អត្ថបទគម្ពីរដំណឹងល្អថ្ងៃនេះ ក្រោយពីបុណ្យ៥០ថ្ងៃនៃព្រះវិញ្ញាណយាងមក គឺយើងចូលនៅរដូវធម្មតា។ ព្រះបន្ទូលថ្ងៃនេះគឺព្រះយេស៊ូចង់ឱ្យយើងទាំងអស់គ្នានិយាយ “សេចក្តីពិត” មានន័យថាឱ្យយើងចេះប្រើពាក្យសម្តីត្រង់ទៅត្រង់មក នេះជាចំណុចមួយសំខាន់ដើម្បីជួយឱ្យយើងទទួលស្គាល់ទំនាក់ទំនងល្អ។ ទំនាក់ទំនងល្អគឺជាការទទួលខុសត្រូវចំពោះពាក្យសម្តីរបស់យើង ព្រោះពាក្យសម្តីល្អនាំឱ្យអ្នកដទៃគោរពស្រឡាញ់ ដោយសារតែយើងចេះនិយាយការពិត។
