ជំនឿ

ព្រះបន្ទូលថ្ងៃនេះជាពាក្យរិះគន់របស់ព្រះយេស៊ូចំពោះពួកផារ៉ាស៊ី និងពួកធម្មាចារ្យដែល​តែងតែ​យក​ព្រះ​បន្ទូ​ល យកធម្មវិន័យទៅអនុវត្ត មិនត្រឹមត្រូវទេ។ របៀបដែលគាត់បង្រៀន ខ្វះខាតចំណុច​ដែលជា​ខ្លឹមនៃ​ធម្ម​វិន័យ​ទាំងអស់នោះ។

ជម្រាបសួរបងប្អូន​ទាំងអស់គ្នា! ថ្ងៃនេះជាថ្ងៃអាទិត្យទី២១ក្នុងរដូវធម្មតា អត្ថបទ​ព្រះគម្ពីរ​ដែល​យើង បាន​ប្រកាស​ក្នុងពិធីបុណ្យសក្ការៈបូជា ជាសំណួរដែលមានច្រើនដងច្រើនសារក្នុងជីវិតយើង ជាសំណួរដែល​បុរស​ម្នាក់ហ៊ានសួរទៅព្រះយេស៊ូ តើមានមនុស្សប៉ុន្មាននាក់ដែលត្រូវព្រះយេស៊ូសង្គ្រោះ? តើព្រះយេស៊ូ​សង្គ្រោះមនុស្សប៉ុន្មាននាក់? ក្នុងជីវិតរបស់យើង បើសិនគ្មានព្រះយេស៊ូ ជីវិតរបស់យើងគ្មានអនាគតទេ។

នៅពេលវេលានេះ ខ្ញុំសូមអញ្ជើញបងប្អូនចូលរួមអធិស្ឋានដើម្បីសុំព្រះវិញ្ញាណជួយបំភ្លឺ ជួយណែនាំយើង ដើម្បីឱ្យ សន្តិភាព មានកើតឡើងចំពោះប្រទេសយើងទាំងពីរ ទាំងប្រទេសថៃ ប្រទេសខ្មែរដែលកំពុងតែមានសង្គ្រាមជាមួយគ្នានេះ។ ជាពិសេសសូមព្រះវិញ្ញាណជួយបំភ្លឺ ជួយណែនាំដល់ថ្នាក់ដឹកនាំទាំងប្រទេសយើង ទាំងប្រទេសថៃ ដើម្បីសូមលោកទាំងពីររកដំណោះស្រាយដោយសន្តិវិធី និងនាំសន្តិភាពដល់ប្រទេសទាំងពីរ។

អត្ថបទព្រះគម្ពីរដំណឹងល្អនៅក្នុងថ្ងៃនេះ យើងឃើញថាការសន្ទនារវាងទេវទូតកាព្រីអែល​ និងនាងម៉ារី ដែល​ពួកគាត់សន្ទនាជាមួយគ្នាអំពីបេសកកម្មដែលនាងម៉ារីត្រូវទទួល។ ខ្ញុំចង់ចែកជាមួយបង​ប្អូនបី​ចំណុច​ ទីមួយ៖ គឺអំពីអំណរសប្បាយដែលនាងម៉ារីនឹងទទួល! ព្រះជាម្ចាស់​បានត្រាស់ហៅនាង​ម៉ារីឱ្យក្លាយ​ជា​មា​តា​របស់ព្រះយេស៊ូ។ ហើយព្រះជាម្ចាស់បានត្រាស់ហៅនាងម៉ារីឱ្យក្លាយជាបុគ្គលម្នាក់​ដែល​រស់​នៅ​ជា​គំ​រូ ដោយ​ស្តាប់ព្រះសូរសៀងរបស់ព្រះជាម្ចាស់ និងយល់ព្រមធ្វើតាមពាក្យរបស់ព្រះអង្គ។

ជម្រាបសួរបងប្អូនជាទីស្រឡាញ់! ព្រះបន្ទូលថ្ងៃនេះគឺល្អណាស់សម្រាប់យើងជាគ្រីស្តបរិស័ទដើម្បីដើរតាមមព្រះអង្គ។ ម៉ាថាយ(១៩,២៣-៣០) ព្រះយេស៊ូចង់ឱ្យយើងចិត្តតែមួយជាមួយនិងព្រះអង្គ គឺដើរតាមព្រះអង្គដោយចិត្តលះបង់។ បង​ប្អូន​ដឹងហើយថានៅក្នុងជីវិតលោកិ៍យ មានរឿងច្រើនដែលទាម​ទារចិត្តរបស់​យើង​ឱ្យឆ្ងាយ​ពីព្រះជាម្ចាស់​ជា​ពិ​សេ​ស​គំនិតរកស៊ី គំនិតដែលធ្វើឱ្យយើងរវីរវល់តែក្នុងលោកនេះ ជាពិសេសគំនិត លោភ​លន់​។

បងប្អូនស្គាល់បទចម្រៀង“ខ្ញុំផ្ដល់សេចក្ដីសុខសាន្ត”បទនេះពិរោះ និពន្ធដោយលោកពុកកាន។ ចម្រៀ​ង​​នោះ​រៀបរាប់ថា របស់ដែលខ្ញុំឱ្យអ្នករាល់គ្នាមិនដូចមនុស្សលោកឲ្យទេ! ​គឺ​សេចក្ដី​សុខសា​ន្ត​​របស់​ព្រះ​អ​ម្ចាស់​! បទចម្រៀងនោះពិរោះមែនទែន សង្ឃឹមថាបងប្អូ​នថ្ងៃ​នេះ​អាច​ជាសូត្រ​ ឬ​ស្មូត​បទ​ចម្រៀង​នោះ ទាំងស្ដាប់ព្រះបន្ទូលថ្ងៃអាទិត្យទី២០នេះ ពិតជាមានខ្លឹមសារច្រើនសម្រាប់យើង។

ជម្រាបសួរបងប្អូនជាទីស្រឡាញ់! ថ្ងៃនេះយើងមកជាមួយគ្នាដើម្បីបន្តអធិដ្ឋាន​​ទូលសសេចក្ដីសុខសាន្ត សន្តិភាពរវាងប្រទេសយើងទាំងពីរគឺកម្ពុជាថៃ។ បាទ! សូមព្រះជាម្ចាស់ជួយបំភ្លឺដល់ថ្នាក់ដឹកនាំទាំង​ពីរ​​​ស្វះស្វែងរកសន្តិភាព ជា​ជាង​ធ្វើ​សង្គ្រាមដាក់​គ្នា​ទៅវិញទៅមក។ ដូច្នេះយើង​សុំអធិដ្ឋា​ន​និង​សូម​ថ្វាយ​ទុក្ខ​លំបាក​របស់ប្រជាជនយើងទាំងអស់គ្នាទៅក្នុងព្រះហស្ថរបស់ព្រះជាម្ចាស់។

បងប្អូនជាទីស្រឡាញ់! នៅថ្ងៃនេះយើងមានអត្ថបទដំណឹងល្អទាក់ទងនឹងពិធីមង្គលការរបស់​ព្រះបុត្រា​របស់​​ព្រះជាម្ចាស់គឺព្រះយេស៊ូ។ ព្រះយេស៊ូយាងមកនៅក្នុងលោកនេះ ហើយចូលរួមពិធីមង្គល​ការរបស់​ព្រះអង្គ មង្គលការនោះ​រៀបចំឡើងយ៉ាងពិសេសព្រោះមាន​ស្រាទំពាំងបាយ​ជូរ​ គឺជា​ព្រះលោហិត​របស់​ព្រះយេស៊ូ​ជា​ព្រះបេះ​ដូងរបស់ព្រះយេស៊ូដែលនៅលើឈើឆ្កាង។ ព្រះយេស៊ូត្រាស់ហៅ​យើងឱ្យចូលរួមនៅ​ក្នុងពិធី​មង្គ​ល​ការ ប៉ុន្តែពេលខ្លះយើងបៀបដូចជាភ្ញៀវនៅក្នុងអត្ថបទដែលមិនព្រមចូលរួម។

អត្ថបទ​ដំណឹងល្អ នៅ​ក្នុង​ថ្ងៃ​នេះ បង្ហាញ​យើង​ពី​លក្ខណៈ​ពិសេស​របស់​គ្រីស្ត​សាសនា គឺ​ព្រះយេស៊ូ​សូម​ឲ្យ​សាវ័ក​របស់​ព្រះអង្គ ស្រឡាញ់​មិន​ត្រឹមតែ​ស្រឡាញ់​អ្នក​ដទៃ ប៉ុន្តែ​ស្រឡាញ់​ទាំង​ខ្មាំង​សត្រូវ ស្រឡាញ់​អស់​អ្នក​ដែល​ធ្វើ​បាប​យើង។ ជារឿងដែល​ពិត​ជាពិបាកមែនទែន ការដែលឲ្យយើងទៅស្រឡាញ់​អ្នកដែល​ធើ្វ​បាបយើង ផ្ទុយពីការសងសឹកនោះ ឬ​យ៉ាង​តិច​យើង​មិន​និយាយ​ជាមួយ​។

ថ្ងៃនេះព្រះបន្ទូល លូកាជំពូកទី(៦,១២-១៨) បានជំរុញទឹកចិត្តឲ្យបងប្អូនជា​សាវ័ករបស់ព្រះអង្គដើ​រ​តាម​ព្រះអង្គអំពីការជ្រើសរើសសិស្សថ្មី​ ដែលហៅថាក្រុមគ្រីស្តទូតដែលមាន១២នាក់។​ សាវ័ករបស់ព្រះយេ​ស៊ូ​មាន​ច្រើន ក៏ដូចជាអ្នកដើរតាមព្រះអង្គមានច្រើន ប៉ុន្តែព្រះយេស៊ូបានជ្រើសរើសតែ១២នាក់ទេ​ជា​ទូត​របស់​ព្រះអង្គ យើងហៅថា “ក្រុមគ្រីស្តទូត” ឬមានពាក្យមួយដែលយើងអាចហៅបានដែលគឺ “អគ្គសាវ័ក”។ មានន័យថាអ្នកដែលត្រូវព្រះអម្ចាស់យេស៊ូគ្រីស្តជ្រើសរើស និងមានតួនាទីជួបជាមួយព្រះអង្គ។

ថ្ងៃនេះពេលយើងបានស្ដាប់ព្រះបន្ទូលព្រះជាម្ចាស់ ជាព្រះបន្ទូលមួយនាំយើងឲ្យគិតពីការរស់នៅ នឹងការ​ប្រព្រឹត្តតាមជំនឿរបស់យើងផ្សារភ្ជាប់និងព្រះបន្ទូលរបស់ព្រះជាម្ចាស់ដូចព្រះយេស៊ូប្រាប់ថា ព្រះអង្គជា​ម្ចាស់​​​លើអ្វីៗទាំងអស់ ដូច្នេះព្រះយេស៊ូវជាព្រះគ្រីស្តជាអម្ចាស់លើថ្ងៃសប្ប័ទ លើ​វត្ថុសម្ភារៈ​អ្វី​ៗ​ទាំង​អស់​ដែល​មា​ន។

ខ្ញុំមានចំនុចខ្លះៗដែលចង់ចែកជាមួយបងប្អូននៅ​ក្នុង​អត្ថបទ​ព្រះគម្ពីរ​ដំណឹងល្អ​ថ្ងៃ​នេះ ​ព្រះយេស៊ូវបាន​យាង​​ចូល​ទៅ​ក្នុង​ទូក​របស់​ សន្តសិលា ដោយ​សារ​សន្តសិលា គាត់​នេសាទ​ត្រី​អត់​បាន​សោះ ពេញ​មួយ​យប់​​ប៉ុន្តែ ព្រះយេស៊ូវបាន​យាង​ចូល​ទៅ​ក្នុង​ទូក​នឹងបង្គាប់​ឲ្យ​លោកសិលា​ចេញ​ទូក​ទៅ​នេសាទ​ម្តង​ទៀត។ យើង​ឃើញ​ថាទោះបីលោកសិលាហត់នឿយ​ពេញ​មួយ​យប់​ក្នុងការនេសាទត្រីមិនបានក៏ដោយ ក៏​លោកនៅតែ​ស្តាប់​​បង្គាប់ព្រះយេស៊ូហើយ​សុខ​ចិត្ត​ទៅ​ម្តង​ទៀត។

ក្នុងអត្ថបទដំណឹងល្អនៅថ្ងៃនេះប្រហែលជាយើងអាចនិយាយអំពីបីឬ បួនចំណុច ទីមួយ៖ ព្រះយេស៊ូ​ទៅ​ជួប​កុំគ្រីស្តទូតដើមដំបូងដែលកំពុងនេសារត្រីអ្នកទាំងនោះសាមញ្ញាណាស់! ត្រង់នេះ​បង្ហាញថាវត្តមាន​ព្រះ​យេស៊ូ​គឺគង់នៅ​ជាមួយ​យើ​ង​​មិនមែននៅលើមេឃ ឬនៅកន្លែងអស្ចារ្យ តែនៅក្នុងជីវិតប្រចាំថ្ងៃរបស់​យើង នៅកន្លែងធ្វើការ តាមរយៈអ្នកដ៏ទៃ ឬនៅក្នុងក្រុមគ្រួសារ! ពេលយើងអធិស្ឋានប្រចាំថ្ងៃព្រះអង្គ​គង់​ជាមួយយើង ប៉ុន្តែ! ពេលខ្លះយើងមើលព្រះអង្គមិនឃើញ។

ព្រះយេស៊ូធ្វើសកម្មភាពមួយដែលបង្ហាញអំណាចឫទ្ធិរបស់ព្រះជាម្ចាស់នៅក្នុងលោកនេះដើម្បីយើងឃើញ គឺការឈ្នះសេចក្តីអាក្រក់ មាសារតាំង ដូចខ្មោច។

ជម្រាបសួរបងប្អូន! ថ្ងៃនេះ គឺជាថ្ងៃបុណ្យសន្តអ៊ីញ៉ាស់នៅ ឡូយ៉ូឡាជាអ្នកបង្កើតក្រុមជេស្វីត​សហជីវិន​ព្រះ​យេ​​​​ស៊ូ​​ដែលនៅស្រុកខ្មែរដែលមានលោកអភិបាលគីគេជាសមាជិក និងលោកឪពុកជាច្រើន​ទៀត​​ជា​ពិ​សេ​ស​នៅ​ភូមិភាគបាត់ដំបង។

បងប្អូនជាទីគោរពរាប់អាន! ក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះតាមម៉ាថាយ (១៣,៤៤​-៤៦)​ ព្រះយេស៊ូមានព្រះបន្ទូលជាពាក្យប្រស្នាអំពីកំណប់ និងពេជ្រដ៏មានតម្លៃ។ ពាក្យប្រស្នា​ទាំង​ពី​របង្ហាញ​អំពី​តម្លៃ​ដ៏ខ្ពស់ខ្ពង់នៃព្រះរាជ្យនៃស្ថានបរមសុខ។ ​ពាក្យប្រស្នាទីមួយមានបុរសម្នាក់រកកំណប់​ដែល​គេ​កប់​ទុក​នៅ​ក្នុងស្រែមួយ ពេលគាត់រកឃើញហើយ គាត់ក៏លក់ទ្រព្យសម្បត្តិទាំ​ងប៉ុន្មាន​ដែលគាត់​មាន​មកទិ​ញ​កំណប់​នោះ។ ពាក្យប្រស្នាទីពីរនិទានអំពីអ្នកជំនួញម្នា​ក់ដែលបានឃើញពេជ្រមួយ​គ្រាប់ដ៏មាន​តម្លៃ​លើស​លប់ ហើយគាត់ក៏ទៅលក់អ្វីៗទាំងប៉ុន្មានដែលគាត់មានយកប្រាក់មកទិញពេជ្រនោះ។

ជីវិតរបស់យើងមានហេតុ មានផលនេះគឺជាមេរៀនជីវិត​ដែលព្រះពុទ្ធសាសនា និងគ្រីស្តបរិស័ទមានហេតុ មានផល អ្នកណាធ្វើល្អបានល្អ អ្នកណាធ្វើអាក្រក់បានអាក្រក់។ នៅពេលដែលយើង​អានអត្ថបទ​ទី​មួយ​ថ្ងៃនេះ មនុស្សដែលមានអាកប្បកិរិយាទង្វើមិនល្អត្រូវតែទទួលរង្វាន់នៃមនុស្សអាក្រក់គឺនៅស្ថាននរក។ ប៉ុន្តែ​ថ្ងៃនេះមានដំណឹងល្អគឺព្រះអង្គយាងមកដើម្បីសង្គ្រោះមនុស្សយើងពីអំពើបាប បើយើងគិតតែ​បាបកម្ម​របស់​យើងពិបាកមែនទែន ដោយសារយើងឃើញជីវិតរបស់យើងអត់មានផ្លូវសង្គ្រោះទេ ប៉ុន្តែ​មាន​ដំណឹង​ល្អ​មួយគឺព្រះអង្គយាងមកដើម្បីសង្គ្រោះយើងអំពើបាបរបស់យើង។

ថ្ងៃនេះខ្ញុំមានសេចក្តីសោមនស្សរីករាយ! នៅថ្ងៃសៅរ៍ ទី២៦ ខែកក្កដានេះ ជាថ្ងៃរំលឹកដល់លោកយ៉ូហាគីម និងហាណ្ណាដែលត្រូវជាឪពុកម្តាយរបស់ព្រះនាងម៉ារី។ នេះពិតជាមានអំណរសប្បាយ​មែនទែន​ដែលយើង​បាន​ស្គាល់ជីដូនជីតារបស់ព្រះយេស៊ូ នេះជាអំណរសប្បាយមួយដែលជួយឱ្យយើង​យល់ថា​ព្រះជាម្ចា​ស់​​​បានត្រាស់ហៅម្តាយម៉ារីដោយសារតែឪពុកម្តាយរបស់ព្រះនាងគឺជាអ្នកជឿ និងផ្ញើជីវិតលើព្រះជាម្ចាស់។

នៅក្នុងអត្ថបទដំណឹងល្អនៅក្នុងថ្ងៃនេះយើងបានលឺថា ព្រះយេស៊ូបានលើកប្រស្នាអំពីគ្រាប់ពូជដែលអ្នកសាបព្រោះ ព្រោះទៅលើដីដែលមានថ្ម ព្រោះទៅលើដីដែលមានបន្លា ព្រោះទៅលើដីដែលមានជីជាតិ និងព្រោះទៅលើដីដែលជាផ្លូវ។ នៅក្នុងអត្ថបទព្រះគម្ពីរដំណឹងល្អ នៅពេលដែលបងប្អូនបានស្តាប់នៅព្រះបន្ទូលណាមួយដែលទាក់ទងទៅនឹងគ្រាប់ពូជគឺជាព្រះបន្ទូលរបស់ព្រះជាម្ចាស់។

ថ្ងៃនេះព្រះយេស៊ូដូចជាឌឺដល់អ្នកដែលស្តាប់ព្រះអង្គ! ព្រះអង្គមានព្រះបន្ទូលថា៖ “ទោះបីអ្នករាល់​គ្នាខិត​ខំ​ប្រឹង​​ប្រែងស្តាប់ ខិតខំប្រឹងប្រែងមើលឃើញក៏អ្នករាល់គ្នាមើលមិនឃើញ នឹងស្តាប់មិនឮដែរ” ព្រះយេស៊ូ​និយាយ​​ដូច្នេះដើម្បីជំរុញយើងឲ្យខិតខំមែនទែន។ ព្រះយេស៊ូដូចជានិយាយផ្ទុយ ដើម្បីដាស់តឿន និង​ជំរុញ​យើ​ង ប្រសិនបើយើងមិនខិតខំមិនរវីរវល់ទេ យើងមិនយល់អំពីព្រះជាម្ចាស់ និងមិនយល់​អំពី​អត្ថ​ន័យ​នៃ​ជីវិត ហើយមិនយល់អំពីខ្លួនឯងពិតប្រាកដមែន។