ពត៌មាន

កាលពីថ្ងៃទី២១ ខែកក្កដា ប្រធានាធិបតីអ៊ុយក្រែនលោកវ៉ូឡូឌីមៀ ហ្សេឡេនស្គី បានប្រាប់ ឲ្យ ដឹង​ថា កិច្ចចរចាសន្តិភាពបន្ទាប់រវាងទីក្រុងមូស្គូ និងទីក្រុងគៀវ ធ្វើនៅថ្ងៃទី២៣ កក្កដា ក្រោយ ពី​កិច្ចចរចាពីរដងមុន​នៅទីក្រុងអ៊ីស្តង់ប៊ូលប្រទេសទួរគី ដោយមិនមានលទ្ធផល​ធំដុំដើម្បី បញ្ចប់​សង្រ្គាមរវាងប្រទេសទាំងពីរ។

សម្តេច​ប៉ាបឡេអូទី១៤ បានអំពាវនាវ​ឲ្យ​មាន​បទ​ឈប់​បាញ់​នៅ​ហ្គាហ្សា អំឡុង​ពេល​សន្ទនា​តាម​ទូរស័ព្ទ​ជាមួយ​នាយក​រដ្ឋមន្ត្រី​អ៊ីស្រាអែល លោក បេនយ៉ាមីន ណេតាន់យ៉ាហ៊ូ ក្រោយពេលដែលព្រះវិហារមួយ កន្លែងនៅហ្គស្សារងនូវការវាយប្រហារ។​

លោកអភិបាលបីអង្គនៅតំបន់រងគ្រោះខ្លាំងបំផុតនៅប្រទេសមីយ៉ាន់ម៉ាដែលកំពុងតែរងគ្រោះព្រោះតែការហែកហួរដោយសង្រ្គាមនៅក្នុងប្រទេសមីយ៉ាន់ម៉ា បានព្យាយាមលួងលោមគ្រីស្តបរិស័ទ និងបន្តអប់រំជំនឿដល់ប្រជាជន ទោះបីជាពួកគេប្រឈមុខនឹងមានការស្លាប់ ភាពចលាចល និងការឈឺចាប់ក៏ដោយ។

បន្ទាប់ពីរងនូវការវាយប្រហារលើព្រះវិហារកាតូលិកគ្រួសារបរិសុទ្ធនៅហ្គាហ្សា អង្គការការីតាសនៅយេរូសាឡឹមបានចេញផ្សាយសេចក្តីថ្លែងការណ៍និងអំពាវនាវឱ្យមាន "ការគោរពចំពោះភាពពិសិដ្ឋនៃជីវិត និងកន្លែងដែលទីសក្ការៈដែលគួរការពារ។

ស្ថានបេសកកម្មការទូតរបស់សន្តអាសនៈ ប្រចាំអង្គការសហប្រជាជាតិ បានបញ្ជាក់ឡើងវិញពីការប្តេជ្ញាចិត្តរបស់ព្រះសហគមន៍កាតូលិកក្នុងការលុបបំបាត់ភាពក្រីក្រ និងអំពាវនាវឱ្យប្រទេសអភិវឌ្ឍន៍ ដើម្បីជួយប្រទេសកំពុងអភិវឌ្ឍន៍ជាមួយនឹងការបន្ធូរបន្ថយបំណុលដើម្បីជួយដល់កំណើនរបស់ពួកគេ។

បេក្ខជនចំនួន៤៣នាក់ នៃវិទ្យាល័យចំណេះទូទៅសន្តហ្រ្វង់ស្វ័រ ស្ថិតក្នុងភូមិចំការទៀង ឃុំគូស ស្រុកត្រាំកក់ ខេត្តតាកែវ បានប្រឡងជាប់មធ្យមសិក្សាបឋមភូមិ១០០ភាគរយ នាសម័យប្រឡងថ្ងៃទី១៤ ខែកក្កដា កន្លងទៅថ្មីៗនេះ។

នៅលើបណ្តាញសង្គមរបស់ សម្តេចបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅព្រឹកថ្ងៃទី២២ ខែកក្កដានេះ បានផ្ញើសារខ្លី៥ចំណុចដល់ភាគីថៃ ពាក់ព័ន្ធការចោទប្រកាន់ដោយគ្មានមូលដ្ឋានមកលើកម្ពុជា ពាក់ព័ន្ធនឹងបញ្ហាមួយចំនួនដូចជា លូកដៃចូលនយោបាយផ្ទៃក្នុងថៃ ការដាក់មីនព្រមទាំងបានធ្វើការគម្រាមដាក់ចេញនូវវិធានការ ជាឯកតោភាគីនៅក្នុងតំបន់ដែលមានវិវាទ។

ចំពេលសង្រ្គាមស៊ីវិលដែលកំពុងបន្តនៅក្នុងប្រទេសស៊ូដង់កាលពីចុងសប្តាហ៍កន្លងទៅនេះ សហគមន៍ជាច្រើននៅក្នុងតំបន់ កដូហ្វាន ( Kordofan )ខាងជើងរបស់ប្រទេសត្រូវបានវាយឆ្មក់ ដោយបានសម្លាប់ជនស៊ីវិលដល់ទៅជាង ៤៥០នាក់។

នៅក្នុងសារជាវីដេអូដែលសម្តេចប៉ាបឡេអូទី១៤បានថតសម្រាប់ផ្ញើទៅកាន់មហាសន្និបាតិជាតិនៃសហជីពពាណិជ្ជកម្មរបស់សហព័ន្ធកម្មករអ៊ីតាលី បានលើកឡើងថា សង្គមចាំបាច់លើកកំពស់សន្តិភាព ដើម្បីជាការប្រមូលសេចក្តីស្រលាញ់បម្រើដល់ការអភិវឌ្ឈន៍មនុស្សជាតិ។

វ៉ាទីកង់ញូវបានរាយការណ៍ថា សម្តេចប៉ាបឡេអូទី១៤ បានបន្តផ្តល់ជំនួយស្បៀងអាហារដល់ពលរដ្ឋកំពុងតែរងគ្រោះនៅក្នុងទីក្រុង ខាកូវ ប្រទេស​អ៊ុយក្រែន។

សម្តេចប៉ាបឡេអូទី១៤បានមានបន្ទូលថា នៅក្នុងសង្គម តន្រ្តី កីឡា ព័ត៌មាន និង​នយោបាយគឺសុទ្ធសឹងតែមានតួនាទីមួយច្បាស់លាស់។

កម្លាំងមានសមត្ថកិច្ចរាជធានី ខេត្ត បានចាត់វិធានការបង្រ្កាបតាមគោលដៅចំនួន៥២ទីតាំង ក្នុង១៥ រាជធានី ខេត្ត ដោយឃាត់ខ្លួនជនសង្ស័យសរុបចំនួន ២.៧៦៧ នាក់

ក្រសួងអប់រំផ្តល់អាហារូបករណ៍២០កន្លែងសម្រាប់បុគ្គលិកអប់រំ សិក្សាថ្នាក់«បរិញ្ញាបត្រជាន់ខ្ពស់អប់រំ ឯកទេសគ្រប់គ្រងអប់រំ»

កងទ័ពថៃបំពានMOU-2000ដើរចូលទឹកដីកម្ពុជាហើយគ្រោះថ្នាក់ការផ្ទុះគ្រាប់មីនសល់ពីសម័យសង្គ្រាម

អង្គការជេស្វីតសឺវីសកម្ពុជា​ និង​គ្រីស្តបរិស័ទ​កាតូលិក​ប្រមាណ​៣០នាក់ បាន​ចូលរួម​កម្មវិធី​ដាំ​កូន​ឈើ​ ចម្រុះជាងមួយម៉ឺន ដើម្បីអបអរសាទរពិធីបុណ្យ រុក្ខទិវា នាថ្ងៃទី១៣ ខែកក្កដា នាបរិវេណព្រៃសហគមន៍សង្ឃរុក្ខវ័ន ក្នុង​​ខេត្តឧត្តរមានជ័យ ក្រោមអធិបតីភាព លោក ម៉េត មាសភក្តី អភិបាលរងខេត្តឧត្តរមានជ័យ មន្ត្រីរាជការ ព្រះសង្ឃ តំណាងអង្គការក្រៅរដ្ឋាភិបាល ប្រជាពលរដ្ឋ សិស្សានុសិស្ស និងយុវជនប្រមាណជាង ៥០០អង្គនិងនាក់។

ក្រុមមេដឹកនាំសាសនានៅទីក្រុងយេរូសាឡឹម​ រួមជាមួយនឹងអ្នកការទូតបរទេស ធ្វើទស្សនកិច្ចទៅកាន់ភូមិគ្រីស្តបរិស័ទ​ចុងក្រោយបង្អស់នៅ West Bank បន្ទាប់ពីទទួលរងការវាយប្រហារញឹកញាប់ពីអ្នកតាំងលំនៅថ្មី។

ទីភ្នាក់ងារព័ត៌មានកាតូលិកបានរាយការណ៍ថា ព្រះសហគមន៍កាតូលិកអគ្គភូមិភាគ សាន់តាហ្វេ (Archdiocese of Santa Fe) កំពុង​អំពាវនាវ​ដល់​ព្រះសហគមន៍កាតូលិក​នៅ​ទូទាំង​ប្រទេស​ឱ្យ​ប្រារព្ធ​ខួប​លើក​ទី ៨០ នៃ​ការ​បំផ្ទុះ​គ្រាប់បែក​នុយក្លេអ៊ែរ​លើក​ដំបូង​ដែល​បាន​កើត​ឡើង​នៅរដ្ឋ ញូវ ម៉ិកស៊ីកូ ( New Mexico) ក្នុង​ឆ្នាំ ១៩៤៥។

សម្តេចប៉ាបឡេអូទី១៤ មានក្តីសង្ឃឹមយ៉ាងច្បាស់លាស់និងមាំទាំថា​ មនុស្សជាតិពិតជាអាចធ្វើការនិងរួមគ្នាគ្នាបាន សូម្បីតែនៅក្នុងពេលដែលមានជម្លោះបែកបាក់គ្នាក៏ដោយ។

សន្តអាសនៈគ្រោងនឹងរៀបចំឆ្នាំ​មហាករុណាទិគុណ​​លើកដំបូងបំផុត ជាមួយ​នឹង​ក្រុម​អ្នកបង្កើត​មាតិការ​សង្គមកាតូលិក នៅថ្ងៃទី​២៨ ដល់ ២៩ ខែកក្កដា ខាងមុខនេះ។

កាលពីថ្ងៃទី១៦ ខែកក្កដា អ៊ីស្រាអែល បានទម្លាក់គ្រាប់បែកលើសង្កាត់ទីបញ្ជាការយោធាស៊ីរី​នៅរដ្ឋធានីដាម៉ាស បន្ទាប់ពីបានគំរាមពង្រីក​ការវាយប្រហារប្រឆាំងនឹងកងកម្លាំង រដ្ឋាភិបាល​ស៊ីរី ប្រសិនបើពួកគេមិនចាក​ចេញពីទីក្រុងស៊ូអេដា ដែលមានជនជាតិ ឌ្រូហ្ស​រស់​នៅ​ច្រើន ក្រោយពីមានអំពើហិង្សារយៈពេល ៣ថ្ងៃ ដែលធ្វើឲ្យមានអ្នកស្លាប់ច្រើនជាង ៣០០នាក់។