ជំនឿ

បងប្អូនជាទីគោរពអត្ថបទថ្ងៃនេះតាមលូកា(១១,១-៤) ព្រះយេស៊ូបង្រៀនសាវ័កអំពីរបៀបអធិដ្ឋាន ព្រះ​អង្គ​​បង្រៀនសាវ័កពីធម៌ឱព្រះបិតា ប្រហែលធម៌​ឱព្រះបិតាជាធម៌មួយដ៏សំខាន់មែន​ទែនសម្រាប់​យើង ព្រោះយើងសូត្ររាល់ថ្ងៃ ប៉ុន្តែជូនកាលយើងមិនបានយក​ចិត្តទុកដាក់​នៃតម្លៃនិ​ងខ្លឹម​សា​រធម៌​ឱ​ព្រះ​បិតា ធម៌នេះរំលឹកអត្តសញ្ញាណរបស់យើង ជាបុត្រធីតារបស់ព្រះជាអម្ចាស់។

បងប្អូនជាទីគោរពនៅក្នុងអត្ថបទថ្ងៃនេះតាមយ៉ូហាន (៨,៣១-៤២) ព្រះយេស៊ូមានព្រះបន្ទូលថា ប្រសិន​បើ​អ្នករាល់គ្នាស្ថិតនៅជាប់នឹងពាក្យរបស់ខ្ញុំអ្នករាល់គ្នាពិតជាសាវ័ករបស់ខ្ញុំមែន។ ព្រះយេស៊ូ​មាន​ព្រះបន្ទូល​បញ្ជាក់ថា កាលដែលស្ថិតនៅជាប់ព្រះអង្គធ្វើឱ្យមនុស្សយើងក្លាយជាសាវ័ករបស់ព្រះអង្គពិតប្រាកដ។ អត្ថ​បទនេះមានន័យថា ពួកយើងស្តាប់បង្គាប់ព្រះបន្ទូលរបស់ព្រះអង្គដើម្បីក្លាយជាសាវ័ករបស់ព្រះអង្គ បើពួក​យើងស្ថិតនៅជាប់នឹងព្រះបន្ទូលរបស់ព្រះអង្គ​ពួកយើងមិនឯកោទេ។

ព្រះយេស៊ូបានហៅសាវ័កឱ្យមកស្នាក់នៅជាមួយព្រះអង្គ ក្រោយពេលដែលសាវ័ក​បានចេញ​ទៅ​ប្រកាស​ដំណឹងល្អ ព្រះអង្គ​បាន​បង្រៀន និងណែនាំគេអំពីធម៌មេត្តាករុណា និងសេចក្តី​ស្រឡាញ់ដល់សាវ័ក​។ កាល​ដែលព្រះយេស៊ូបានចាត់ចែកឱ្យក្រុមសាវ័កទៅប្រកាសដំណឹងល្អនេះគឺធ្វើឱ្យមានការរួបរួមគ្នា កា​រជឿ​ទៅ​លើដំណឹងល្អលើសេចក្តីប្រៀបប្រដៅរបស់ព្រះយេស៊ូ។ ព្រះយេស៊ូក៏ណែនាំ​គេពីកិច្ចការ​ដែល​សាវ័កធ្វើ គឺណែនាំឱ្យគេជឿលើដំណឹងល្អ នឹងចេះបង្ហាញជំនឿដែលខ្លួនជឿទៅដល់បងប្អូនឯទៀត តាមរយៈការ​បង្រៀន ដើម្បីឱ្យអ្នកដែលបានស្តាប់ នឹងទទួលការណែនាំនោះមានជំនឿ និងទុកចិ​ត្តលើ​ព្រះយេស៊ូ។

ជម្រាបសួរទាំងអស់គ្នា ថ្ងៃនេះយើងរួបរួមគ្នារិះគិតពិចារណាព្រះបន្ទូលដំណឹងល្អតាមយ៉ូហាន (៦,៣៥-៤០) អត្ថបទនេះព្រះយេស៊ូបង្ហាញព្រះអង្គ​ឱ្យបណ្តាជនស្គាល់យ៉ាងច្បាស់។ ព្រះយេស៊ូ​មាន​ព្រះ​បន្ទូល​ថា ព្រះអង្គជាអាហារដែលផ្តល់ជីវិត អ្នកណាមករកព្រះអង្គលែងឃ្លានទៀតហើយ អ្នកណាជឿ​លើ​ព្រះអង្គ​ក៏លែងស្រេកទៀតដែរ។ ព្រះអង្គមិនបោះបង់អ្នកដែលមករកព្រះអង្គជាដាច់ខាត ត្បិតព្រះអង្គចុះ​ពីស្ថា​ន​បរមសុខមកដើម្បីធ្វើតាមព្រះហឫទ័យរបស់ព្រះបិតាដែលបានចាត់ព្រះអង្គឱ្យមក។

បុណ្យរោយផេះហៅថាថ្ងៃពុធរោយផេះ។ ថ្ងៃពុធជាថ្ងៃដំបូងនៃរដូវអប់រំពិសេសក្នុងរដូវអប់រំពិសេសគ្រីស្ត​បរិ​ស័ទ​យកចិត្តទុកដាក់ប្រែចិត្តគំនិត ដើម្បីវិលទៅរកព្រះជាអម្ចាស់ដែលត្រាស់ហៅខ្លួន​ឱ្យទៅជាបុត្រធីតា​របស់​ព្រះអង្គ នៅថ្ងៃនេះដំបូងនៃរដូវអប់រំពិសេសព្រះសហគមន៍កាតូលិកតែងតែប្រារព្ធពិធីរោយផេះ។ ក្នុង​ពេល​រោយផេះលោកបូជាចារ្យដៅសញ្ញាឈើឆ្កាងនៅលើក្បាលព្រមទាំងមានប្រសាសន៍ថា ចូរប្រែចិត្តគំនិត ហើយជឿដំណឹងល្អចុះ ឬចូរអ្នកនឹកថា អ្នកកើតពីធូលីដីមក ហើយអ្នកក៏នឹងត្រឡប់ទៅធូលីដីដែរ ។

ថ្ងៃពុធសប្តាហ៍ទី៩រដូវធម្មតា អត្ថបទថ្ងៃនេះ​សន្តប៉ូលជាគ្រីស្តទូត​ជាសាវ័ក​របស់ព្រះយេស៊ូ ពីមុនគាត់​ជា​អ្នក​បៀ​តបៀនព្រះសហគមន៍ ជាអ្នកប្រឆាំងព្រះសហគមន៍ ប៉ុន្តែក្រោយ​ពេល​បានជួបព្រះយេស៊ូ សន្តប៉ូល​បាន​កែប្រែ និងផ្លាស់ប្តូរជីវិតមកជាអ្នកបម្រើព្រះជាម្ចាស់វិញ។ ហេតុអ្វីបានគាត់កែប្រែ និងផ្លាស់ប្តូរ? ដោយ​សារគាត់បានឃើញព្រះយេស៊ូមានព្រះជន្មរស់ឡើងវិញ ហើយព្រះអង្គបានសន្យាថា អស់អ្នកដែល​ជឿ​ជាក់លើព្រះយេស៊ូនឹងទទួលជីវិតអស់កល្បជានិច្ច។

បងប្អូនជាទីគោរពនៅក្នុងអត្ថបទព្រះគម្ពីរថ្ងៃនេះតាមលោកម៉ាកុស(៦,១-៦)អ្នកភូមិស្រុករបស់​ព្រះយេស៊ូ​​​​បដិសេធ​​មិនព្រមទទួលព្រះយេស៊ូទេ។ ព្រះយេស៊ូ និងសាវ័កបានធ្វើដំណើរទៅភូមិស្រុករបស់ព្រះអង្គ លុះ​ដល់ថ្ងៃសម្ប័ត ព្រះយេស៊ូបង្រៀនអ្នកស្រុកនៅក្នុងសាលាប្រជុំ។ មនុស្សជាច្រើនដែល​បាន​ស្តាប់​ព្រះអង្គ​​ងឿងឆ្ងល់ក្រៃលែង ពួកគេសួរសំណួរ នឹងនិយាយគ្នាថា តើគាត់ដឹងសេចក្តីទាំងនេះមកពីណា?

បងប្អូនជាទីគោរពអត្ថបទថ្ងៃនេះតាមលោកយ៉ូហាន (៥,១៧-៣០) និយាយអំពីទំនាក់ទំនង និង​បេសក​កម្ម​របស់ព្រះបិតា និងព្រះយេស៊ូ។ ព្រះយេស៊ូមានព្រះបន្ទូលថា ព្រះបិតារបស់ខ្ញុំធ្វើ​ការរហូត​មក​ដល់​សព្វថ្ងៃ ខ្ញុំក៏ដូចព្រះអង្គដែរ។ អត្ថបទនេះបញ្ជាក់ថា ការទំនាក់ទំនងរវាងព្រះជា​អម្ចាស់​ជាមួយ​ព្រះយេស៊ូ គឺជាព្រះបិតា និងព្រះបុត្រា។

បកស្រាយដោយ៖ លោកបូជាចារ្យ ហ្វ្រង់ស្វ័រ អេមេល្សដាល(ព្រះសហគមន៍កាតូលិកភូមិភាគភ្នំពេញ)

បកស្រាយដោយ៖ លោកបូជាចារ្យ ហ្វ្រង់ស្វ័រ អេមេល្សដាល(ព្រះសហគមន៍កាតូលិកភូមិភាគភ្នំពេញ)

បកស្រាយដោយ៖ លោកបូជាចារ្យ ហ្វ្រង់ស្វ័រ អេមេល្សដាល(ព្រះសហគមន៍កាតូលិកភូមិភាគភ្នំពេញ)

នៅថ្ងៃនេះព្រះយេស៊ូចាត់សាវ័កទាំងដប់ពីរឱ្យទៅប្រកាសដំណឹងល្អ ព្រះអង្គប្រៀបដូចជាគ្រូ​បង្ហាត់ និងបា​ន​ចាត់ឲ្យក្រុមសាវ័កដកពិសោធន៍ តាមរយៈការប្រកាសដំណឹងល្អរបស់ព្រះជាម្ចាស់។​ ​ដូចពេល​ខ្ញុំនៅទេ​វ​វិទ្យា​ល័យខ្ញុំធ្លាប់រស់នៅក្នុង​ព្រះសហគមន៍ដើម្បីវឹកហាត់សកម្មភាពភាពខ្លួន​​។

អត្ថបទព្រះគម្ពីរម៉ាកុសជំពូក៥,១-២០ ដែលយើងបានស្តាប់ថ្ងៃនេះ ព្រះយេស៊ូឆ្លងទៅត្រើយម្ខាង​នៃតំបន់​គេ​រ៉សា​តំបន់នេះជារបស់សាសន៍ដទៃដែលជនជាតិយូដារើសអើងមិនរាប់រក។ ពេលព្រះអង្គឆ្លងទៅភ្លាម​ព្រះអង្គ​​បានឃើញបុរសម្នាក់ត្រូវបានខ្មោចចូលនៅទីបញ្ចុះសព។​ ទីបញ្ចុះសពនេះជានិមិត្តរូបនៃសេចក្តី​អាក្រក់​ទាំងឡាយជាកន្លែងដែលប្រមូលផ្តុំទៅដោយព្រាយបិសាច។

បកស្រាយដោយ៖ លោកបូជាចារ្យ អេមេល្សដាល​ ហ្វ្រង់ស្វ័រ(ព្រះសហគមន៍កាតូលិកភូមិភាគភ្នំពេញ)

ថ្ងៃនេះលោកពុកមកបកស្រាយព្រះគម្ពីរទាក់ទង និងជំនឿ។ ជំនឿគឺជាកត្តាសំខាន់​សម្រាប់គ្រីស្តបរិស័ទ​គ្រប់រូប កត្តាសំខាន់នោះគឺព្រះយេស៊ូបានសោយទិវង្គត និងមានព្រះជន្មរស់​ឡើងវិញ​គង់​នៅ​កណ្តាល​យើង ហេតុនេះបានជាជំនឿគឺជាកត្តាសំខាន់សម្រាប់គ្រីស្តបរិស័ទគ្រប់ៗរូប។ លោកយ៉ូហានបាន​បញ្ជាក់​ថា បើព្រះយេស៊ូមិនសោយទិវង្គត និងមានព្រះជន្មរស់ឡើងវិញទេ នោះជំនឿ​របស់​យើងក៏អត់មាន​ន័យ​ដែរ។

ដំណឹងល្អថ្ងៃនេះ! ព្រះយេស៊ូចាត់សាវ័កទាំងអស់ឱ្យទៅប្រកាសដំណឹងល្អទូទាំងពិភពលោកដល់មនុស្ស​គ្រប់ជាតិសាសន៍ និងធ្វើពិធីជ្រមុជទឹក​។ រៀង​រាល់ឆ្នាំនៅថ្ងៃទី២៥ គឺជាថ្ងៃ​ដែល​ព្រះសហគមន៍​គោរពសន្ត​ប៉ូល​កែប្រែចិត្តគំនិត។ ពេញសប្តាហ៍ដែលព្រះសហគមន៍យើងបានមានទំនាក់គ្នា និងគ្នាជាមួយបងប្អូន​គ្រីស្តបរិស័ទដែលនិកាយផ្សេងៗគ្នា។ នេះជាសេចក្តីមួយល្អ! ​តាមរយៈ​សន្តប៉ូល ​ឱ្យ​យើង​សុំ​អង្វ​រព្រះជា​ម្ចាស់​​ដើម្បី​ឱ្យព្រះសហគមន៍យើងទាំងមូល និងគ្រីស្តបរិស័ទរួបរួម​គ្នាជាធ្លុង​តែមួយ។

នៅក្នុងព្រះគម្ពីរដំណឹងល្អរបស់សន្តម៉ាកុសនៅថ្ងៃនេះយើងបានឃើញ ពីរៀបរាប់អំពីពួកធម្មាចារ្យដែល​បាន​​ចោទប្រកាន់ព្រះយេស៊ូថាមានខ្មោចចូល។ នេះជាអ្វីមួយដែលយើងបានឃើញព្រះយេស៊ូ​បានប្រោស​អ្នក​ជំងឺ​ជាច្រើនឱ្យបានជា ព្រះអង្គបានធ្វើការដ៏អស្ចារ្យជាច្រើន ដែលយើងបានឮនៅ​អាទិត្យមុនៗ។

បាទជម្រាបសួរបងប្អូនជាទីមេត្រី និងជាទីស្រឡាញ់ទាំងអស់គ្នា! បងប្អូនធ្លាប់​ចាប់​អារម្មណ៍​ទេថា ពេល​យើង​ទៅផ្សារ មិនថាលោកពុកផ្ទាល់ក៏ធ្លាប់មានបទពិសោធន៍ដូចគ្នា គឺគេហៅថាបង ឬពូ។ ការ​ហៅ​នេះ​ដូច​ជាទំនាក់ទំនងក្នុងក្រុមគ្រួសារមានភាពកក់ក្តៅនិងជិត​ស្និទ្ធ​ ទោះបីពួកគាត់​មិន​ជាប់​​សាច់​ឈាម​​ក៏​យើង​​មានអារម្មណ៍ថា យើងជិតស្និទ្ធគ្នា នេះ​ជា​បទពិសោធន៍​ក្នុង​សង្គម​រស់​នៅ​ជា​មួយគ្នា។ ទំនាក់ទំនង​គ្នា​​ជា​កត្តាមួយដ៏សំខាន់ធ្វើឱ្យយើងមានកម្លាំង មានតម្លៃ និងមានភាពស្និតស្នាល។

អត្ថបទនេះព្រះយេស៊ូមានព្រះបន្ទូលអំពីចង្គៀងពន្លឺ និងប្រៀបធៀបយើង​ពីសក្ខីភាពរបស់យើងនៅ​ក្នុង​កា​​រ​បញ្ចេញមតិអំពី​ព្រះយេស៊ូដោយមិនខ្លាចបង្ហាញជំនឿដល់អ្នកដទៃ ប្រសិន​បើយើងបាន​ទទួលពី​ព្រះ​យេ​ស៊ូគឺព្រះអំណោយទាននៃជំនឿ ឬការទទួលព្រះអំណោយទានឱ្យយើងចេះស្រ​ឡាញ់អ្នក​ដទៃ សុំ​ឱ្យ​យើង​ធ្វើ​តាមសុំកុំឱ្យយើងលាក់លៀម។

បកស្រាយដោយ៖ លោកបូជាចារ្យ​ប៉ូល រឿង ឆ័ត្រសិរី(ព្រះសហគមន៍មណ្ឌលសកម្មភាពភ្នំពេញខាងជើង នាភូមិភាគភ្នំពេញ)