ថ្ងៃទី១២ ខែមករា ឆ្នាំ២០២៦ អត្ថបទគម្ពីរ (ម៉ាកុស ១,១៤-២០)អត្ថាធិប្បាយគម្ពីរដោយ៖ លោកបូជាចារ្យ ​គ្លេន ឌីយ៉ាស

សូមជម្រាបសួរ បងប្អូនទាំងអស់គ្នា!ថ្ងៃនេះ គឺជាថ្ងៃទី១ នៅក្នុងរដូវធម្មតា ក្នុងព្រះសហគមន៍កា​តូ​លិក​។ កាលពីម្សិលមិញ ជាថ្ងៃ ព្រះយេស៊ូទទួលបានអគ្គសញ្ញាជ្រមុជទឹក ដែលបាន​បង្ហាញ​យើង​ពីរបៀបរស់នៅ ជាសមាជិកគ្រួសារតែមួយរបស់ព្រះអង្គគឺ សូមឱ្យយើង​ចេះបន្ទាប​ខ្លួន ដូចព្រះយេស៊ូបម្រើអ្នកដទៃ។

ថ្ងៃនេះព្រះជាម្ចាស់ក៏បានអញ្ជើញយើងតាមរយៈព្រះបន្ទូលដំណឹងល្អដែលយើង​បាន​ឮ ទ្រង់​អញ្ជើញ​លោក​ស៊ីម៉ូន និងលោកអាន់ដ្រេ ជាអ្នកនេសាទត្រី ឱ្យក្លាយ​ទៅ​ជា​អ្នកនេ​សាទ​មនុស្សវិ​ញ។ ​សូម​ឱ្យ​យើង​ចូល​រួម​ក្នុង​បេសកកម្មរបស់ព្រះយេស៊ូក្នុងពិភពលោក ក្លាយជាសញ្ញាសម្គាល់អំពីសេចក្ដី​ស្រឡាញ់​របស់​ព្រះជា​ម្ចាស់​។ នៅថ្ងៃនេះបងប្អូនទទួលបានការលើកទឹកចិត្តតាមរយៈព្រះបន្ទូល ឱ្យយើងដឹងថា អ្វីៗទាំងអស់​ដែល​​​យើង​នឹង​ធ្វើក្នុងជីវិតរបស់យើង យើងធ្វើដោយស្មោះត្រង់ និងតាមគោល​បំណងរបស់​ព្រះជា​ម្ចាស់​ក្នុ​ង​ជីវិតរ​បស់​យើង។ ទី១៖ ព្រះជាម្ចាស់ជាអ្នកអញ្ជើញយើង។ ទី២៖ ព្រះជាម្ចាស់ជា​អ្នក​ទទួល​ខុស​ត្រូវ​លើ​ការងារ​របស់​យើង។ អ្វីដែលយើងត្រូវធ្វើ គឺចូលរួមតាមការប្រៀនប្រដៅរបស់ព្រះអង្គ ថ្វាយ​ជីវិត​ទាំង​ស្រុង ដើ​ម្បី​ឱ្យ​ការ​ងារ​របស់យើងរលូន នឹងជា​ពន្លឺ​ដែល​​បំភ្លឺចិត្តគំនិតរបស់មនុស្សលោក។

មនុស្សទាំងអស់ដែលជួបយើង ដូចជាលោកស៊ីម៉ូន និង​លោក​អាន់ដ្រេ នឹងក្លាយទៅជាអ្នកនេសាទមនុស្ស គឺជាអ្នកប្រកាសដំណឹងល្អ និងប្រកាស​អំពី​សេចក្ដី​ស្រឡាញ់របស់ព្រះជាម្ចាស់ចំពោះមនុស្សលោក  ថ្ងៃនេះ​គឺ​ជាថ្ងៃពិសេសសម្រាប់យើងវាប្រៀបដូចថ្ងៃដែល ព្រះយេស៊ូចាប់ផ្ដើ​ម​បេស​ក​កម្ម​ថ្មីរបស់​ព្រះអង្គ​ក្នុង​ព្រះ​ជន្ម​របស់ព្រះអង្គ។ ថ្ងៃនេះព្រះជាម្ចាស់ក៏អញ្ជើញយើងចូលរួមក្នុងបេសកកម្ម​របស់​ទ្រង់​នៅ​លើ​លោកីយ៍នេះ ជាអ្នកប្រកាសដំណឹងល្អ ​អ្នកណែនាំបងប្អូនឯទៀតៗ និងបង្ហាញសេចក្ដី​ស្រឡាញ់​របស់​ព្រះជាម្ចាស់ ដល់​អស់​បងប្អូនដែលមានសេចក្ដីត្រូវការ