ពត៌មាន

ទីភ្នាក់ងារព័ត៌មានកាតូលិកបានរាយការណ៍ថា កាលពីថ្ងៃទី​២៥ ខែវិច្ឆិកា សន្តអាសនៈ ឬ វ៉ាទីកង់បានប្រកាសមិនគាំទ្រចំណងអាពាហ៍ពិពាហ៍ពហុពន្ធភាព ឬចំណងអាពាហ៍ពិពាហ៍ប្តីមួយប្រពន្ធច្រើន ដែលស្នើពិភាក្សាឡើងពីព្រះសហគមន៍នៅអាហ្រ្វិកឡើយ។

លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអាសនៈបានថ្លែងថា ដំណើរទស្សនកិច្ចរបស់សម្តេចប៉ាបឡេអូទី១៤នៅតួកគី និង លីបង់ ជាដំណើរដើម្បីលើកកំពស់កិច្ច​សន្ទនាអន្តរសាសនា ក៏ដូចជាតួនាទីរបស់ទ្រង់នៅក្នុងការត្រួសត្រាយ​សន្តិភាព និងជាសញ្ញានៃក្តីសង្ឃឹមនៅក្នុងតំបន់នោះ។

វ៉ាទីកង់ញូវបានរាយការណ៍ថា សម្តេចប៉ាបឡេអូទី១៤បាន អនុម័តការបោះពុម្ពផ្សាយបទបញ្ញត្តិ Roman Curia ថ្មី ដែលបានដាក់ចេញដោយរដ្ឋធម្មនុញ្ញនៃវ៉ាទីកង់។

ចាប់តាំងពីនាយករដ្ឋមន្រ្តីជប៉ុន លោកស្រី សាណាអេ តាកៃជី បានប្រកាសអំពីការគាំទ្រ​របស់ លោកស្រីសម្រាប់តៃវ៉ាន់ ភាពតានតឹងរវាងជប៉ុន និងចិន បានទៅកាន់តែលឿន។ ទីក្រុង​ប៉េកាំង បានឆ្លើយតបដោយហាមឃាត់ការនាំចូលផលិតផលសមុទ្ររបស់ជប៉ុន និងផ្សាយការ ព្រមានសម្រាប់អ្នកទេសចរណ៍ចិនទៅជប៉ុន ចំណែកជប៉ុនបានអំពាវនាវឲ្យជនជាតិ​ខ្លួន​ដែល​ស្ថិតនៅប្រទេសចិន ឲ្យធ្វើការប្រុងប្រយ័ត្នផងដែរ។

រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ និងអភិបាលស្រុកហុងឆុន ខេត្តកាំងវ៉ុនដូ នៃសាធារណរដ្ឋកូរ៉េ បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីកម្មវិធីពលកររដូវកាលបរទេស ដើម្បីផ្តល់ឱកាសការងារជូនពលរដ្ឋកម្ពុជាដែលមានបំណងទៅធ្វើការជាពលកររដូវកាលនៅសាធារណរដ្ឋកូរ៉េ ខណៈបច្ចុប្បន្នស្រុកហុងឆុន មានតម្រូវការកម្លាំងពលកម្មដែលជាពលកររដូវកាលបរទេសជាង ១ ៥០០នាក់ ជារៀងរាល់ឆ្នាំ។ ពិធីចុះMoUនេះត្រូវបានធ្វើឡើងរវាងលោក ហេង សួរ រដ្ឋមន្រ្តីក្រសួងការងារ ជាមួយលោក ស៊ីន យ៉ុងជេ អភិបាលស្រុកហុងឆុន ខេត្តកាំងវ៉ុនដូ នៃសាធារណរដ្ឋកូរ៉េ នាព្រឹកថ្ងៃទី២៥ ខែវិច្ឆិកា ឆ្នាំ២០២៥។

ក្រសួងព័ត៌មាន នៅថ្ងៃទី២៧ ខែវិច្ឆិកា ឆ្នាំ២០២៥នេះ បានចេញប្រកាស ស្តីពី លក្ខខណ្ឌគុណវុឌ្ឍិ និងវិជ្ជាជីវៈសារព័ត៌មានសម្រាប់អ្នកអនុវត្តសកម្មភាពក្នុងវិស័យព័ត៌មាននិងសោតទស្សន៍។ ប្រកាសនេះ ក្រសួងបានស្នើឲ្យអ្នកសារព័ត៌មានគ្មានអង្គភាព និងអ្នកផលិតមាតិកា អ្នកមានប្រជាប្រិយភាព ត្រូវមានវិញ្ញាបនបត្របញ្ជាក់ការសិក្សាវិជ្ជាជីវៈសារព័ត៌មាន និងសោតទស្សន៍ពី ក្រសួងព័ត៌មាន ឬស្ថាប័ន ដែលមានការទទួលស្គាល់ដោយក្រសួងព័ត៌មាន។

ក្រសួងបរិស្ថាន ស្នើដល់អភិបាលនៃគណៈអភិបាលរាជធានី ខេត្ត ធ្វើការណែនាំដល់រដ្ឋបាលក្រុង ស្រុក ខណ្ឌ ឃុំ និងសង្កាត់ ជំរុញការអនុវត្តវិធានការទប់ស្កាត់ និងកាត់បន្ថយការបំពុលខ្យល់ ដើម្បីការពារ និងទប់ស្កាត់បញ្ហាបំពុលខ្យល់នៅកម្ពុជា ខណៈគុណភាពខ្យល់នៅតាមបណ្តារាជធានី-ខេត្តទូទាំងប្រទេសមានការធ្លាក់ចុះ ជាពិសេសកំណើនកំហាប់ភាគល្អិតនិចលអណ្តែតក្នុងខ្យល់(PM2.5 និងPM10) អាចមានកម្រិតលើសពីស្ដង់ដារកំណត់ ដែលជាហានិភ័យបង្កផលប៉ះពាល់ដល់សុខភាពសាធារណៈ និងបរិស្ថាន។

ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន កាលពីម្សិលមិញបានផ្ញើសារអបអរសាទរទិវាពិភពលោកប្រយុទ្ធនឹងជំងឺអេដស៍ដែលប្រារព្ធធ្វើនៅថ្ងៃទី១ ខែធ្នូ។ នៅក្នុងសារលិខិតនោះ សម្តេចបានកំណត់ការងារអាទិភាពមួយចំនួន ដើម្បីសហការជាមួយរដ្ឋាភិបាលក្នុងការសម្រេចបានជោគជ័យនូវគោលនយោបាយជាតិដើម្បីបញ្ចប់អេដស៍ និងធានានិរន្តរភាពនៃកម្មវិធីអេដស៍សម្រាប់រយៈពេល២០២៣-២០៣០។

សម្តេចប៉ាបឡេអូ ទី១៤ បានថ្លែងថា ក្តីសង្ឃឹម មិនមានន័យថាទាល់តែមានចម្លើយទាំងអស់នោះទេ ប៉ុន្តែវាជំរុញឲ្យយើងឱ្យដាក់ទំនុកចិត្តលើព្រះជាម្ចាស់ទៅវិញ។

កម្ពុជា​ កំពុងស្ថិត​នៅលើ​មាគ៌ា​ឆ្ពោះទៅ​សម្រេច​គោលដៅ​សកល​ ៩៥-៩៥-៩៥ ក្នុងការ​ប្រយុទ្ធ​ប្រឆាំង​នឹង​ជំងឺ​អេដស៍។

កម្ពុជាប្រកាសដកខ្លួន ៨ប្រភេទកីឡាក្នុងចំណោម២១ប្រភេទកីឡា ក្នុងស៊ីហ្គេម ២០២៥ នៅថៃ

កាលពីថ្ងៃអាទិត្យ ទី២៣ វិច្ឆិកា លោកអភិបាល អូលីវីយ៉េ បានអញ្ជើញទៅសួរសុខទុក្ខ និងថ្វាយអភិបូជា នៅព្រះសហគមន៍កាតូលិកព្រះវិហារ សន្តយ៉ូសែប សែនសុខ យ៉ាងកក់ក្តៅបំផុត ក្នុងឱកាសអបអរសាទរបុណ្យគោរពព្រះគ្រីស្តជាព្រះមហាក្សត្រនៃពិភពលោក។ ក្នុងធម្មទេសនា លោកអភិបាល អូលីវីយ៉េ បានរំលឹកថា ព្រះយេស៊ូជាស្តេចខុសពីលោកិយ។ ព្រះយេស៊ូមិនមែនជាស្តេចមានអំណាចអាវុធ តែជាស្តេចដែល «លុតជង្គង់លាងជើង» បម្រើអ្នកដទៃ និងសុគតលើឈើឆ្កាងដើម្បីសុខសន្តិភាព និងលាងបាបមនុស្សលោក។ 

ពិព័រណ៍សៀវភៅថ្នាក់ជាតិនៅកម្ពុជា លើកទី១២ ប្រធានបទ៖ «សៀវភៅជាជំនួយអាហារបញ្ញា ជាអាហារគំនិត»

កម្ពុជារងឥទ្ធិពលព្យុះ កូតូ ក្នុងកម្រិត៣០%

ក្រសួងវប្បធម៌កម្ពុជាជំរុញឱ្យអង្គការយូណេស្កូមាន«បទបញ្ញត្តិ»ច្បាស់លាស់ពីការលួចចម្លងបេតិកភណ្ឌពិភពលោក

ជំងឺធ្លាក់ទឹកចិត្ត និងបញ្ហាសុខភាពផ្លូវចិត្ត គឺជាបញ្ហាចំបងមួយរបស់យុវជន ហើយក៏ជាបញ្ហាដែលសន្តអាសនៈជាពិសេសគឺសម្តេចប៉ាបឡេអូទី១៤កំពុងតែយកចិត្តទុកដាក់។​

នៅក្នុងសារជាវីដេអូដែលសម្តេចប៉ាបឡេអូ ទី១៤ ផ្ញើសារទៅកាន់អ្នកអប់រំជំនឿដែលបានចូលរួមនៅក្នុងសន្និសីទមួយនៅទីក្រុងម៉ាឌ្រីដ ប្រទេសអេស្ប៉ាញ ទ្រង់បានមានបន្ទូលថា អត្តសញ្ញាណគ្រីស្តបរិស័ទ គឺជាមូលដ្ឋានគ្រឹះនៃការអប់រំជំនឿ។

បន្ទាប់ពីថ្វាយអភិបូជានៅទីលានសន្តសិលាកាលពីថ្ងៃអាទិត្យកន្លងទៅ សម្តេចប៉ាប ឡេអូទី១៤ បានអំពាវនាវ ឱ្យដោះលែងនិស្សិត និងបូជាចារ្យដែលត្រូវបានចាប់ពង្រត់ក្នុងរយៈពេលប៉ុន្មានថ្ងៃថ្មីៗនេះនៅក្នុងប្រទេសនីហ្សេរីយ៉ា និងកាមេរូន។

ព្រះសហគមន៍កាតូលិកនៅកម្ពុជា បានរៀបចំពិធីបុណ្យរំលឹក​ដល់​វិញ្ញាណក្ខន្ធ​មរណសាក្សី​របស់ខ្លួន កាលពីថ្ងៃទី​២២ ខែ​វិច្ឆិកា ឆ្នាំ​២០២៥។ ពិធីនេះបានប្រព្រឹត្តទៅនៅ​ព្រះសហគមន៍តាំងគោក ស្រុក​តាំងគោក ខេត្ត​កំពង់ធំ ក្រោម​អធិបតីភាព​របស់លោកអភិបាលអូលីវីយ៉េ ជ្មីតហស្លេ អមដោយ​លោកអភិបាល​ព្រះសហគមន៍​ភូមិភាគបាត់ដំបង​និង​កំពង់ចាម ដែលមាន​​បូជាចារ្យចូលរួម​​ជិត​១០០នាក់ រួមនឹងបព្វជិត-ជិតា និង​គ្រីស្តបរិស័ទ​ជាង​២០០០នាក់ ដែលបានធ្វើដំណើរមកពីភូមិភាគទាំងបី។

ទីក្រុងគៀវ និងសហភាពអឺរ៉ុបបានវាយតម្លៃថា កិច្ចសន្ទនានៅទីក្រុងហ្ស៉ឺណេវ អំពីផែនការ​សន្តិភាពសម្រាប់អ៊ុយក្រែន បានផ្តល់នូវការបោះជំហានថ្មី ប៉ុន្តែវាត្រូវការចាំបាច់នូវការងារ ច្រើនទៀតដែលត្រូវធ្វើ។