ពត៌មាន

វ៉ាទីកង់ញូវបានរាយការណ៍ថា ព្រះសហគមន៍កាតូលិកភូមិភាគ ម៉ាដ្រាស-មីឡាព័រ (Madras-Mylapore)ក្នុងប្រទេសឥណ្ឌាបានណែនាំនូវគំនិតផ្តួចផ្តើមអប់រំជំនឿ ប្រកបដោយភាពច្នៃប្រឌិតជាច្រើនក្នុងគោលបំណងពង្រឹងជំនឿរបស់កុមារ។

នៅពេលដែលគ្រីស្តបរិស័ទកំពុងតែត្រៀម រៀបចំពិធីបុណ្យ ចម្លង នៅឆ្នាំ ២០២៥ខាងមុខ សម្តេចប៉ាប បានរំលឹកថា ការប្រារព្ធពិធីបុណ្យនេះ ជាកម្មសិទ្ធិរបស់ព្រះគ្រីស្ត មិនមែនសម្រាប់ប្រតិទិន ឬផែនការរបស់យើងទេ។

វ៉ាទីកង់ញូវបានរាយការណ៍ថា លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីសន្តអាសនៈ និងលោកស្រី តាត្យាណា មូស្កាកូវ៉ា ( Tatiana Moskalkova )ស្នងការសិទ្ធិមនុស្សរបស់សហព័ន្ធរុស្ស៊ីបានជួបពិភាក្សាគ្នាតាមវីដេអូខុនហ្វេរ៉េន។

កាលពីថ្ងៃទី១៨ ខែកញ្ញា អ្នកនាំពាក្យនៃបញ្ជាការតំបន់របស់អ៊ុយក្រែន លោកអូឡិចស៊ីអ៊ី ឌីមីត្រាចគីវស្គី បានបញ្ជាក់ថា ការវាយបករបស់រុស្ស៊ីដែលសំដៅដណ្តើមយកមកវិញនូវតំបន់ នានានៅក្នុងខេត្តគូស្ក៍​ដែលស្ថិតក្រោមការគ្រប់គ្រងរបស់អ៊ុយក្រែន ត្រូវបានបញ្ឈប់។ អ្នកនាំ​ពាក្យ​​រូប​នេះ​បញ្ជាក់ថា ប្រជាជនស៊ីវិលរាប់ពាន់នាក់ក៏ស្ថិតនៅក្នុងតំបន់នេះ។ លោកបានថ្លែង​ទៀត​​ថា រុស្ស៊ីព្យាយាមវាយប្រហារជាច្រើនមុខព្រួញ ប៉ុន្តែពួកគេត្រូវបានបញ្ឈប់។ ស្ថានភាព​មាន​​ស្ថិរភាព ហើយឥឡូវនេះ អ្វីៗ ស្ថិតនៅក្រោមការគ្រប់គ្រង។

បើយោងតាមអាជ្ញាធរតំបន់ បានឲ្យដឹងថា ការទម្លាក់គ្រាប់បែករបស់រុស្ស៊ី​នៅលើទីក្រុង យុទ្ធសាស្រ្ត ប៉ូក្រូវស្ក៍ ដែលជាមជ្ឈមណ្ឌលដ៏សំខាន់នៃការដឹកជញ្ជូននៅភាគខាងកើតនៃ ប្រទេសអ៊ុយក្រែន និងកំពុងទទួលរងការគំរាមនឹងការបោះពួយទៅមុខរបស់ទាហាន​វិមាន​ក្រឹម​ឡាំង បានធ្វើឲ្យមនុស្សយ៉ាង​ហោចណាស់ម្នាក់ស្លាប់ កាលពីថ្ងៃអាទិត្យទី១៥ ខែកញ្ញា។

ក្នុងនាមកម្ពុជាជាប្រធានអនុសញ្ញាអូតាវ៉ា លោក លី ធុជ គ្រោងចូលជួបសម្តែងការគួរសម សម្តេចប៉ាប ហ្វ្រង់ស័រ និងរដ្ឋមន្ត្រីការបរទេសរបស់បុរីវ៉ាទីកង់ ក្នុងដំណេីរបំពេញទស្សនកិច្ចនៅបុរីវ៉ាទីកង់ ។

រដ្ឋសភាកម្ពុជា បានអនុម័តគាំទ្រទាំងស្រុងហើយ លើការកែសម្រួលសមាសភាពរាជរដ្ឋាភិបាលចំនួន២រូប ដោយក្នុងនោះ លោក ហួត ហាក់ មកកាន់តំណែងជារដ្ឋមន្ត្រីក្រសួងទេសចរណ៍ រីឯលោក សុខ សូកេន មកកាន់ជារដ្ឋមន្រ្តីក្រសួងអធិការកិច្ចវិញ។

សម្តេចនាយករដ្ឋមន្រ្តីហ៊ុន ម៉ាណែត បាន​ប្រកាសឱ្យដឹងថា ប្រាក់ឈ្នួលអប្បបរមាថ្មីសម្រាប់កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងកាបូប ​ឆ្នាំ២០២៥ គឺ២០៨ដុល្លារ​ក្នុង​១ខែ។

ការស្ទង់មតិដែលទើបចេញផ្សាយថ្មីបានផ្សារភ្ជាប់ការប្រែប្រួលអាកាសធាតុទៅនឹងការកើនឡើងនៃអសន្តិសុខស្បៀងនៅទូទាំងអាស៊ីអាគ្នេយ៍ ដោយ ៧០ ភាគរយនៃអ្នកដែលគេបានសម្ភាសន៍បានរាយការណ៍ពីបញ្ហាប្រឈមក្នុងការធានាបាននូវសន្តិសុខស្បៀងនៅក្នុងតំបន់។

មុនពេលសន្និសីទពិភពលោកស្តីពីបរិស្ថានលើកទី ២៩ ដែលគេគ្រោងធ្វើនៅប្រទេសអាហ្សេបៃហ្សង់ យុវ ជនជាច្រើនបានដឹងអំពីវិបត្តិនៃអាកាសធាតុ ហើយនៅក្នុងនោះ​ មានយុវជនដ៏លើសលប់ជឿថា ពិភពលោកនឹងមានគ្រោះថ្នាក់នៅពេលអនាគត ។

សម្តេចប៉ាបហ្រ្វង់ស៊ីស្កូបានពាំនាំពីបទពិសោធន៍នៃដំណើរទស្សនកិច្ច១២ថ្ងៃរបស់ទ្រង់នៅអាស៊ីអាគ្នេយ៍និងអូសេអានៅទៅចែករំលែកជូនគ្រីស្តបរិស័ទនៅបុរីវ៉ាទីកង់បានជ្រាប ។ នេះបើតាមវ៉ាទីកង់ញូវ ។

លោកអគ្គអភិបាល ប៉ូល រីឆាត ហ្គាឡាហ្គ័រ (Paul Richard Gallagher) រដ្ឋមន្រ្តីទទួលបន្ទុក ទំនាក់ទំនងជាមួយរដ្ឋនិងអង្គការអន្តរជាតិបានបញ្ជាក់ជាថ្មីរបស់អំពីជំហររបស់សន្តអាសនៈចំពោះបញ្ហានៃមិនរីកសាយភាបនុយក្លេអ៊ែរ។

អ្នកនាំពាក្យរងក្រសួងមហាផ្ទៃ ទូច សុខៈ បានឱ្យដឹងថា ក្នុងរយៈពេល២សប្ដាហ៍ដើមខែកញ្ញា ឆ្នាំ២០២៤នេះ កម្លាំងនគរបាលជាតិ ចាប់ពីថ្នាក់អគ្គស្នងការដ្ឋាន រហូតដល់ប៉ុស្តិ៍នគរបាលរដ្ឋបាលឃុំ សង្កាត់ បានបង្ក្រាបករណីក្មេងទំនើងសរុបជាង២០ករណី ឃាត់ខ្លួនបានមនុស្សជាង៨០នាក់។

មនុស្សចន្លោះពី ២០ ទៅ ៥០ នាក់ត្រូវបានសម្លាប់នៅក្នុងអំពើហិង្សាថ្មីមួយដែលបានកើតមានឡើងក្នុងចំណោមអ្នកជីករ៉ែខុសច្បាប់នៅក្នុងប្រទេសប៉ាពួញូហ្គីណេ។

វ៉ាទីកង់ញូវបានរាយការណ៍ថា ចំនួនអ្នកស្លាប់នៅអឺរ៉ុបកណ្តាល និងខាងកើតបានកើនឡើងដល់ ១៤ នាក់កាលពីថ្ងៃចន្ទ ខណៈដែលព្យុះ ​បូរីស (Boris ) អមដោយទឹកភ្លៀងបានបង្កើតជា ទឹកជំនន់ជនលិចប្រទេស រូម៉ានី និងប៉ូឡូញ ធ្ងន់ធ្ងរ ។

វ៉ាទីកង់ញូវបានរាយការណ៍ថា នៅក្នុងសារជាវីដេអូផ្ញើជូនយុវវ័យដែលកំពុងតែជួបជុំគ្នានៅក្នុងកិច្ចប្រជុំ​នាទីក្រុង ទីរ៉ាណា នៅក្នុងប្រទេសអាល់បានីនៅថ្ងៃទី​១៧ ខែកញ្ញ ឆ្នាំ២០២៤ថា សម្តេចប៉ាបហ្រ្វង់ស៊ីស្កូ បានអធិដ្ឋានសូមឱ្យសមុទ្រមេឌីទែរ៉ាណេលែងជាកន្លែងបញ្ចុះសពនរណាបន្ថែមទៀត ។​

សម្តេចប៉ាបហ្រ្វង់ស៊ីស្កូបាន ផ្ញើសារទៅកាន់យុវជន និងលើកទឹកចិត្តពួកគេឱ្យទទួលយកឧបសគ្គក្នុងជីវិតដោយក្តីសង្ឃឹម និងការតស៊ូ។

ក្រសួងធនធានទឹក និងឧតុនិយម បានចេញសេចក្តីជូនដំណឹងឱ្យដឹងថា ​ចាប់ពីថ្ងៃទី១៨ ដល់ ថ្ងៃទី២៣ ខែកញ្ញា ឆ្នាំ២០២៤ ​កម្ពុជានឹងទទួលរងឥទ្ធិពលពីប្រព័ន្ធវិសម្ពាធ (Tropical Depression) ដែលស្ថិតនៅសមុទ្រចិនខាងត្បូង ហើយនឹងធ្វើដំណើរឆ្ពោះទៅកាន់តំបន់ឆ្នេរសមុទ្រភាគកណ្ដាល ប្រទេសវៀតណាម និងភាគកណ្ដាលនៃអាងទន្លេមេគង្គ។

កម្ពុជា បានអំពាវនាវដល់ប្រទេសជាសមាជិកគណៈកម្មការសម្របសម្រួលនៃអនុសញ្ញាអូតាវ៉ាទាំង ១៩ និងដៃគូ ឱ្យបោះឆ្នោតគាំទ្រ និងអំពាវនាវបន្តទៅកាន់ប្រទេសនានា ឱ្យបោះឆ្នោតគាំទ្រសេចក្តីថ្លែងការណ៍នយោបាយសៀមរាប-អង្គរ ក្នុងមហាសន្និបាតអង្គការសហប្រជាជាតិលើកទី៧៩។ ​

លោក ស៊ីរីល ប៊ែលលីយេ នាយកទីភ្នាក់ងារបារាំងសម្រាប់ការអភិវឌ្ឍ (AFD) ទទួលបន្ទុកតំបន់អាស៊ី មជ្ឈិមបូព៌ា និងអឺរ៉ុបខាងកើត បានចុះពិនិត្យមើល​គម្រោងសាងសង់រោងចក្រផលិតទឹកស្អាតបាក់ខែង ជំហានទី៣​កាលពីថ្ងៃទី​១៧ ខែកញ្ញា ឆ្នាំ២០២៤។