នៅក្នុងអត្ថបទព្រះគម្ពីរដំណឹងល្អថ្ងៃនេះ ព្រះយេស៊ូបានលើកឡើងអំពីគំរូរបស់លោកណូអេ និងគំរូរបស់ប្រពន្ធរបស់លោកឡុត។ ហេតុអ្វីបានជាព្រះយេស៊ូលើកឡើងអំពីបុគ្គលទាំងពីរនាក់នេះ? លោកណូអេបានដឹងអំពីបញ្ហាដែលនឹងកើតឡើង បន្តិចទៀតព្រះជាម្ចាស់នឹងនាំឲ្យមានទឹកជំនន់ ហើយទឹកជំនន់នេះនឹងបំផ្លិចបំផ្លាញអ្វីៗទាំងអស់ដែលមាននៅក្នុងពិភពលោក រីឯប្រពន្ធលោកឡុត ព្រះយេស៊ូបានលើកឧទាហរណ៍នេះ ប្រសិនបើព្រះជាម្ចាស់ឲ្យយើងធ្វើដំណើរទៅមុខ យើងត្រូវតែធ្វើដំណើរទៅមុខ កុំងាករេ។ យើងឃើញថា ប្រពន្ធរបស់លោកឡុត គាត់កំពុងតែធ្វើដំណើរទៅមុខ តែគាត់បែរមើលក្រោយ នាំឲ្យគាត់ក្លាយទៅជារូបសំណាក។
