ពត៌មាន

នៅថ្ងៃទិវាផែនដីពិភពលោកឆ្នាំ ២០២៤ សម្តេចប៉ាប ហ្វ្រង់ស៊ីស្កូបាន រំលឹកដល់មនុស្សជាតិទាំងអស់ពីកាតព្វកិច្ចរបស់ម្នាក់ៗក្នុងការការពារភពផែនដី និងការពារសន្តិភាព។

រដ្ឋាភិបាលស្វីសនឹងបន្តគាំទ្ររាជរដ្ឋាភិបាលកម្ពុជាក្នុងការងារកំណែទម្រង់វិមជ្ឈការ ព្រមទាំងគម្រោងបណ្ដុះបណ្ដាលនិងពង្រឹងសមត្ថភាពមន្រ្តីជំនាញក្រសួងមហាផ្ទៃ។ នេះបើយោងតាមខ្លឹមសារនៃជំនួបសម្ដែងការគួរសមនិងពិភាក្សាការងារ រវាងលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោក Alexandre Fasel រដ្ឋលេខាធិការក្រសួងការបរទេសសហព័ន្ធស្វីស នៅទីក្រុងប៊េន កាលពីរសៀលថ្ងៃទី២៣ ខែមេសា ឆ្នាំ២០២៤។ ​

កម្មករនៅរោងចក្រ អិម អិល (ML) ប្រមាណជាង៤០០នាក់បានរួបរួមគ្នាធ្វើការតវ៉ាទាមទារឱ្យថៅកែបើកប្រាក់ខែ នាព្រឹកថ្ងៃទី​២៥ ខែមេសា ឆ្នាំ​២០២៤ ដោយសារតែមានការបើកយឺតយ៉ាវជា​ញឹកញាប់។

​ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា បានចេ​ញព្រះរាជក្រឹត្យ ត្រាស់បង្គាប់ លើកលែងទោសលោក គង់ សភា បន្ទាប់ពីបាន​សរសេរលិខិត​ស្នើកា​រសុំអភ័យទោស និង​សុំការអន្តរាគមន៍​លើកលែងទោសពី​នាយករដ្ឋមន្រ្តី។

ព្រឹត្តិការណ៍ពិព័រណ៍វប្បធម៌ទេសចរណ៍ និងការសម្ដែងក្បាច់គុនសាវលីញ និងគុនល្បុក្កតោនៅអង្គរដ៏អស្ចារ្យ នៅបរិវេណខាងជើងប្រាសាទបាយ័ន នា​ថ្ងៃទី២៤ ខែមេសា ឆ្នាំ២០២៤ ដែលរៀបចំឡើងដោយក្រសួង​ទេសចរណ៍កម្ពុជា រដ្ឋបាលប្រជាជនខេត្តហឺណាន និងរដ្ឋបាលខេត្តសៀមរាប។

អ្នកនាំពាក្យក្រសួង​បរិស្ថាន លោក ខ្វៃ អាទិត្យា បាន​ឱ្យដឹងថា ថ្មីៗកន្លងមកនេះ ហ្វូងដំរីព្រៃ ឬដំរីអាស៊ី បានបង្ហាញខ្លួននៅតាមតំបន់ការពារធម្មជាតិក្នុងខេត្តមណ្ឌលគិរី ដែលមានចំនួនច្រើនជាងការមើលឃើញជាងបណ្តាឆ្នាំកន្លងទៅ។

កម្ពុជា និង​អាមេរិក បានចុះហត្ថលេខាលើកិច្ចព្រមព្រៀងប្រគល់-ទទួលវត្ថុបុរាណខ្មែរចំនួន ២៧ ដុំ ជូនប្រជាជនកម្ពុជា នៅការិយាល័យរដ្ឋអាជ្ញាទីក្រុងញូយ៉ក កាលពីថ្ងៃទី១៩ ខែមេសា ឆ្នាំ២០២៤ កន្លងទៅនេះ។

ការធ្វើឱ្យប្រជាពលរដ្ឋ ជាពិសេសប្រជាសហគមន៍នៅតាមតំបន់ការពារធម្មជាតិ មានលំនឹងសេ ដ្ឋកិច្ចតាមរយៈការបង្កើតមុខរបរបន្ថែមពីរបរដែលមានស្រាប់ ដោយការវិនិយោគបៃតង គឺជាគោ លដៅចម្បងឆ្ពោះទៅរកភាពស្អាត ភាពបៃតង និងចីរភាព ដែលឯកឧត្តមរដ្ឋមន្រ្តីក្រសួងបរិស្ថាន បានកំពុងគិតគូរនិងកៀរគរអ្នកវិនិយោគក្នុង និងក្រៅស្រុក ឱ្យចូលរួមចំណែកជាមួយវិស័យបរិស្ថានកម្ពុជា។

នា​ថ្ងៃទី២៣ ខែមេសា ឆ្នាំ២០២៤ នៅទីស្នាក់ការ UN-ESCAP នាទីក្រុងបាងកក ប្រទេសថៃ លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០​២៤ បានធ្វើជំនួបក្រៅផ្លូវការជាមួយលោក Carson K. Sigrah ឯកអគ្គរដ្ឋទូតវិសាមញ្ញ និងពេ​ញសមត្ថភាពនៃរដ្ឋសហព័ន្ធមីក្រូណេស៊ី ដែលបានចូលរួមសន្និបាតប្រចាំឆ្នាំលើកទី ៨០ នៃគណៈកម្មការសេដ្ឋកិច្ច និងសង្គមកិច្ចសម្រាប់តំបន់អាស៊ី និងប៉ាស៊ីហ្វិក នៃអង្គការសហប្រជាជាតិ (UN-ESCAP)។​

​ថ្នាក់ដឹកនាំកំពូលនៃគណបក្សប្រជាជនបដិវត្តន៍ឡាវ និង​គណបក្សប្រជាជនកម្ពុជា បានជួបប្រជុំកំពូល លើកទី១៤ នៅរាជធានីភ្នំពេញ នៃព្រះរាជាណាចក្រកម្ពុជា នាថ្ងៃទី​២៤ ខែមេសា ឆ្នាំ​២០២៤។ នេះបើយោងតាម​សេចក្តីប្រកាសព័ត៌មានរបស់​គណបក្សប្រជាជនកម្ពុជា។

លោក ទេសរដ្ឋមន្រ្តី លី ធុជ ជាប្រធានគណៈកម្មាធិការជាតិអេស្កាប់ តាងនាមរាជរដ្ឋាភិបាលកម្ពុជា ចូលរួមថ្លែងសុន្ទរកថាគន្លឹះក្នុងកិច្ចប្រជុំបណ្តាប្រទេសដែលមានការអភិវឌ្ឍតិចតួច (LDCs) ក្នុងតំបន់អាស៊ី និងប៉ាស៊ីហ្វិក កាលពី​ថ្ងៃទី២៣ ខែមេសា ២០២៤ នៅទីស្នាក់ការ UNESCAP នាទីក្រុងបាងកក ប្រទេសថៃ។

កាលពី​​រសៀលថ្ងៃទី២៣ ខែមេសា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បាន​ជួបជាមួយនឹង​លោក ថងលុន ស៊ីសុលីត (Thongloun Sisoulith) ប្រធានរ​ដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ និងគណៈប្រតិភូ ដើម្បីពិភាក្សាការងារនៅវិ​មានសន្តិភាព។​

នៅថ្ងៃទី២៥ ខែមេសា ឆ្នាំ២០២៤ ស្អែកនេះ វេទិកាការងារ និងកម្មសិក្សាការងារ សហការរៀ​បចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ​ ជាមួយនឹង ស.ស.យ.ក វិស័​យការងារ និងបណ្តុះបណ្តាលវិជ្ជាជីវៈ នឹងមានការចូលរួមពីក្រុមហ៊ុនធំៗចំនួន១៣ ដោយនាំយ​កឱកាសការងារថ្មីបន្ថែមទៀតចំនួន ៧៤៣ កន្លែង ដល់យុវជន សិស្ស/និស្សិត និងអ្នកកំពុងស្វែងរកការងារធ្វើ។​

លោក ហ៊ុយ ហានសុង រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បាន​ដឹកនាំកិច្ចប្រជុំជាមួយតំណាងទីភ្នាក់ងារសុវត្ថិភាព និងសុខភាពការងារកូរ៉េ (KOSHA) និងតំណាងក្រុមហ៊ុន Youngwoo ដែលធ្វើឡើងនៅទីស្តីការក្រសួង នារសៀល ​ថ្ងៃទី២៣ ខែមេសា ឆ្នាំ២​០២៤។

លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០​២៤ បាន​ធ្វើជំនួបក្រៅផ្លូវការជាមួយលោក Junior Aini ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋកោះម៉ាសាល់ ប្រចាំប្រទេសហ្វីជី ដើម្បីស្នើសុំឱ្យកោះម៉ាសាល់ពិ​ចារណាចូលរួមជារដ្ឋភាគីនៃអនុសញ្ញាអូតាវ៉ា។​

សម្តេច​ប៉ាប ហ្វ្រង់ស៊ីស្កូ បានជូល​អង្វរ​ដោយ​ស្មោះស្ម័គ្រសុំឲ្យគ្រប់គ្នាគិតគូរសកម្មភាពដែលនាំឲ្យមាន​សន្តិភាពនៅគ្រប់ទីកម្លែងពិសេសគឺ​នៅ​ប៉ាឡេស្ទីន អ៊ីស្រាអែល និង​អ៊ុយក្រែន ដោយ​ជំរុញ​ឲ្យ​មាន​ការ​ពិភាក្សា​ជុំវិញ​ជម្លោះ និង​ចងចាំ​ពី​ទុក្ខ​លំបាក​របស់​អ្នក​ដែល​រងគ្រោះ។

សម្តេចប៉ាបហ្រ្វង់ស៊ីស្កូបានយាងទទួល ទទួលលោក ចន ប្រ៊ីសេណូ (John Briceño) នាយករដ្ឋមន្រ្តីនៃប្រទេស ប៊ីឡាយ (Belize) ដែលជាកោះតូចមួយនៅឆ្នេរសមុទ្រការ៉ាប៊ីនកាលពីចុងសប្តាហ៍មុន។

​ថ្លែងនៅខាងក្រៅសន្និសីទមួយដែលរៀបចំនៅសាកលវិទ្យាល័យមួយរបស់សន្តអាសនៈនៅទីក្រុងរ៉ូម លោកកាឌីណាល់ ព្យែត្រូ ផារ៉ូលីន (Pietro Parolin) នាយករដ្ឋមន្រ្តីសន្តអាសនៈបានធ្វើ​ការអត្ថាធិប្បាយលើព័ត៌មានថ្មីៗស្តីពីតំបន់មជ្ឈិមបូព៌ា ដោយនិយាយថា គ្រប់គ្នាកំពុងធ្វើការដើម្បីធានាថាជម្លោះមិនកើនឡើងហើយពង្រីកធំបន្ថែមទៀត។

មេដឹកនាំអ៊ុយក្រែន និងលោកខាងលិចបានស្វាគមន៍កញ្ចប់ជំនួយយោធាដែលត្រូវការជាចាំ​បាច់សម្រាប់អ៊ុយក្រែន ដែលអនុម័តដោយសភាតំណាងរាស្រ្តអាមេរិក បន្ទាប់ពីមានការព្រួយបារម្ភកាន់តែខ្លាំងថា ប្រទេសនេះអាចចាញ់សង្រ្គាមជាមួយរុស្ស៊ី។

មន្រ្តីអ្នកនាំពាក្យក្រសួងមហាផ្ទៃ បានឱ្យដឹងថា បន្ទាប់ពីបញ្ចប់ការឈប់សម្រាកអបអរសាទរឆ្នាំថ្មី​ប្រពៃណីជាតិ មន្ត្រីទទួលបន្ទុកសេវាអត្តសញ្ញាណកម្ម ទូទាំងប្រទេស បានបន្តបំពេញតួនាទី និ​ងភារកិច្ច ផ្ដល់សេវាជូនប្រជាពលរដ្ឋយ៉ាងសកម្មជាប្រក្រតី ក្នុងនោះ មានអត្តសញ្ញាណបណ្ណ​ស​ញ្ជាតិខ្មែរចំនួន ៨ ៨៧២សន្លឹក បានបន្តផ្ដល់ជូនប្រជាពលរដ្ឋ នារយៈពេល៥ថ្ងៃ ចាប់ពីថ្ងៃទី១៧ រហូតដល់ថ្ងៃទី២១ ខែមេសា ឆ្នាំ២០២៤។