ថ្ងៃទី១៦ ខែតុលា ឆ្នាំ២០២៥ អត្ថបទគម្ពីរ (លូកា ១១,៤៧-៥៤)អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល

បងប្អូនជាទីគោរពរាប់អាន! នៅថ្ងៃនេះ ប្រហែលជាអត្ថបទពិបាកស្តាប់បន្តិច ព្រះយេស៊ូស្រាយព្រះបន្ទូល ពួកខាងផារ៉ាស៊ី។ ហើយនឹងតាមរយៈពួកខាងផារ៉ាស៊ី ប្រហែលជាព្រះយេស៊ូស្តីបន្ទោសយើងម្យ៉ាងដែរ ដូចពួកខាងផារ៉ាស៊ី? ព្រោះអី? ពួកខាងផារ៉ាស៊ីគិតស្មានថាគេស្គាល់ព្រះជាម្ចាស់ ហើយហ្នឹង គេជួ​យ​ណែ​នាំ​អ្នកដទៃ ហើយទៅតាមផ្លូវរបស់ព្រះជាម្ចាស់។

ប៉ុន្តែតាមពិតគេមិនស្គាល់ព្រះជាម្ចាស់ទេ! គេមិនខ្វល់អំពីព្រះជាម្ចាស់! គេគិតតែពីប្រយោជន៍ផ្ទាល់ខ្លួន គេ​ប្រើ​ព្រះ​ជាម្ចាស់ គេប្រើសាសនាដើម្បីជាប្រយោជន៍ផ្ទាល់ខ្លួន ការបង្រៀនរបស់គេគ្មានតម្លៃ។ ផ្ទុយ​ទៅ​វិញ ការបង្រៀនរបស់គេ នាំឲ្យអ្នកដទៃស្តាប់ហើយវង្វេង។  យើងត្រូវតែប្រយ័ត្ន​ពេល​ខ្លះ​យើ​ង​ត្រូវ​​តែ​ស្គាល់​អ្វី​ដែល​យើងបង្រៀនដល់អ្នកដទៃ និងត្រូវតែស្គាល់សាសនារបស់យើង មុននឹ​ងប្រកាស​ដល់​អ្នក​ដទៃ​។ ស្គាល់​ព្រះជាម្ចាស់ ស្គាល់ព្រះយេស៊ូ ស្វែងរក ស្វែងយល់ឲ្យបាន ដើម្បីជួយណែនាំ​អ្នកដទៃ​ឲ្យ​បាន​ត្រឹ​ម​ត្រូ​វ​ឲ្យ​បានល្អ។

ពួកខាងផារ៉ាស៊ីពិតជាវេទនាមែន តាមពិតគេមិនចង់ស្គាល់! ប្រហែលជាយើង យើងចង់ដែរ ខ្ញុំគិត​ថាបង​ប្អូន​មាន​ចិត្តល្អ ចង់ស្គាល់ ប៉ុន្តែពេលខ្លះយើងវង្វេងដែរ ព្រោះយើងមិនសូវស្វែងរក មិនសូវចាប់អារម្មណ៍។ ដូច្នេះ ឲ្យយើងកែខ្លួនទាំងអស់គ្នាកែខ្លួន ស្វែងរកដោយសិក្សាអំពីសាសនារបស់យើង ជាពិសេស ឲ្យ​យើង​មាន​ទំនាក់ទំនងពិតប្រាកដជាមួយព្រះជាម្ចាស់ក្នុងការអធិដ្ឋាន នឹង​ក្នុងការព្យាយាម​ស្តាប់​ព្រះ​បន្ទូ​ល គ្រាន់​​តែអានព្រះគម្ពីរដំណឹងល្អ ធ្វើឲ្យយើងស្គាល់ព្រះជាម្ចាស់កាន់តែច្បាស់ ហើយ​យើងអាចជួយ​ប្រកាស​ដល់​អ្នក​ដទៃ ជាពិសេសណែនាំខ្លួនឯងឲ្យបានត្រឹមត្រូវល្អ ស្របតាមព្រះហឫទ័យរបស់ព្រះជាម្ចាស់។

ដូច្នេះសូមបងប្អូនខិតខំស្វែងរកព្រះជាម្ចាស់ដើម្បីឲ្យមានជីវិតដ៏ល្អ ដើម្បីមានសុភមង្គល នឹងជួយ​ណែ​នាំ​អ្នក​ដទៃតាមរបៀប​ត្រឹមត្រូវ៕