ជំនឿ

អាទិត្យនេះព្រះគម្ពីរដកស្រង់ពីសន្តយ៉ូហាន ២,១-១១ និយាយពី ​ព្រឹត្តការណ៍​​​ដែល​កើតឡើង​ដំបូងបំផុត​នៅ​ក្នុ​ង​បេសកកម្មរបស់ព្រះយេស៊ូ គឺ​ព្រះអង្គប្រែទឹកឱ្យក្លាយទៅជា​ស្រានៅក្នុ​ង​ពិធីអាពាហ៍ពិពាហ៍មួយនៅ​ភូមិ​កាណា។ ចំពោះលោកពុកពេលដែលអានអត្ថបទនេះ លោកពុកនឹកឃើញ​នៅពេល​ដែល​លោក​ពុក​ចូលបួសមុនដំបូងគេ! ម្តាយរបស់លោកពុកតែងតែប្រាប់លោកពុកថា ចូលបួ​សត្រូវការលុតដំខ្លួន លុត​ដំ​ចិត្ត ពេលដែលខ្ញុំឮពាក្យនេះហើយខ្ញុំមានអារម្មណ៍ថាខ្ញុំពិបាកចិត្តដែរ។ ប៉ុន្តែនៅពេលដែល​ខ្ញុំចាប់ផ្តើម​ចូល​បួស និងរស់នៅក្នុងជីវិតជាអ្នកបួសនៅ​ក្នុងជីវិតបម្រើ​ព្រះជាម្ចាស់ដូច​ព្រះយេស៊ូផ្ទាល់ព្រះអង្គ​បម្រើព្រះជា​ម្ចា​ស់​ដោយចាប់ផ្តើមបេសកកម្មរបស់ព្រះអង្គ។ ពេលដែលខ្ញុំចាប់ផ្តើមរិះគិតកាន់តែជ្រៅ ចិត្តខ្ញុំ ក៏​មា​ន​អំណរដូចគ្នា អំណរមួយដែលស្តែងចេញពីខាងក្នុងដួងចិត្តពិតៗ មិនមែនជាការសម្តែង ។

ព្រះយេស៊ូបានត្រាស់ហៅលោកលេវីជាអ្នកទារពន្ធម្នាក់ឱ្យដើរតាមព្រះអង្គ។ នេះជាអំណរសប្បាយ​មួយ​ដែល​យើងបានឃើញ! ព្រះយេស៊ូត្រាស់ហៅលេវីជាអ្នកទារពន្ធម្នាក់ឱ្យដើរតាមព្រះអង្គ។ បងប្អូនតាម​ដែល​យើងបានឃើញ បានយល់អំពីជីវិតរបស់យើងនៅក្នុងសង្គមគេតែងតែជ្រើសរើសមនុស្សដែលល្អ រាប់រក រាប់​​អានគ្នា ប៉ុន្តែគេមិនសូវរាក់ទាក់ និងទទួលស្វាគមន៍មនុស្សដែលខិលខូច ឬក៏ក្រីក្រនោះទេ ផ្ទុយ​ទៅ​វិញ​ចំពោះព្រះយេស៊ូ ព្រះអង្គសព្វព្រះហឫទ័យមកជួបទាកទងរាក់ទាក់ទទួល​ទាន​អាហា​រ​​ជា​មួយ​អ្នក​ក្រី​ក្រ ជា​មួយ​ជនដែលត្រូវគេមើលងាយ នឹងត្រូវគេបោះបង់ចោលពីសង្គម។

នៅក្នុងអត្ថបទព្រះគម្ពីរដំណឹងល្អនៅក្នុងថ្ងៃនេះ គឺព្រះយេស៊ូបង្រៀន​ប្រជាជននៅក្នុងធម្មសាលា​ដែលមាន​មនុស្ស​ច្រើនចោមរោមស្តាប់ព្រះអង្គ។ នៅខណៈនោះយើងឃើញមានជនពិការ​ម្នាក់ គាត់​ឮថា​ព្រះយេស៊ូ​គង់នៅក្នុងផ្ទះនោះ និងគាត់ចង់ទទួលបានការព្យាបាលពីព្រះយេស៊ូ ប៉ុន្តែគាត់​មិនអាចចូល​បាន​​ដោយ​សារ​មនុស្សច្រើនពេក ក្រោយមកមានមនុស្សបួននាក់បានសែងមនុស្សខ្វិន​នេះឡើងទៅ​លើ​ដំបូល​​ផ្ទះរួច​ចោះ​ដំបូល​ឱ្យគេចុះមកចំកន្លែងព្រះយេស៊ូគង់នៅ។ ហេតុនេះព្រះយេស៊ូមានព្រះបន្ទូលទៅគាត់ថា “កូនអើយខ្ញុំ​អត់​​ទោសឱ្យអ្នកបានរួចពីបាបហើយ”។

ថ្ងៃនេះជាថ្ងៃចន្ទបន្ទាប់ពីបុណ្យព្រះយេស៊ូទទួលពិធីជ្រមុជទឹក យើងឃើញភ្លាមបន្ទាប់​ពីព្រះអង្គ​ទទួល​ពិធី​ជ្រមុជទឹកព្រះអង្គចាប់ផ្តើមបំពេញបេសកកម្មរបស់ព្រះអង្គក្នុងការប្រកាសដំណឹងល្អ ​ហើយនៅក្នុង​បេសក​កម្ម ព្រះអង្គក៏ចង់រកសហការីដើម្បីជួយព្រះអង្គក្នុងការបំពេញកិច្ចការនេះ។ យើងឃើញ​ព្រះអង្គ​ត្រាស់​ហៅ​សាវ័កដើមដំបូង គឺលោកស៊ីមន និងលោកអន់ត្រេ។ អ្វីដែលខ្ញុំចង់ចែកជា​មួយបង​ប្អូនមាន​កិរិយា​សព្ទ​ពីរ​នៅថ្ងៃនេះដែលគួរឱ្យចាប់អារម្មណ៍។

ថ្ងៃអាទិត្យនេះ​គឺជា​ថ្ងៃរំលឹកអំពីពេលវេលា​ដែលព្រះយេស៊ូទទួលពិធីជ្រមុជទឹក​ពីលោក​យ៉ូហាន។ អ្វីដែល​លោក​ពុកចង់ឱ្យយើងយល់និងត្រូវដឹងថា នៅពេលដែលយើង​ទទួលពិធីជ្រមុជ​ទឹកយើងទទួល​នូវ​អគ្គ​សញ្ញា​​​​នេះ តើយើងមានតួនាទីអ្វីខ្លះ? មិនថាយើងជាគ្រីស្តបរិស័ទ ជា​បូជាចារ្យឬទៅជាអ្វីទេ? ​ ប៉ុន្តែ​តួនា​ទី​ចម្បង​​​ដែ​ល​ជាមូលដ្ឋានគ្រឹះនៅក្នុងជីវិតជាគ្រីស្តបរិស័ទតាម​ច្បាប់​ព្រះ​សហគមន៍ ដែលបង្រៀនទាំង​អស់​គ្នា នៅ​ពេលដែលយើងទទួល​ពិធីជ្រមុជទឹក​គឺ​យើងក្លាយទៅជាបូជាចារ្យ!។​

ព្រះយេស៊ូចាប់ផ្តើមប្រកាសដំណឹងល្អ ហើយព្រះអង្គបង្រៀនពីព្រះរាជ្យរបស់ព្រះជាម្ចាស់ និងប្រោស​អ្នក​ជំងឺ​ជាច្រើនឱ្យបានជា ព្រមទាំងលើកលែងទោស​ឲ្យអ្នកបាប។ នៅថ្ងៃនេះព្រះយេស៊ូប្រោស​អ្នកឃ្លង់​ម្នាក់​ឱ្យ​បាន​ជា​ដោយ​គ្រាន់តែប៉ះអ្នកជំងឺនោះ! ដោយសារព្រះយេស៊ូជាព្រះដ៏វិសុទ្ធ ​ភាព​​ដ៏វិសុទ្ធ​របស់ព្រះអង្គ​ បាន​ជះ​ចេញជាពន្លឺលាតសន្ធឹងលើអ្នកជំងឺឃ្លង់ ធើ្វឲ្យគេបានជាសះស្បើយ។

ព្រះយេស៊ូបានត្រាស់ហៅលោកលេវីជាអ្នកទារពន្ធម្នាក់ឱ្យដើរតាមព្រះអង្គ។ នេះជាអំណរសប្បាយ​មួយ​ដែល​យើងបានឃើញ! ព្រះយេស៊ូត្រាស់ហៅលេវីជាអ្នកទារពន្ធម្នាក់ឱ្យដើរតាមព្រះអង្គ។ បងប្អូនតាម​ដែល​យើងបានឃើញ បានយល់អំពីជីវិតរបស់យើងនៅក្នុងសង្គមគេតែងតែជ្រើសរើសមនុស្សដែលល្អ រាប់រក រាប់​​អានគ្នា ប៉ុន្តែគេមិនសូវរាក់ទាក់ និងទទួលស្វាគមន៍មនុស្សដែលខិលខូច ឬក៏ក្រីក្រនោះទេ ផ្ទុយ​ទៅ​វិញ​ចំពោះព្រះយេស៊ូ ព្រះអង្គសព្វព្រះហឫទ័យមកជួបទាកទងរាក់ទាក់ទទួល​ទាន​អាហា​រ​​ជា​មួយ​អ្នក​ក្រី​ក្រ ជា​មួយ​ជនដែលត្រូវគេមើលងាយ នឹងត្រូវគេបោះបង់ចោលពីសង្គម។

លោកយ៉ូហានបាទីស្តគឺជានរណា? លោកយ៉ូហានបាទីស្តជាអ្នកដែលមករៀបចំផ្លូវថ្វាយព្រះយេស៊ូ ហើយ​លោកក៏បានបង្ហាញឱ្យយើងឃើញថា លោកក៏បានប្រកាសប្រាប់ប្រជាជនឯទៀតៗដោយ​ធ្វើពិធីជ្រមុជទឹ​ក​ដល់​អ្នកឯទៀតដែលមករកលោក ដើម្បីបង្ហាញព្រះយេស៊ូឱ្យគេស្គាល់។ លោកយ៉ូហានមានឈ្មោះល្បី ប៉ុន្តែ​លោកដាក់ខ្លួន មានចិត្តសុភាពរាបសារមិនចង់បានមុខមាត់ទេ ប៉ុន្តែលោកចង់ឱ្យគេដឹងថា ព្រះយេស៊ូជា​នរណា​សម្រាប់គេ។

បងប្អូនបានអាន និងស្តាប់អត្ថបទដំណឹងល្អ! យើងឃើញថា ​ព្រះយេស៊ូចាប់ផ្តើមប្រកាសដំណឹងល្អ និង​បេស​កម្មរបស់ព្រះអង្គ តាមព្យាការី​អេសាយ​គឺ​ព្រះជាម្ចាស់មានព្រះបន្ទូលថា​ ព្រះវិញ្ញាណរបស់​ព្រះអម្ចាស់​សណ្ឋិតលើខ្ញុំ និងនាំខ្ញុំទៅ​ប្រកាស​ដំណឹងល្អ​ដល់ជនក្រីក្រ! ​ព្រះយេស៊ូតែងតែធ្វើតាមព្រះហឫទ័យ​របស់​ព្រះបិតា។ ពេលកំណត់ដើម្បីស្នាក់នៅ​ភូមិ​ណា​សារ៉ែតជា​ការលាក់កំបាំងកុំឱ្យគេដឹង កុំឱ្យគេឮ! ឥឡូវ​ព្រះយេស៊ូ​​ចេញជា​សាធារណៈ​ដើម្បី​ប្រកាសដំណឹងល្អអំពីព្រះបិតា ហើយព្រះអង្គមានព្រះបន្ទូលថា ថ្ងៃនេះ​អត្ថបទ​​តាមព្យា​ការី​អេសាយ​គឺកើតឡើងហើយ! ។

ថ្ងៃនេះយើងស្តាប់ព្រះបន្ទូលរបស់ព្រះជាម្ចាស់ចំពោះការប្រោសប្រណី! ក្នុងព្រះបន្ទូលរបស់សន្តម៉ាកុស​នៅ​ក្នុង​ថ្ងៃ​នេះបាននិយាយអំពី​ ព្រះជាម្ចាស់យេស៊ូគ្រីស្ត​បាន​ចិញ្ចឹម​ប្រជាជនប្រាំពាន់នាក់។ បាទ​បង​ប្អូន! នៅក្នុ​ងការ​រស់នៅ​ជាមួយព្រះអង្គ នឹងដើរជាមួយព្រះអង្គ​យើងមានការប្រឈមជារឿយៗ ហើយ​កា​រ​ប្រឈមនឹងគឺការខ្វះខាតខាងផ្លូវកាយ ជាពិសេសរឿងម្ហូមអាហារ ជាកត្តាសំខាន់មួយ​ដែល​នាំព្រះយេស៊ូ និង​សាវ័កឲ្យដោះស្រាយ ប៉ុន្តែនៅក្នុងការចិញ្ចឹមប្រជាជនប្រាំពាន់នាក់នឹង​មិន​មែ​ន​គ្រាន់​តែ​បង្ហាញថា​ព្រះ​អង្គ​​មានអំណាចនៃការគ្រប់គ្រង ឬការចែករំលែកប្រជាជនបានតែប៉ុណ្ណោះទេ ប៉ុន្តែ​ព្រះអង្គ​ចង់​ឱ្យ​យើង​បាន​ស្គាល់ការប្រណីសន្តោសរបស់ព្រះជាម្ចាស់។

ថ្ងៃនេះលោកពុកចង់ឱ្យយើងរិះគិតពិចារណា ជាថ្ងៃមួយដែលពួកហោរាចារ្យទាំងពីរនាក់ បានធ្វើដំណើរ​ពី​ស្រុកឆ្ងាយ​មកដើម្បីថ្វាយបង្គំព្រះយេស៊ូ។ ប៉ុន្តែអ្វីដែលសំខាន់បំផុតនៅក្នុងដំណើររឿង ​ហោរាចារ្យ​មក​ជួប​ព្រះយេស៊ូនេះគឺព្រះអង្គសម្តែងព្រះអង្គផ្ទាល់ឱ្យជនដទៃដែលអត់ស្គាល់ព្រះអង្គបានឃើញ ដោយសារ​ពួក​ហោរាចារ្យគឺជាតំណាងជនជាតិដទៃផ្សេងទៀត ដែលធ្វើដំណើរមកពីទិសផ្សេងៗមកដើម្បីបានស្គាល់​ព្រះយេស៊ូ។

លោកយ៉ូហានបាទីស្តណែនាំ និងបង្ហាញអំពីព្រះយេស៊ូដល់សាវ័ករបស់ព្រះអង្គ​​ នេះជាកូនចៀមរបស់​ព្រះជាម្ចាស់!

បងប្អូនប្រហែលជាបងប្អូនឆ្ងល់ក្រោយពេលអានអត្ថបទដំណឹងល្អនៅថ្ងៃនេះ ដោយសារនិយាយអំពីលោក​យ៉ូ​ហាន​​​បាទីស្តមិននិយាយអំពីព្រះយេស៊ូដែលទើបតែប្រសូត្រ។ យើងទើបប្រារព្ធពិធីបុណ្យណូអែល​ស្រាប់​តែដល់រឿងលោកយ៉ូហានបាទីស្ត​នឹងបង្ហាញឱ្យក្រុមសាវ័កឃើញព្រះយេស៊ូ និងក្រុមសាវ័កដើរ​តាម​ព្រះ​អង្គ! តាមពិត​ព្រះសហគមន៍សុំ​ឱ្យយើងរិះគិតអំពីព្រះយេស៊ូមិន​មែននៅក្នុ​ងឋានៈជាទារក​ដែលទើប​តែ នឹង​កើត! តែក្នុងឋានៈជាអ្នកប្រកាសដំណឹងល្អ ព្រោះ​ព្រះយេស៊ូយាង​មកដើម្បី​ប្រកាស​ដំណឹង​ល្អ​។

បងប្អូនជាទីគោរព! នៅក្នុងអត្ថបទព្រះគម្ពីរថ្ងៃនេះ​លូកា ១១,៤២-៤៦។ ព្រះយេស៊ូមានព្រះបន្ទូលអំ​ពីពុត​ក្បត់​របស់ពួកបណ្ឌិតខាងវិន័យ និងពួកគណៈផារ៉ាស៊ីព្រះយេស៊ូមានព្រះបន្ទូលថា ពួកផារ៉ាស៊ីអើយ­­­­ អ្នក​រាល់​គ្នា​នឹងត្រូវវេទនាជាមិនខានព្រោះអ្នករាល់គ្នាយកជីអង្កាម ជ័រលី្វងទេស និងបន្លែគ្រប់​មុខ​ថ្វាយ​ព្រះ​ជា​អម្ចាស់ ប៉ុន្តែអ្នករាល់គ្នាមិនបានប្រព្រឹត្តតាមសេចក្តីសុច្ចរិត និងស្រឡាញ់យើងឡើយ កាល​នេះ​ហើយ​ដែល​អ្នករា​ល់គ្នាត្រូវប្រព្រឹត្ត ឯកាលដទៃទៀតក៏អ្នករាល់គ្នាមិនត្រូវបំភ្លេចចោលដែរ។

បងប្អូនជាទីគោរព! ព្រះសហគមន៍កាតូលិក និងពិភពលោកទាំង​មូលនឹករំលឹកបុណ្យ​ឱឡារិត ​គឺជា​ខួប​ព្រះយេស៊ូប្រសូត្រ ឬខួបកំណើតព្រះអង្គ។ ខួបកំណើតព្រះយេស៊ូជាបុណ្យនៃអំណរសប្បាយ សេចក្តី​សុខ​សាន្ត សេចក្តីស្រឡាញ់ ការលើកលែងទោស និងសេចក្តីសង្ឃឹម។ ព្រះយេស៊ូប្រសូត្រជាមនុស្ស​រួម​សាមគ្គី និងរួមវាសនាជាមួយមនុស្សយើង គ្រីស្តបរិស័ទ ​គោរព​ព្រះគ្រីស្តទុកជា​ពន្លឺនៃ​ពិភព​លោក​ដូច​ជា​ថ្ងៃរះឡើង​ដែរ​។ អត្ថបទថ្ងៃនេះនិយាយពីដំណើរកំណើតព្រះយេស៊ូ និងទេវទូតប្រកាសពីកំណើត​ព្រះ​យេ​ស៊ូ​ប្រាប់​ពួក​គង្វាល។ ព្រះយេស៊ូប្រសូត្រជាមនុស្សនៅភូមិបេក្លេហឹមនៅថ្ងៃទី២៥ ខែធ្នូ ២០០០​ឆ្នាំ​មុន​។​

បងប្អូនជាទីគោរព! នេះគឺជាអាទិត្យទីប្រាំនៅក្នុងរដូវធម្មតាថ្ងៃនេះពួកយើងរិះគិតពិចារណា​ព្រះបន្ទូល​ដំណឹ​ង​​​ល្អ​តាមម៉ាថាយ១១,២៥-២៧។ អត្ថបទនេះព្រះយេស៊ូលើកតម្កើងជាសាធារណៈ និងថ្លែង​អំណ​រគុណព្រះអម្ចាស់ចំពោះការសម្តែងអ្វីៗទាំងអស់ឱ្យមនុស្សតូចតានឃើញ។ ព្រះយេស៊ូមានព្រះបន្ទូលថា បពិត្រព្រះបិតាជាអម្ចាស់នៃស្ថានបរមសុខ និងជាអម្ចាស់នៃផែនដី ​ទូលបង្គំសូមសរសើរតម្កើង​ព្រះអង្គ ត្បិត​ទ្រង់បានសម្តែងការទាំងនេះឱ្យមនុស្សតូចតាចយល់តែទ្រង់បានលាក់មិនឱ្យអ្នកប្រាជ្ញ និងអ្នកចេះ​ដឹង​យល់ទេ។

បងប្អូនជាទីគោរព! នៅក្នុងអត្ថបទព្រះគម្ពីរតាមលោកម៉ាថាយ១៨,១៥-២០។ ព្រះយេស៊ូមានព្រះបន្ទូល​អំពីការកសាងព្រះសហគមន៍ប្រកបដោយធម្មមេត្តាករុណា និងការលើកលែងទោសឱ្យគ្នាទៅវិញទៅមក។ តាមរយៈអត្ថបទនេះ ព្រះយេស៊ូណែនាំគ្រីស្តបរិស័ទដែលមានតួនាទីណែនាំ​ព្រះសហគមន៍ដើរតួយ៉ាង​យុត្តិធម៌ និងសុភាពរាបសារ។ ព្រះអង្គមានព្រះបន្ទូលថា៖ “គ្រីស្តបរិស័ទ​តែងតែ​លើកលែង​ទោស​ឱ្យអ្នក​បាប​ជា​និច្ច ដើម្បីពួកគាត់មិនវិនាសអន្តរាយ។ ព្រះយេស៊ូមានព្រះបន្ទូលថា អ្វីៗទាំងអស់​ដែលអ្នក​រាល់​គ្នា​ចង​នៅ​លើ​ផែនដីនេះ ព្រះជាអម្ចាស់នឹងចងនៅស្ថានបរមសុខ ហើយអ្វីៗដែលអ្នករាល់គ្នា​ស្រាយនៅ​ផែនដីនេះ​ព្រះជាអម្ចាស់នឹងស្រាយនៅស្ថានបរមសុខដែរ”​។

ជម្រាបសួរបងប្អូនទាំងអស់គ្នា! ថ្ងៃនេះខ្ញុំជូនពរអស់ប្រជាជននៅប្រទេសកម្ពុជាដែល​ចូលនៅក្នុង​បុណ្យ​ចូល​​ឆ្នាំថ្មីជូនពរឱ្យមានសុខភាពល្អ មានកម្លាំងរឹងមាំ មានសុភមង្គល និងអំណរសប្បាយ​តាម​គ្រួសារ​នីមួយៗ។ ទីពីរខ្ញុំចង់ចែករំលែងអំពីព្រះបន្ទូលដំណឹងល្អថ្ងៃពុធសប្តាហ៍ទីពីរនៅក្នុងបុណ្យចម្លង។

ជម្រាបសួរបងប្អូនជាទីស្រឡាញ់! ថ្ងៃនេះខ្ញុំមានអំណរសប្បាយរីករាយមក​បកស្រាយព្រះ​បន្ទូលដំណឹង​ល្អ​ដែលនាំឱ្យយើងលើកតម្កើងព្រះជាម្ចាស់ដោយសារជំនឿលើព្រះបុត្រារបស់ព្រះអង្គ ដែលបានប្រទានជីវិត​អស់​កល្បជានិច្ចឱ្យ​យើង។

បកស្រាយដោយ៖ លោកបូជាចារ្យ ហ្វ្រង់ស័រ អេមេល្សដាល