នៅក្នុងអត្ថបទដំណឹងល្អនៅថ្ងៃនេះ ព្រះយេស៊ូប្រៀបធៀបព្រះរាជ្យរបស់ព្រះជាម្ចាស់ដូចជាអួនមួយ ដែលមានត្រីច្រើន គឺត្រីល្អ និងត្រីមិនសូវល្អ ហើយគេទុកត្រីល្អ និងគេចោលត្រីមិនសូវល្អ។ ការប្រៀបធៀបនេះ ដូចអវសានកាលនៃពិភពលោក គឺព្រះយេស៊ូនឹងយាងមក ព្រះអង្គនឹងវិនិច្ឆ័យទោសមនុស្សលោកដោយទុកមនុស្សសុចរិត និងចោលមនុស្សទុច្ចរិត ប៉ុន្តែតាមពិតយើងត្រូវតែទទួលស្គាល់ថា នៅក្នុងជីវិតរបស់យើងមានទាំងល្អ ទាំងអាក្រក់។
