ជំនឿ

ព្រះបន្ទូលដំណឹងល្អនៅថ្ងៃនេះព្រះយេស៊ូប្រាប់យើងថា ចូរស្វែងរកព្រះរាជ្យរបស់ព្រះជាម្ចាស់ជាមុនសិន នោះព្រះអង្គនឹងប្រទានអ្វីៗមកដល់យើង។ ខ្ញុំចូលចិត្តច្រៀងបទនេះ និងចូលចិត្តអធិដ្ឋាន ចូល​ចិត្ត​សម្លឹ​ង​មើល​ស្នាមព្រះហស្តរបស់ព្រះជាម្ចាស់ និងតាមរយៈ​ព្រះបន្ទូលចូរអ្នកស្វះស្វែងរក​ព្រះរាជ្យព្រះជាម្ចាស់​ជាមុ​ន​សិ​នទើបព្រះអង្គប្រទានរបស់ទាំងនោះថែមទៀត។

នៅក្នុងអត្ថបទដំណឹងល្អនៅថ្ងៃនេះព្រះយេស៊ូនិយាយអំពីការអធិដ្ឋាន ហើយព្រះអង្គមានព្រះបន្ទូលថា កុំ​អធិដ្ឋានដូចសាសន៍ដទៃ! ដោយចេះតែនិយាយៗ ឬចេះតែសុំៗព្រះយេស៊ូរំលឹកយើងថាព្រះជា​ម្ចាស់​ជា​ព្រះ​បិតាដ៏ជាទីសំខាន់របស់យើងទាំងអស់គ្នា។ ដូច្នេះមុននឹងទូលអង្វរ ព្រះជាម្ចាស់ទ្រង់បានជ្រាប​អ្វី​ដែល​យើង​ត្រូវការ។

បាទជម្រាបសួរបងប្អូនជាទីស្រឡាញ់! ថ្ងៃនេះយើងស្តាប់ព្រះបន្ទូលរបស់ព្រះជាម្ចាស់ឱ្យយើង​ស្រ​ឡា​ញ់​​​​​សូម្បីតែខ្មាំងសត្រូវ។ សព្វថ្ងៃនេះ! ពិភពលោកកំពុងតែមានសង្រ្គាមព្រោះតែខ្វះ​សេចក្តី​ស្រឡា​ញ់! ​ដែល​នាំឱ្យយើងទាស់ទែងគ្នា​។ សង្ឈឹមថាព្រះបន្ទូលថ្ងៃនេះនឹងជួយឱ្យយើងចេះផ្សះផ្សារគ្នាក្រោយពីបានស្តាប់ ជាពិសេ​ស​សេចក្តី​ស្រឡាញ់​របស់​ព្រះជាម្ចាស់ដែលមិនគ្រាន់តែសម្រាប់យើង តែឱ្យយើងចេះចែក​រំលែក​ដល់​​​អ្នក​ដ​ទៃ និងចំពោះព្រះអង្គដែរ។

ព្រះគម្ពីរដំណឹងល្អតាមសន្តម៉ាថាយ (៥​,៣៨-៤២) ថ្ងៃនេះគួរឱ្យចាប់អារម្មណ៍ ដើម្បីឱ្យយើងរិះគិ​ត​ជា​មួយ​​គ្នាតាម“ខ”នីមួយៗនៅក្នុង“ខ”​៣៨មានចែងថា ភ្នែកសងភ្នែក ធ្មេញសងធ្មេញ។ នៅ​ក្នុង​សម្ព័ន្ធ​មេត្រី​ចាស់​​តាមច្បាប់ជនជាតិយូដាច្បាប់ភ្នែកសងភ្នែក ធ្មេញសងធ្មេញនេះ​គឺជាច្បាប់​ដែល​ត្រូវបាន​ចង​ក្រងឡើង ដើម្បីទប់ស្កាត់ការផ្តទ្ទាទោស ឬការសងសឹងហួសកម្រឹតមានន័យថា យើងអាចផ្តន្ទាទោស ឬ​សង​សឹក​​នរណា​ម្នាក់ឱ្យបានសមរម្យ ឱ្យសមាមាត្រនឹងទោសកំហុសរបស់ម្នាក់នោះ ។

សូមគោរពជម្រាបសួរបងប្អូនទាំងអស់គ្នា! ថ្ងៃនេះជាថ្ងៃដ៏ពិសេសនៃបុណ្យឱឡារិតនៃព្រះត្រៃឯក បង​ប្អូន​ធ្លាប់​ឮពាក្យត្រៃឯកឬអត់? មានអត្ថន័យយ៉ាងម៉េច? ព្រះត្រៃឯកជាព្រះបិតា ព្រះបុត្រា និងព្រះវិញ្ញាណ​ដ៏​វិសុទ្ធ ​ជាព្រះមួយអង្គគត់ដែលជាព្រះជាម្ចាស់របស់យើង។

អត្ថបទគម្ពីរដំណឹងល្អថ្ងៃនេះ ក្រោយពីបុណ្យ៥០ថ្ងៃនៃព្រះវិញ្ញាណយាងមក គឺ​យើងចូលនៅ​រដូវ​ធម្មតា​។ ព្រះបន្ទូលថ្ងៃនេះគឺព្រះយេស៊ូចង់ឱ្យយើងទាំងអស់​គ្នា​និយាយ “​សេចក្តីពិត” មានន័យថាឱ្យយើងចេះ​ប្រើ​ពាក្យ​សម្តីត្រង់ទៅត្រង់មក នេះជាចំណុចមួយសំខាន់​ដើម្បីជួយឱ្យយើងទទួលស្គាល់ទំនាក់ទំនងល្អ។ ទំនាក់ទំនងល្អគឺជាការទទួលខុសត្រូវ​ចំពោះពាក្យ​សម្តីរបស់យើង ព្រោះពាក្យសម្តីល្អ​នាំឱ្យអ្នកដទៃ​គោរព​ស្រឡា​ញ់ ដោយសារតែយើងចេះ​និយាយ​ការពិត។

ក្នុងអត្ថបទដំណឹងល្អព្រះយេស៊ូរំលឹកអំពីធម៌វិន័យរបស់លោកម៉ូសេដែលមានចែងថា៖ “កុំសម្លាប់មនុស្ស” ប៉ុន្តែប្រសិនបើយើងចូលឱ្យជ្រាលជ្រៅមែនទែន គឺព្រះយេស៊ូមិនត្រឹមតែមិនសម្លាប់មនុស្សតែប៉ុណ្ណោះទេ គឺ មិនត្រូវខឹងនឹងគេ ឬជេរប្រមាថមើលងាយអ្នកដទៃទ្បើយ។ ដូច្នេះចំណុចទីមួយពិតជាពិបាកមែន! ប៉ុន្តែ​អ្វីដែលព្រះយេស៊ូចង់និយាយ គឺអំពីកំហឹងដែលមាននៅក្នុងចិត្ត! កំហឹងពីចិត្តដែលចង់ធ្វើបាបគេ ពេល​ខ្លះ​យើង​ខឹងគេភ្លាមៗយើងអាចសម្រួលអារម្មណ៍ ហើយការខឹងរបស់យើងមកពីអារម្មណ៍ឆេវឆៅ។

ព្រះបន្ទូលជួយណែនាំយើងនៅក្នុងការរស់នៅបន្តទៀតពីម៉ាថាយ(៥,១៣-១៦) ជាព្រះបន្ទូលទាក់​ទងនឹង​ប្រស្នា​អំពីអំបិលនិងពន្លឺ។ ដូច្នេះអំបិលនិងពន្លឺជានិមិត្តរូបដ៏សំខាន់​មួយដែល​ព្រះយេស៊ូបាន​ណែ​នាំ​យើង​នឹក​​ឃើញនៃការសារៈជីវិតរបស់យើងឱ្យមានប្រសិទ្ធភាព ឱ្យមានកម្លាំងឱ្យមាន​ព្រះបន្ទូលរ​បស់​ព្រះជាម្ចាស់​នៅក្នុងខ្លួន។

បងប្អូនជាទីស្រឡាញ់រាប់អាន! ថ្ងៃនេះជាថ្ងៃដ៏សែនពិសេសព្រោះជា​ថ្ងៃបុណ្យឱឡារិតគឺព្រះវិញ្ញាណ​ដ៏​វិ​សុទ្ធ​​យាងមកសន្ថិតលើក្រុមគ្រីស្តទូត ហើយសង្ឃឹមថាព្រះវិញ្ញាណដ៏វិសុទ្ធយាងមកសន្ថិតលើយើង។ ថ្ងៃ​នេះ​ជា​ថ្ងៃពិសេសមែនទែន នៅក្នុងព្រះវិហារព្រះសហគមន៍កាតូលិកកំពង់សោម ព្រះវិហារសន្តមីកាអែល​ដែល​ទទួលការស្ថាបនាឡើងវិញក្លាយទៅជាព្រះវិហារថ្មី នឹងមានលោកបូជាចារ្យច្រើន មានលោកអភិបាល និងគ្រីស្តបរិស័ទរាប់រយនាក់ដែលចូលរួមដើម្បីគោរពពិធីបុណ្យនេះនៅក្នុងព្រះវិហារថ្មី។​

ថ្ងៃនេះតាមដំណឹងល្អលោកយ៉ូហានដែលជាសាវ័កដែលព្រះយេស៊ូស្រឡាញ់បានណែនាំ និង​បា​នឱ្យ​យើង​ឃើញ​ថាមានព្រះបន្ទូល និងការបង្រៀនជាច្រើនដែលព្រះយេស៊ូប្រទានដល់ក្រុមសាវ័កដើម្បី​ឱ្យក្រុម​សាវ័ក​មា​នជំនឿនឹងបានឃើញនូវអ្វីដែលព្រះយេស៊ូបានបង្រៀន កិច្ចការដែលព្រះយេស៊ូបានធ្វើនៅក្នុងកិច្ច​ការ​គ្រី​ស្ត​ទូត។

បាទជម្រាបសួបងប្អូនជាទីស្រឡាញ់! ខ្ញុំមានសេចក្តីសោមមនស្សរីករាយដែលបានជួបបងប្អូនម្តងទៀត នៅ​ថ្ងៃសៅរ៍ទី៣១ខែឧសភានេះ គឺជា​​បុណ្យ​រំលឹកសន្តីម៉ារី។

នៅក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះ ព្រះយេស៊ូបានលើកឡើងចំៗអំពីជីវិតរបស់មនុស្ស។ ជីវិត​របស់​មនុស្សដែលមានពេលខ្លះមានអំណរសប្បាយ មានពេលខ្លះកើតទុក្ខព្រួយ មានពេលខ្លះសុខភាពល្អ មានពេលខ្លះក៏មានជំងឺឈឺស្កាត់ មានពេលខ្លះយើងសើច មានពេលខ្លះយើងយំ មានពេលខ្លះយើង​មាន​​ម្ហូបអាហារ និងមានពេលខ្លះអត់ម្ហូបអាហារ។

បាទបងប្អូនជាទីស្រឡាញ់! នៅក្នុងព្រះបន្ទូលថ្ងៃនេះ ព្រះយេស៊ូអធិដ្ឋានឱ្យក្រុមសាវ័កដើម្បី​សូម​ព្រះបិតា​បន្ត​ការថែរក្សាការពារពួកគេ។ ការពារថែរក្សាមានន័យថា មិនគ្រាន់តែផ្លូវកាយ តែព្រះអង្គចង់សំដៅ​លើ​ការពារថែរក្សាជំនឿរបស់ពួកគេដែរ ដោយសារបន្តិចទៀតព្រះអង្គបាត់ទៅ សាវ័កនឹងមានការភ័យខ្លាច និងបាត់បង់ទំនុកចិត្ត។

សូមគោរពជម្រាបសួរបងប្អូនទាំអស់គ្នា! ថ្ងៃនេះជាថ្ងៃពិសេស ប៉ុន្មានថ្ងៃកន្ល​ងមកយើងបាន​ប្រារព្ធពិធីបុ​ណ្យ​​​ព្រះយេស៊ូឡើងទៅស្ថានបរមសុខប្រកបដោយសិរីរុងរឿង រយៈពេលប្រាំបួនថ្ងៃដែលយើ​ង​អធិដ្ឋាន​ឥត​ឈប់​ឈរទាំងទូលអង្វរព្រះវិញ្ញាណដ៏វិសុទ្ធសូមយាងមកបំភ្លឺចិត្តគំនិតរបស់យើង ហើយមិនប៉ុន្មាន​ថ្ងៃ​ទៀត​យើងគោរពបុណ្យឱឡារិតព្រះវិញ្ញាណដ៏វិសុទ្ធសណ្ឋិតលើក្រុមគ្រីស្តទូត។

៤០ថ្ងៃក្រោយពេលព្រះយេស៊ូបានរស់ឡើងវិញ ឬ៤០ថ្ងៃក្រោយបុណ្យចម្លង និង១០ថ្ងៃមុនបុណ្យ​ព្រះវិញ្ញា​ណ​យាង​មក គឺថ្ងៃដែលព្រះអម្ចាស់យេស៊ូយាងឡើងស្ថានបរមសុខ! ព្រះយេស៊ូនៅ​លើផែនដីនេះ​អស់​រយៈ​ពេលប្រហែល៣៣ឆ្នាំ ហើយព្រះអង្គបានបង្រៀនអស់រយៈពេល៣ឆ្នាំពេលអាយុ៣០ដល់៣៣។ ឥឡូ​វ​នេះក្រោយពេលព្រះអង្គបានបំពេញបេសកកម្មរបស់ព្រះអង្គ និងបានធ្វើតាមព្រះហឫទ័យ​គ្រប់​ប្រការ​របស់​ព្រះជាម្ចាស់ ព្រះអង្គឡើងទៅស្ថានបរមសុខរួមរស់ជាមួយព្រះជាម្ចាស់។

បាទជម្រាបសួរបងប្អូនជាទីមេត្រី! យើងចូលសប្តាហ៍ទី៦នៃបុណ្យចម្លង ហើយព្រះបន្ទូលថ្ងៃនេះ​យ៉ូហាន (១៦,៥-១៦) យើងអាចសង្កេតមើលថា ព្រះយេស៊ូកំពុងរៀបចំការធ្វើដំណើរឆ្លងកាត់ពីលោកនេះរបស់​ព្រះ​អង្គទៅកាន់ព្រះបិតា។ ព្រះអង្គហាក់ដូចជាដឹងថាព្រះអង្គមកនៅក្នុងលោកនេះមិនរហូតទេ គឺព្រះអង្គ​ម​ក​ដើម្បីបង្ហាញព្រះជាម្ចាស់សម្រាប់យើង នឹងឱ្យយើងដឹងថាព្រះអង្គជាព្រះជាម្ចាស់​ដែល​អាច​ជួយ​ស​ង្គ្រោះ​​មនុស្សទាំងអស់ទៅកាន់ព្រះបិតាបាន ប៉ុន្តែដោយសារក្នុងរូបកាយជាសាច់ឈាម​យើង​មិនអាច​រស់​នៅ​បានយូរអង្វែងរហូតទេ។

សូមគោរពជម្រាបសួរបងប្អូនទាំងអស់គ្នា! ថ្ងៃនេះជាថ្ងៃអាទិត្យទី៦នៅក្នុងរដូវ​ព្រះយេស៊ូមានព្រះជន្ម​រស់​ឡើងវិញ អត្ថបទថ្ងៃនេះមានសំណួរមួយសំខាន់។ ហេតុអ្វីបានជាយើងជាគ្រីស្តបរិស័ទ​ឈ្លោះ​គ្នា​រហូត? ជាសំណួរមួយដែលធ្លាប់ទទួលពីបងប្អូនជាពុទ្ធបរិស័ទនៅប្រទេសខ្មែរ ហេតុ​អ្វីបានជាគ្រីស្ត​បរិ​ស័ទ​​បំបែក​គ្នាជាច្រើនក្រុម? ដូចជាប្រូតេស្តង់ ម៉ូមិន អាវ៉ែនទីស និងកាតូលិកជាដើម! ហេតុអ្វី​ពួក​យើ​ង​មិន​ស្រ​ឡា​ញ់​​គ្នា រាប់គ្នាជាបងប្អូននៅក្នុងអង្គព្រះគ្រីស្ត?

បាទជម្រាបសួរបងប្អូនជាទីស្រឡាញ់! ខ្ញុំមានសេចក្តីសោមនស្សរីករាយជួបជាមួយបងប្អូននៅថ្ងៃសៅរ៍ ២៤ត្រូវជាអាទិត្តទី៥នៃរដូវបុណ្យចម្លង។ ព្រះបន្ទូលដំណឹងល្អថ្ងៃ​នេះព្រះយេស៊ូ​មាន​ព្រះបន្ទូល​មក​យើង​ថា៖ “បើគេស្អប់ខ្ញុំ គេក៏ស្អប់អ្នករាល់គ្នាហើយ បើគេមិនទទួលខ្ញុំ ក៏គេមិនបានទទួលបងប្អូនឯទៀតៗដែរ” ព្រះបន្ទូលនេះចង់ឱ្យយើងទាំងអស់គ្នាដឹងថាព្រះយេស៊ូបានមកនៅក្នុងលោកនេះ មានមនុស្សជាច្រើន បានមក គោរពស្រឡាញ់ព្រះអង្គ ហើយក៏មានមនុស្សជាច្រើនជំទាស់នឹងព្រះអង្គដែរ។

នៅក្នុងអត្ថបទគម្ពីរដំណឹងល្អនៅក្នុងថ្ងៃនេះគេសួរព្រះយេស៊ូ តើវិន័យណាសំខាន់ជាងគេ? និងព្រះយេស៊ូ​មាន​ព្រះបន្ទូលថា៖ វិន័យដែលសំខាន់ជាងគេ​គឺ “ត្រូវស្រឡាញ់គ្នាទៅវិញទៅ​មកដូចខ្ញុំបាន​ស្រឡាញ់​អ្នក រាល់​គ្នាដែរ”។ ទីមួយខ្ញុំចង់ចែកជាមួយបងប្អូនគឺ “សេចក្តីស្រឡាញ់” ពេលណាយើងមានសេចក្តីស្រឡាញ់ យើងអត់គិតអំពីផលប្រយោជន៍ខ្លួនឯងទេ។ ពេលណាយើងស្រឡាញ់យើងគិតពីផលប្រយោជន៍អ្នកដទៃ ពេលណាយើងស្រឡាញ់គេ! ពិតប្រាកដទោះបីពេលខ្លះមានការឈឺចុកចាប់ ឬមានពេលខ្លះលំបាក​ក៏​មិន​អីដែរ។

បងប្អូនជាទីស្រឡាញ់! ព្រះយេស៊ូកំពុងតែជប់លៀងជាមួយក្រុមគ្រីស្តទូត ហើយព្រះអង្គដាស់​តឿន​ពួក​គេ​ឱ្យ​ស្ថិតនៅក្នុងសេចក្តីស្រឡាញ់ជានិច្ច និងជារៀងរហូតដើម្បីឱ្យមានអំណរសប្បាយ។ ​សម្រាប់យើ​ងឱ្យ​យើង​​ស្រឡាញ់ព្រះយេស៊ូរហូត ហើយកាន់តែខ្លាំងឡើងៗ​ដើម្បីបានអំណរសប្បាយ។