ជីវិតនិងសង្គម

រ៉ាចិនដ្រាទី១ ប្រសូតនៅប្រមាណឆ្នាំ៩៧១ នៅទីក្រុងថានចាវៀ រដ្ឋតាមូល ណាឌូ ប្រទេស ឥណ្ឌា។ ព្រះអង្គសោយទីវង្គតនៅឆ្នាំ១០៤៤ នៅភូមិប្រាម៉ាដេសសាម នៅរដ្ឋដដែល។ ព្រះ រាជាគឺជាស្តេចតាមូលនៃរាជ្យវង្សចូឡា នៅភាគខាងត្បូងប្រទេសឥណ្ឌា។ ព្រះរាជា​គឺជា ស្តេច​ចក្រពត្តិ​ច្បាំងដណ្តើមទឹកដីដ៏ល្បីល្បាញបំផុតនៃប្រវត្តិសាស្រ្តឥណ្ឌា។ រាជ្យរបស់​ព្រះ​អង្គ បើក​ផ្លូវ​ឲ្យ​មានការរីកចម្រើនដល់កំពូលនៃចក្រភពចូឡា ដែលបានក្លាយជាមហាអំណាចសំខាន​ខាង​​នយោបាយ សេដ្ឋកិច្ច និងយោធា នៅអនុមហាអាណាចក្រឥណ្ឌា។

កាងស៊ី ដែលមាននាមផ្ទាល់ថា ស័នយ៉េ ប្រសូតនៅថ្ងៃទី៤ ខែឧសភា ឆ្នាំ១៦៥៤ នៅរាជធានី​ប៉េកាំង និងសោយទីវង្គតនៅថ្ងៃទី២០ ខែធ្នូ ឆ្នាំ១៧២២។ ព្រះអង្គគឺជាអធិរាជនៃប្រទេសចិន និងជារាជាទី៤ នៃរាជវង្សឈីង។ ព្រះអង្គគឺជាព្រះចៅអធិរាជដែលបានសោយរាជ្យយូរជាងគេ​បំផុតនៃប្រវត្តិសាស្រ្តចិនពីឆ្នាំ១៦៦១ ដល់ឆ្នាំ១៧២២ ឬច្រើនជាង ៦១ឆ្នាំ។ ព្រះអង្គត្រូវបាន ចាត់​ទុកជាអធិរាជដ៏ល្បីល្បាញបំផុតមួយរូបនៃប្រទេសចិនសម័យចក្រភព។

លោកល្វីស ម៉ោនបាតថិន កើតនៅថ្ងៃទី២៥ ខែមិថុនា ឆ្នាំ១៩០០ នៅទីក្រុងវីនស័រ ចក្រភព​អង់គ្លេស។ លោកគឺជាឧត្តមនាវាឯកនៃកងនាវាចម្បាំងចក្រភពអង់គ្លេស។

លោកជូ កឺលៀង គឺជាអ្នកយុទ្ធសាស្រ្តដ៏ឈ្លាសវៃបំផុតនៃយុគសម័យសាមកុក ចិនបុរាណ។ ជូ កឺលៀង បម្រើ​ការឲ្យស្តេចលីវ ប៉ី និងធ្វើជាឧបរាជនៃនគរស៊ូ។ លោកដឹកនាំការឈ្លានពាន ៥​ដង លើនគរវ៉េភាគខាងជើង ក្នុងគោលដៅស្តាររាជ្យវង្សហានឡើងវិញ។

មើមឈូកអាហារសុវត្ថិភាព ផលិតផលសម្រាប់អាហារសុខភាព

ព្រះរាជាហ្វ៊ីលីព ទី២ អូហ្គួស្ត៍ ប្រសូតនៅថ្ងៃទី២១ ខែសីហា ឆ្នាំ១១៦៥​ នៅទីក្រុងប៉ារីស និង សោយទីវង្គតនៅទីក្រុងម៉ង់ត៍ នៅថ្ងៃទី១៤ ខែកក្កដា ឆ្នាំ១២២៣។ ព្រះអង្គគឺជាស្តេចនៃរាជវង្ស កាប៉េទ្យាង និងជាស្តេចទី១​ដែលទទួលនាមថា ជាស្តេចបារាំង។

លោកម៉ាសាណូប៊ូ ហ្វ៊ូគូអូកា កើតនៅថ្ងៃទី២ ខែកុម្ភៈ ឆ្នាំ១៩១៣ នៅទីក្រុងលីអូ ប្រទេសជប៉ុន និងទទួលមរណភាព​នៅថ្ងៃទី១៦ ខែសីហា ឆ្នាំ២០០៨។ លោកគឺជាកសិករជប៉ុន ដែលមាន ភាពល្បីល្បាញ​ដោយការប្តេជ្ញា​ចិត្តគាំទ្រកសិកម្មធម្មជាតិ។

ព្រះចៅអធិរាជកានមូ ប្រសូតនៅឆ្នាំ៧៣៧ និងសោយទីវង្គតនៅថ្ងៃទី៩ មេសា ឆ្នាំ៨០៦។ ព្រះ​អង្គគឺជាអធិរាជទី៥ នៃប្រទេសជប៉ុនតាមលំដាប់ប្រពៃណីនៃការស្នងរាជ្យ។ ព្រះអង្គ​សោយរាជ្យ​​ពីឆ្នាំ៧៨១ រហូតដល់ថ្ងៃសោយទីវង្គតនៅឆ្នាំ៨០៦។ នាមផ្ទាល់ខ្លួន គឺព្រះអង្គម្ចាស់ យ៉ាម៉ាបេ ហើយព្រះអង្គក៏ជួនកាលត្រូវបានគេហៅថា កាស្ហ៊ីវ៉ាបារ៉ា តេនណូ។

ចន្ត្រាហ្គូពតា ម៉ូរីយ៉ា ប្រសូតនៅប្រមាណឆ្នាំ៣៤០ មុនគ្រិស្តសករាជ និងសោយទីវង្គត​នៅ ឆ្នាំ ២៩៧ មុនគ្រិស្តសករាជ។ ព្រះអង្គគឺជាស្ថាបនិក និងជាមេដឹកនាំទី១នៃចក្រភព ម៉ូរីយ៉ា ដែល​ជាប្រទេសឥណ្ឌាបុរាណ។

អេលីហ្ស៉ាប៊ែតទី១ ប្រសូតនៅថ្ងៃទី៧ ខែកញ្ញា ឆ្នាំ១៥៣៣ នៅវិមាន ប្ល៉ាសង់ទ្យៀ នៅរាជធានី​ឡុងដ្រ៍ ចក្រភពអង់គ្លេស និងសោយទីវង្គត​នៅថ្ងៃទី២៤ ខែមីនា ឆ្នាំ១៦០៣ នៅវិមានរីចម៉ុង។ អេលីហ្ស៉ាប៊ែតទី១ គឺជាអធិរាជនីអង់គ្លេស និងអៀរឡង់ពីឆ្នាំ១៥៥៨ ដល់ថ្ងៃសោយទីវង្គត។

លោកស្រីលីហ្ស៉ា ស៊ូ កើតនៅថ្ងៃទី៧​ ខែវិច្ឆិកា ឆ្នាំ១៩៦៩។ លោកស្រីគឺជាវិស្វករ និងជា​ប្រធាន​ក្រុមហ៊ុនអាម៉េរិក AMD ដែលមានកំណើតតៃវ៉ាន់។

អូហ្គូស្ត៍ កើតនៅថ្ងៃទី២៣ ខែកញ្ញា ឆ្នាំ៦៣ មុនគ្រិស្តសករាជ នៅទីក្រុងរ៉ូម។ អូហ្គូស្ត៍គឺជា​ប្រមុខ​ទី១​ នៃចក្រភពរ៉ូម៉ាំង ពីថ្ងៃទី១៦ ខែមករា ឆ្នាំ២៧ មុនគ្រិស្តសករាជ រហូតដល់ថ្ងៃទទូល​មរណភាព​​ថ្ងៃទី១៩ ខែសីហា ឆ្នាំ១៤ នៃគ្រិស្តសករាជ នៅជិតទីក្រុងណាប្ល៍ ប្រទេសអ៊ីតាលី​សព្វថ្ងៃ។

នាមរបស់ព្រះអង្គ ស្ហ៉ាហាប អ៊ុដ ឌីន ម៉ូហាម៉ាដ ឃូរ៉ាម ដែលត្រូវបានគេស្គាល់ក្រោមឈ្មោះ​រាជ្យថា ព្រះចៅ ស្ហ៉ា ចាហាន ឬស្តេចពិភពលោក។ ព្រះចៅអធិរាជ ប្រសូតនៅថ្ងៃទី៥ ខែមករា ឆ្នាំ១៥៩២ នៅទីក្រុងឡាហ័រ ចក្រភពម៉ូហ្គូល (សព្វថ្ងៃនេះស្ថិតក្នុងខេត្តពេនចាប ប្រទេស​ប៉ាគីស្ថាន) និងសោយទីវង្គត់នៅថ្ងៃទី២២ ខែមករា ឆ្នាំ១៦៦៦ នៅទីក្រុងអាហ្គ្រ៉ា សព្វថ្ងៃស្ថិត​នៅ​ក្នុងរដ្ឋអ៊ុតតា ប្រាដេស ប្រទេសឥណ្ឌា។ ព្រះរាជាស្ហ៉ា ចាហាន គឺព្រះចៅអធិរាជទី៥ នៃ​ចក្រភពម៉ូហ្គូល។ រាជ្យរបស់ព្រះអង្គ មានរយៈពេលចាប់ពីថ្ងៃទី១៩ ខែមករា ឆ្នាំ១៦២៨ ដល់​ថ្ងៃ​ទី​៣១ កក្កដា ឆ្នាំ១៦៥៨។

ប៉ាប្ល៉ូ រូស្ស ពីកាសូ កើតនៅថ្ងៃទី២៥ ខែតុលា ឆ្នាំ១៨៨១ នៅទីក្រុង ម៉ាឡាហ្គា តំបន់ អន់ដាលូស៊ី ប្រទេសអេស្ប៉ាញ។ លោកប៉ាប្ល៉ូ ពីកាសូ ទទួលមរណភាពនៅថ្ងៃទី៨ ខែមេសា ឆ្នាំ ១៩៧៣ នៅទីក្រុង មូហ្ស៊ីន ខេត្ត អាល់ព៍ ម៉ារីទីម ប្រទេសបារាំង។ លោកពីកាសូ គឺជា វិចិត្រករ អ្នកគូគំនូរ និងអ្នកចម្លាក់ជនជាតិអេស្ប៉ាញ ដែលបានចំណាយពេលភាគ​ច្រើននៃ​ជីវិតរបស់​លោក​រស់នៅប្រទេសបារាំង។

តូគូហ្គាវ៉ា យ៉ូស្ហ៊ីមូណេ កើតនៅថ្ងៃទី២៧ ខែវិច្ឆិកា ឆ្នាំ១៦៨៤ និងទទួលមរណភាពនៅថ្ងៃទី១២ ខែកក្កដា ឆ្នាំ១៧៥១។ តូគូហ្គាវ៉ា យ៉ូស្ហ៊ីមូណេ គឺជាស្ហ៉ូហ្គុនទី៨ នៃរដ្ឋាភិបាលស្ហ៉ូហ្គុន គ្រួសារ​តូគូហ្គាវ៉ា នៃប្រទេសជប៉ុន ស្ហ៉ូហ្គុន ដែលមានន័យថា ជាមេដឹកនាំរដ្ឋាភិបាលយោធា។

ហ្ស៉ានដាក់ ឬគេហៅថា តរុណី នាងក្រមុំតូច កើតនៅប្រមាណឆ្នាំ១៤១២ នៅស្រុកដុមរ៉េមី ភូមិ​ឌូស្ហ៉េ ដឺ បា សព្វថ្ងៃស្ថិតនៅស្រុក វ៉ូហ្ស៉េស ខេត្តឡ័ររ៉េន ប្រទេសបារាំង។ ហ្ស៉ានដាក់ ស្លាប់​ដោយ​ត្រូវដុតទាំងរស់នៅលើគំនរភ្លើងឆាបឆេះនៅថ្ងៃទី៣០ ខែឧសភា ឆ្នាំ១៤៣១ នៅ​ស្រុក​រូអង់ ទីរួមខេត្តឌូស្ហ៉េ ដឺ ណ័រម៉ង់ឌី ដែលនៅពេលនោះ ជាកម្មសិទ្ធរបស់អង់គ្លេស។ ហ្ស៉ានដាក់ គឺ​ជាវរនារីនៃប្រវត្តិសាស្រ្តរបស់បារាំង មេបញ្ជាការសង្រ្គាម និងជាសន្តីនៃ​ព្រះវិហារ​កាតូលិក ដែលមានមរណនាមថា តរុណី ឌ័ររ៉េអង់។

ម៊ីង ចេងជូ ដែលយកនាមរាជ្យថា យ៉ុងលី គឺជាស្តេចទី៣ នៃរាជ្យវង្សម៊ីង និងជា​អធិរាជ​មួយ​រូប​ដ៏​ល្បីល្បាញបំផុតរបស់ចិន។ ព្រះចៅអធិរាជយ៉ុងលី ដឹកនាំនយោបាយមជ្ឈការ ពង្រីក​ទឹក​ដី និងផ្លាស់ប្តូររាជធានីពីណានគីន ទៅប៉េកាំង ដើម្បីតាមដានឲ្យកាន់តែងាយស្រួល​នូវ​សកម្មភាព​​របស់ជនជាតិម៉ុងហ្គោល។

ព្រះរាជាឡេ ឡ័យ ដែលត្រូវស្គាល់ក្នុងនាមនៃរាជ្យ ជាអធិរាជ ឡេ តៃថូ ប្រសូត​នៅ​ថ្ងៃ​ទី១០ ខែ​កញ្ញា ឆ្នាំ១៣៨៥ នៅក្នុងខេត្តថាន ហូ រាជណាចក្រដាយវៀត។ ជាស្ថានិកនៃ​រាជ្យ​វង្ស​ឡេ ពីឆ្នាំ ១៤២៨-១៥២៤ ព្រះអង្គសោយរាជ្យ​លើ​រាជាណាចក្រដាយវៀត ពីឆ្នាំ១៤២៨-១៤៣៣។

ព្រះរាជាអាស្គៀ ម៉ូហាម៉េដ ទី១ ប្រសូតនៅឆ្នាំ ១៤៤៣ និងសោយទីវង្គត់នៅឆ្នាំ១៥៣៨។ ព្រះ អង្គគឺជាស្តេចទី១ នៃរាជវង្សអាស្គៀ នៃចក្រភពសុងហ្គៃ នៅអាហ្វ្រិកខាងលិច ដែលសព្វថ្ងៃ គឺ ជាប្រទេសម៉ាលី នីហ្ស៉េ និងនីហ្សេរីយ៉ា។

ព្រះរាជាហ្វ្រង់ស្វ័រទី១ ប្រសូតក្រោមនាម ហ្វ្រ៉ង់ស្វ័រ អេនហ្គូឡេម នៅថ្ងៃទី១២​ ខែកញ្ញា ឆ្នាំ ១៤៩៤ នៅទីក្រុងកូញ៉ាក និងសោយទីវង្គត់នៅថ្ងៃទី៣១ ខែមីនា ឆ្នាំ១៥៤៧ នៅស្រុករំប៊ូយ៉េ តំបន់ណ័រម៉ង់ឌី ប្រទេសបារាំង។ ព្រះរាជាហ្វ្រង់ស្វ័រទី១ បានឡើងសោយរាជ្យពីថ្ងៃទី២៥ ខែ​មករា ឆ្នាំ១៥១៥ ដល់ថ្ងៃព្រះអង្គ សោយទីវង្គត់នៅឆ្នាំ១៥៤៧។