្រអូបខ្លួនដែរ។

ដូចខ្ញុំបាននិយាយពីរបីអាទិត្យមុន នៅក្នុងខែនេះពីបុណ្យចម្លងរហូតដល់បុណ្យព្រះវិញ្ញាណយាង​មកអស់​រយៈពេល៥០ថ្ងៃព្រះសហគមន៍កាតូលិករំលឹកអំពីកិច្ចការ និងការប្រៀបប្រដៅរបស់​ព្រះយេស៊ូនៅ​លើផែន​ដីនេះ​ដើម្បីយល់អំពីអត្តសញ្ញាណរបស់ព្រះអង្គ។

អាទិត្យនេះយើងរំលឹកដល់ព្រះយេស៊ូជាគង្វាយដ៏សប្បរុស ក្នុងសប្តាហ៍​នេះ​យើង​អាច​ស្តាប់​ព្រះ​បន្ទូល​អំពី​ព្រះយេ​ស៊ូជាអ្នកគង្វាយដ៏ល្អ ឬក៏ជាទ្វារនៃចៀម។ ថ្ងៃនេះមានគេឆ្ងល់ថា តើត្រូវធ្វើយ៉ាងម៉េចទៀតដើម្បី​ជឿ​ព្រះអង្គ ឬក៏រង់ចាំអ្នកណាទៀត? ប៉ុន្តែព្រះយេស៊ូបានរំលឹកពួកគេថា អ្វីដែល​ព្រះអង្គ​និយាយ អ្វីដែល​ព្រះ​អង្គ​បង្រៀន ព្រះអង្គប្រាប់ថាសូមមើលកិច្ចការដែលព្រះអង្គបានធ្វើដែរ ដោយសារកិច្ច​ការរបស់​​ព្រះ​អង្គ​គឺ​ជា​កិច្ចការនៃការសង្គ្រោះ។

ជម្រាបសួរបងប្អូនជាទីស្រឡាញ់! ខ្ញុំមានសេចក្តីសោមន្ស​រីករាយនឹងលើកយកពី​សាររបស់​សម្តេច​ប៉ាប​ហ្វ្រង់​ស៊ីស្កូដែលលោកទើបនឹងបានចែកឋានមរណៈភាពថ្មីៗនេះ សម្តេចប៉ាបមានព្រះបន្ទូលថា សេចក្តី​ស្រឡាញ់ និងជំនឿនាំឱ្យយើងរស់នៅភាព​សាមញ្ញដោយសម្តែងមេត្តាករុណា​ដល់បងប្អូនឯទៀតៗ។ នេះ​​ជាភាពសាមញ្ញរបស់សម្តេចប៉ាបដែលព្រះអង្គមានព្រះហឫទ័យសប្បុរសស្រឡាញ់ ដោយសារតែជំនឿ​ធ្វើ​ឱ្យយើងប្រតិបត្តិមេត្តាករុណាដល់បងប្អូនឯទៀតៗ។

បងប្អូនជាទីស្រឡាញ់នៅក្នុងអត្ថបទដំណឹងល្អថ្ងៃនេះព្រះយេស៊ូមានព្រះបន្ទូលថា ខ្ញុំជានំបុ័ងជាអាហារ​ដែល​ចុះពីស្ថានបរមសុខ​​​ ហើយនឹងអ្នកណាពិសារអាហារនេះនឹងមានជីវិតអស់កល្បជានិច្ច។ យើងយល់​ថា​ព្រះយេស៊ូជាសាច់ឈាម ដែលព្រះអង្គប្រោសប្រទាន​ឱ្យមនុស្សទទួលទាន​ដើម្បីបានជីវិតអស់​កល្ប​ជា​និច្ច។ យើងដឹងថាព្រះយេស៊ូបានតែងតាំង​អគ្គសញ្ញាអរព្រះគុណ​គឺជាពិធីកាច់នំបុ័ងនៅ​ពេល​ជប់​លៀង​ចុង​ក្រោយ​ជាមួយក្រុមគ្រីស្តទូត ព្រះយេស៊ូយកនំបុ័ងមកកាន់ហើយអរព្រះគុណព្រះបិតា និងមានព្រះ​បន្ទូល​ថា នេះជារូបកាយរបស់ខ្ញុំដែលត្រូវបូជាសម្រាប់អ្នករាល់គ្នា។

បាទជម្រាបសួរបងប្អូនជាទីស្រឡាញ់! ព្រះបន្ទូលរបស់ព្រះយេស៊ូថ្ងៃនេះបង្ហាញថាព្រះអង្គដូចជាអាហារដែលមកពីស្ថានបរមសុខ ខ្ញុំនេះហើយ​ដែលជាអាហារដែល​ផ្តល់ជីវិត ​អ្នកណា​មករកខ្ញុំ​អ្នកនោះ​លែង​ឃ្លាន​ទៀត​ហើយ អ្នកណាជឿលើខ្ញុំអ្នកនោះ​លែងស្រេកទៀតហើយ។ ​

នៅក្នុងអត្ថបទព្រះគម្ពីរដំណឹងល្អតាមសន្តយ៉ូហានថ្ងៃនេះយើងបានស្តាប់ឮព្រះយេស៊ូមានព្រះបន្ទូលទៅកាន់បណ្តាជនដែលដើរតាមព្រះអង្គ។ ព្រះអង្គមានព្រះបន្ទូលថា៖​អ្នករាល់គ្នាដើរតា​មខ្ញុំដោយ​សារអ្នករាល់​គ្នាបា​នបរិភោគឆ្អែតតែប៉ុណ្ណឹង។ ប្រសិនបើយើងមើលដើមជំពូកទី៦យើង​នឹងឃើញព្រះយេស៊ូបានធ្វើ​ការ​អស្ចារ្យ ប្រោសឲ្យមាននំបុ័ង និងត្រីជាច្រើនដើម្បីចិញ្ចឹមបណ្តារជន ដូច្នេះពួកគេ​បានហូតឆ្អែតហើយ​នៅ​សេស​​សល់​ទៀត។