ពត៌មាន

វ៉ាទីកង់ញូវបានរាយការណ៍ថា នេះគឺជាបន្ទូលរបស់សម្តេចប៉ាបឡេអូទី១៤ ដែលទ្រង់បានលើកឡើងនៅពេលដែល ទ្រង់យាងជួបជាមួយនឹងលោកអភិបាល បូជាចារ្យ បព្វជិត-ជិតា នៅថ្ងៃទី០១ ខែធ្នូ អំឡុងពេលទស្សនកិច្ចនៅលីបង់​។

វ៉ាទីកង់ញូវបានរាយការណ៍ថា សម្តេចប៉ាប ឡេអូទី១៤ បានយាងសួរសុខទុក្ខក្រុមដូនជី​កាម៉ែល (Carmelite) ក្នុងទីក្រុងហារីសា (Harissa) នៅល្ងាចថ្ងៃដំបូងនៃដំណើរទស្សនកិច្ច​ផ្លូវការ​នៅប្រទេសលីបង់។

លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវយ៉ាងទទូចដល់បងប្អូនប្រជាពលរដ្ឋ ដែលនៅតាមបណ្តោយបន្ទាត់ព្រំដែនកុំឆ្លងដែនដោយខុសច្បាប់ទៅប្រទេសថៃ ហើយគួរតែស្វែងរកឱកាសការងារនៅក្នុងស្រុកដែលមានជាង ៨ម៉ឺនកន្លែង កំពុងរង់ចាំបងប្អូន។

អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន (អាជ្ញាធរមីន) ច្រានចោលដាច់ខាត ចំពោះការលើកឡើងរបស់រដ្ឋមន្ត្រីការបរទេសថៃ ដែលចុះផ្សាយក្នុងសារព័ត៌មាន Nikkei Asia កាលពីថ្ងៃទី១ ខែធ្នូ ឆ្នាំ២០២៥ ដោយចោទប្រកាន់ថា កម្ពុជាបានដាក់មីនថ្មី នៅតាមបណ្តោយព្រំដែន និងទាមទារឱ្យប្រើប្រាស់វិធានការក្រោមមាត្រា៨ នៃអនុសញ្ញាហាមប្រាមការ ប្រើប្រាស់មីនប្រឆាំងមនុស្ស (អនុសញ្ញាអូតាវ៉ា)។

ធនាគារជាតិនៃកម្ពុជា បានបញ្ជាក់ថា គិតមកទល់ពេលបច្ចុប្បន្ន មិនទាន់មានគ្រឹះស្ថានធនាគារ និងហិរញ្ញវត្ថុណាមួយ ដែលទទួលបានការអនុញ្ញាតពីធនាគារជាតិនៃកម្ពុជាក្នុងការផ្តល់សេវាពាក់ព័ន្ធនឹង ទ្រព្យសកម្មគ្រីបតូនោះនៅឡើយទេ។

នគរបាលជំនាញ នៃអគ្គស្នងការដ្ឋាន នគរបាលជាតិកម្ពុជា រួមជាមួយនឹងកម្លាំង នគរបាល ជំនាញឥណ្ឌូណេស៊ី និងស្នងការដ្ឋាន នគរបាលខេត្តព្រះសីហនុ តាមការផ្តល់ព័ត៌មានពីនគរបាលឥណ្ឌូណេស៊ី បានឈានដល់ការធ្វើការឃាត់ខ្លួន និងបញ្ជូនមុខសញ្ញា និវេទន៍ក្រហមរបស់នគរបាលអន្តរជាតិ ពាក់ព័ន្ធបទល្មើសជួញ ដូរមនុស្ស និងគ្រឿងញៀន ស្ត្រីជនជាតិឥណ្ឌូណេស៊ីម្នាក់ ទៅកាន់ប្រទេសដើមវិញ កាលពីថ្ងៃទី២ ខែធ្នូ ឆ្នាំ២០២៥។

ជាមួយនឹងស្មារតីដឹងគុណ​​ដ៏ជ្រាលជ្រៅ និងគោលបំណងដែលត្រូវបានបំផុសគំនិតឡើងវិញ អ្នកចូលរួមជាង ៩០០ នាក់មកពី ៣២ ប្រទេសបានប្រមូលផ្តុំគ្នានៅក្នុងពិធីអភិបូជាបិទបញ្ចប់នៃព្រឹត្តិការណ៍ បូជនីយចរឆ្ពោះទៅក្តីសង្ឃឹមដ៏អស្ចារ្យ (Great Pilgrimage of Hope - GPH) កាលពីថ្ងៃទី ៣០ ខែវិច្ឆិកា នៅក្នុងសាលប្រជុំនៃសណ្ឋាគារឌឹ ឡៃថ៍ (The Light Hotel) នៅប៉េណាំង។ ពិធីបុណ្យនេះ បញ្ជាក់អំពី​ពេល​បញ្ចប់រយៈពេល ៥ ថ្ងៃនៃដំណើរការ​សមាជ​បេសកកម្ម​អាស៊ី​២០២៥ ដោយ​មាន​ការអធិស្ឋាន ការពិចារណា និងកិច្ចសន្ទនាទ្វីបសម្រាប់ ព្រះសហគមន៍ នៅក្នុងទ្វីបអាស៊ី។

សុខភាពផ្លូវចិត្តរបស់បូជាចារ្យ និងអភិបាលបានក្លាយជាប្រធានបទដ៏សំខាន់មួយក្នុងអំឡុងសន្និសីទសារព័ត៌មាននៅក្នុងព្រឹត្តិការណ៍បូជនីយចរឆ្ពោះទៅក្តីសង្ឃឹមដ៏អស្ចារ្យ (Great Pilgrimage of Hope - GPH) ដែលធ្វើឡើងនៅទីក្រុងប៉េណាំង ខណៈដែលថ្នាក់ដឹកនាំព្រះសហគមន៍បានពិភាក្សាអំពីបញ្ហាប្រឈមដែលក្រុមអ្នកបួសជួបប្រទះក្នុងការថែរក្សាសុខុមាលភាពផ្លូវអារម្មណ៍ និងផ្លូវចិត្តរបស់ពួកគេ។

កាលពីថ្ងៃចន្ទ ទី១ ខែធ្នូ លោកដូណាល់ ត្រាំ ត្រូវជួបប្រជុំក្រុមប្រឹក្សាសន្តិសុខជាតិអាម៉េរិក​ដើម្បី​​ពិភាក្សាអំពីប្រទេសវ៉េណេហ្ស៊ូអេឡា នៅអំឡុងពេលនៃការកើនឡើងពេញទំហឹងនូវភាព​តាន​តឹង​រវាង​ទីក្រុងវ៉ាស៊ីនតុន និងទីក្រុងការ៉ាកាស។ នៅអំឡុងសន្និសីទកាសែត អ្នកស្រី​ការ៉ូលីន លីវីត អ្នកនាំពាក្យសេតវិមានមិនបានឆ្លើយដោយផ្ទាល់ទៅនឹងសំនួរ​ដើម្បីចង់ដឹង​ថា​តើប្រធានាធិបតីអាម៉េរិកបានធ្វើសេចក្តីសម្រេចចិត្តចុងក្រោយអំពីការធ្វើអន្តរាគមន៍ខាង​យោធា​​​ដ៏មានសក្តានុពលរ​បស់អាម៉េរិកឬយ៉ាងណាទេ?

រាជរដ្ឋាភិបាលកម្ពុជា បានសម្រេចផ្តល់ការលើកលែងទិដ្ឋាការសាកល្បង សម្រាប់ពលរដ្ឋចិន ធ្វើដំណើរពីប្រទេសចិន ដោយផ្តល់រយៈពេលស្នាក់នៅចំនួន ១៤ថ្ងៃ ក្នុងអំឡុងពេល ៤ខែ គិតចាប់ពីថ្ងៃទី១៥ ខែមិថុនា ដល់ថ្ងៃ ទី១៥ ខែតុលា ឆ្នាំ២០២៦ ដោយពុំតម្រូវឱ្យមានពាក្យស្នើសុំ និងពុំមានបង់កម្រៃ ដោយគ្រាន់តែបំពេញ E-arrival card ប៉ុណ្ណោះ។ នេះបើតាមលិខិតរបស់ទីស្តីការគណៈរដ្ឋមន្ត្រី ដែលផ្សព្វផ្សាយនៅព្រឹកថ្ងៃទី៣ ខែធ្នូនេះ។

ថ្ងៃទីពីរ (២៨ វិច្ឆិកា) នៃ បូជនីយចរឆ្ពោះទៅសេចក្តីសង្ឃឹមដ៏អស្ចារ្យ​ ត្រូវបានគូសបញ្ជាក់ដោយសុន្ទរកថាដ៏មានឥទ្ធិពលមួយពី អគ្គអភិបាល រ៉ាហ្វាអែល ថាត់ទីល (Archbishop Raphael Thattil) អគ្គអភិបាលនៃព្រះសហគមន៍​នៅស៊ីរ៉ូ-ម៉ាឡាបា (Syro-Malabar Church) និងជាអគ្គអភិបាលទីក្រុងអឺណាគូឡាំ-អង់ហ្គាម៉ាលី (Ernakulam-Angamaly) ប្រទេសឥណ្ឌា។ លោកបានថ្លែងក្រោមប្រធានបទ៖ «ការអំពាវនាវឱ្យមានការជួបផ្ទាល់ខ្លួនជាថ្មីជាមួយព្រះគ្រីស្ត»។ អ្នកចូលរួមជាង ៩០០ នាក់ រួមទាំងអភិបាល បូជាចារ្យ បព្វជិត-ជិតា និងគ្រហស្ថមកពីទូទាំងទ្វីបអាស៊ី បានចូលរួមក្នុងវគ្គនេះ។

ខណៈពេលដែល បូជនីយចរឆ្ពោះទៅសេចក្តីសង្ឃឹមបានទាក់ទាញគ្រីស្តបរិស័ទ​​រាប់ពាន់នាក់នៅទីក្រុងប៉េណាំង លោក កាឌីណាល់ ភីលីព ណេរី (Cardinal Philip Neri) ដែលជាប្រធានសភា​លោក​អភិបាល​​អាស៊ី (FABC) បានចែករំលែកអំ​ពីបទពិសោធន៍នេះ អត្ថន័យរបស់វាសម្រាប់ទ្វីបអាស៊ី និងអនាគតនៃការចូលរួមរបស់ព្រះសហគមន៍ទូទាំងទ្វីបនេះ។

ក្នុងអំឡុងសន្និសីទសារព័ត៌មានដែលបានធ្វើឡើងនៅ បូជនីយចរឆ្ពោះទៅសេចក្តីសង្ឃឹម កាលពីថ្ងៃទី ២៩ ខែវិច្ឆិកា លោក ប៉ាប្លូ វីរហ្គីលីយូ ដេវីឌ (Pablo Virgilio S. Cardinal David) នៃភូមិភាគ​កាលូកាន និងជាប្រធានសភាលោកអភិបាលកាតូលិកនៃប្រទេសហ្វីលីពីន បានឆ្លើយសំណួរនានាអំពីការត្រៀមរៀបចំរបស់ព្រះសហគមន៍​សម្រាប់ ឆ្នាំព្រះមហាករុណាទិគុណ​ ២០៣៣ ជាសញ្ញា​នៃ​២.០០០ ឆ្នាំចាប់តាំងពីការសោយទិវង្គត និងការរស់ឡើងវិញរបស់ព្រះយេស៊ូ។

ក្នុងអំឡុងពេលនៃ បូជនីយចរឆ្ពោះទៅក្តីសង្ឃឹម​ដ៏អស្ចារ្យនៅទីក្រុងប៉េណាំងកាលពីថ្ងៃទី ២៩ ខែវិច្ឆិកា លោក លូវីស អន់តូនីញ៉ូ តាគ្លេ (Luis Antonio Cardinal Tagle) បានថ្លែងសន្និសីទសារព័ត៌មានដ៏ទូលំទូលាយមួយ ដោយឆ្លុះបញ្ចាំងអំពីយុគសម័យឌីជីថល ស្មារតីនៃបូចនីចរ និងកេរដំណែលនៃសមាជបេសកកម្មអាស៊ីលើកទីមួយ។

ថ្ងៃទី ៣ (២៩ ខែវិច្ឆិកា) នៃបូជនីយចរឆ្ពោះទៅសេចក្តីសង្ឃឹម ដែលបាន​ប្រព្រឹត្តទៅនៅក្រុង​ប៉េណាំង ប្រទេសម៉ាឡេស៊ី ត្រូវបានបញ្ចប់ដោយពិធីបូជាអរព្រះគុណដ៏ឧឡារិក និងជាសាធារណៈនៅឯបាស៊ីលីកា​តូច​នៃព្រះវិហារសន្តីហាណ្ណា (Minor Basilica of St. Anne)។

នៅក្នុងទិវាអន្តរជាតិលុបបំបាត់អំពើហិង្សាលើស្ត្រី តួលេខថ្មីរបស់អង្គការសហប្រជាជាតិបានបង្ហាញពីទំហំនៃអំពើហិង្សាដែលផ្អែកលើយេនឌ័រ គឺនៅតែបញ្ហាចំបង ។ នេះបើតាមការចុះផ្សាយដោយវ៉ាទីកង់ញូវ។

សម្តេចប៉ាប ឡេអូ ទី១៤ បានអធិស្ឋានជាមួយថ្នាក់ដឹកនាំគ្រីស្តសាសនា​និកាយ​ផ្សេងៗនៅតំបន់នីសេ(Nicaea) ដែលបច្ចុប្បន្នប្តូរឈ្មោះទៅ ទីក្រុង អ៊ីសនីក (Iznik) ប្រទេសតួកគី ហើយរិះគិតអំពីការសន្ទនា និងកិច្ចសហប្រតិបត្តិការ។

នៅថ្ងៃទី ២៩ ខែវិច្ឆិកា ឆ្នាំ ២០២៥ ក្នុងអំឡុងពេលនៃ "បូជនីយចរឆ្ពោះទៅក្តីសង្ឃឹមដ៏អស្ចារ្យ" នៅរដ្ឋប៉េណាំង ប្រទេសម៉ាឡេស៊ី កាឌីណាល់ប៉ាប្ល៉ូ វើហ្គីលីយ៉ូ (Pablo Virgilio S. David) ដែលជាអភិបាលនៃកាលូបាន និងជាអនុប្រធាននៃសភាលោកអភិបាលអាស៊ី​ បានថ្លែងសុន្ទរកថាគន្លឹះទៅកាន់ប្រតិភូជាង ៩០០ នាក់ ក្រោមប្រធានបទ៖ «ការរស់នៅ និងការចែករំលែករឿងរ៉ាវរបស់ព្រះយេស៊ូ – ដំណើរឆ្ពោះទៅកាន់ឆ្នាំ ២០៣៣ ក្នុងនាមជាប្រជាជនអាស៊ី»។

គណៈបញ្ជាការឯកភាពខេត្តសៀមរាបបានឈានដល់ការឃាត់ខ្លួនជនសង្ស័យចំនួន១៩នាក់ ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

កម្ពុជា បានស្នើសុំឱ្យអង្គការកាកបាទក្រហមអន្តរជាតិ (ICRC) បន្តតាមដាន សុខទុក្ខ របស់វីរកងទ័ពកម្ពុជាទាំង១៨រូប និងជំរុញឱ្យថៃ ដោះលែងយោធិនកម្ពុជាទាំងអស់។ ការលើកឡើងនេះ ធ្វើឡើងក្នុងជំនួបពិភាក្សាការងាររវាងលោក ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីនកម្ពុជា និងលោក Gilles Carbonnier អនុប្រធានអង្គការកាកបាទ ក្រហម អន្តរជាតិ (ICRC) ខណៈលោក ទេសរដ្ឋមន្រ្តី កំពុងចូលរួមកិច្ចប្រជុំលើកទី២២ នៃរដ្ឋភាគីអនុសញ្ញាអូតាវ៉ា នៅទីក្រុងហ្សឺណែវ ប្រទេសស្វីស។