នៅថ្ងៃនេះយើងស្ដាប់សន្តលូកា មានស្ត្រីម្នាក់សរសើរថាអ្នកដែលបានបង្កើតលោក នឹងមានកិត្តិយសដ៏ខ្លាំងដ៏ល្អ គឺជាប់និងសាច់ឈាមរបស់លោក។ ប៉ុន្តែ! ព្រះយេស៊ូទ្រង់ឃើញថា ការជាប់ជាសាច់ញាតិខាងវិញ្ញាណល្អប្រសើរជាងការជាប់ជាសាច់ញាតិរបស់យើងជាបងប្អូនទៅទៀត។ ដោយព្រះអង្គឃើញថាពេលណាយើងជាប់ខាងវិញ្ញាណជាមួយព្រះអង្គ យើងនឹងបានដូចព្រះអង្គគឺទាំងការរស់នៅ ការគោរពស្រឡាញ់កោតសរសើរព្រះជាម្ចាស់ធ្វើឲ្យជីវិតរបស់យើងមានព្រះជាម្ចាស់ដែលព្រះអង្គគង់នៅជាមួយ ហើយធ្វើឲ្យជីវិតទាំងមូលរបស់យើង ជាប់នឹងព្រះជាម្ចាស់ដូចគ្នា។
