Khmer Service

វ៉ាទីកង់ញូវបានរាយការណ៍ថា ជាជំហានមួយឆ្ពោះទៅរកការប្រារព្ធកម្មវិធីឆ្នាំនៃករុណាទិគុណ កាលពីថ្ងៃទី ១៥ដល់ថ្ងៃទី​១៨ ខែ កុម្ភៈ ឆ្នាំ២០២៥​នៅបាស៊ីលីកាវិសាលវិហាសន្តសិលា សិល្បករនិងសិល្បការនីច្រើននាក់បានចូលរួមកម្មវិធីរាត្រីស្រមោលសដែលរៀបចំឡើងដោយសន្តអាសនៈ។

ចំណេះដឹង ជំនាញ ភាសា សម្រស់ បានធ្វើអោយស្រី្តខ្មែរមួយរូបក្លាយខ្លួនជា បាហុនិការខ្មែរដំបូង​ របស់ក្រុមហ៊ុនអាកាសចរណ៍ Etihad Airways នៃប្រទេសអារ៉ាប់រួម។ ការក្លាយខ្លួនជាបាហុនិការនេះ ជារឿងមួយដែលខ្មែរអាចធ្វើបាន និងអាចចូលរួមបម្រើការងារ​របស់​ក្រុមហ៊ុន អាកាសចរណ៍ Etihad Airways នៃ​ប្រទេស​អារ៉ាប់រួម​ដែល​មាន​តួនាទីជាបាហុនិកា។

រាជរដ្ឋាភិបាលកម្ពុជា និង ចិន នឹងប្រកាសរៀបចំព្រឹត្តិការណ៍ពិធីបិទ «ឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន ២០២៤» និង ពិធីបើកជាផ្លូវការ «ឆ្នាំទេសចរណ៍កម្ពុជា-ចិន ២០២៥» ចាប់ពីថ្ងៃទី២៤ ដល់ថ្ងៃទី២៥ ខែកុម្ភៈ ឆ្នាំ២០២៥ នៅទីក្រុងចឹងចូវ ខេត្តហឺណាន ប្រទេសចិន ហើយនេះជាព្រឹត្តិការណ៍ថ្មីបន្ថែមទៀត ដើម្បីជំរុញទំនាក់ទំនងកម្ពុជា-ចិន ឱ្យកាន់តែល្អប្រសើរឡើង។

ប្រព័ន្ធហ្វឹកហ្វឺនអាវុធថ្មើរជើងសិប្បនិមិត្ត ជាជំនួយរបស់កងទ័ពជើងគោកឥណ្ឌា បានផ្តល់ជូនដល់កងទ័ពជើងគោកកម្ពុជា ក្នុងការគាំទ្រដល់ដំណើរការទំនើបកម្មវិស័យការពារជាតិរបស់កម្ពុជា។ ការផ្តល់ជូននេះ ក្នុងពេលពិធីប្រគល់-ទទួល ក្រោមការចូលរួមដោយលោក ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោក Vanlalvawna Bawitlung ឯកអគ្គរដ្ឋទូតឥណ្ឌាប្រចាំនៅកម្ពុជា នាថ្ងៃទី១៧ ខែកុម្ភៈ ឆ្នាំ២០២៥។

ប្រមុខរាជរដ្ឋាភិបាលកម្ពុជា សម្តេច ហ៊ុន ម៉ាណែត នៅថ្ងៃទី ១៩ កុម្ភៈនេះ បានប្រើប្រាស់សម្តីធ្ងន់ៗព្រមានទៅកាន់ក្រុមប្រឆាំងជ្រុលនិយមថៃ ដែលកំពុងធ្វើចលនាជំរុញឱ្យមានការចង់បំពានដល់ប្រទេសកម្ពុជា។ ការព្រមាននេះ គឺបន្ទាប់ពីរយៈពេលចុងក្រោយនេះ មានការផ្សព្វផ្សាយពីភាពតាន់តឹងតាមព្រំដែនតំបន់ប្រាសាទតាមាន់របស់កម្ពុជា។

បន្ទាប់ពីមេដឹកនាំអឺរ៉ុប បានជួបប្រជុំគ្នានៅទីក្រុងប៉ារីស កាលពីថ្ងៃចន្ទ គឺដល់ពេលមន្រ្តីជាន់​ខ្ពស់អាម៉េរិក និងរុស្ស៊ី ដែលដឹកនាំដោយប្រមុខការទូតរាងខ្លួន ត្រូវជួបគ្នានៅទីក្រុងរីយ៉ាដ ប្រទេសអារ៉ាប៊ី សាអ៊ូឌីត កាលពីថ្ងៃ​អង្គារ ទី១៨ ខែកុម្ភៈ ឆ្នាំ២០២៥។ គោលដៅ គឺបង្កើត និង​ស្តារ​​ទំនាក់ទំនង​ដែល​បានធ្លាក់​ចុះទាប​បំផុតរវាងប្រទេសទាំងពីរ​ចាប់តាំងពីមានការ​ឈ្លានពាន​​របស់​រុស្ស៊ីមក​លើ​​អ៊ុយក្រែន និង​ក៏ជាការ​ត្រៀម​​សម្រាប់​លទ្ធភាពនៃជំនួបកំពូលនៅ​ពេល​ក្រោយ រវាងលោក​ដូណាល់ ត្រាំ និង​លោក​វ្លាឌីមៀ ពូទីន។

យោងតាមសម្រង់ចុងក្រោយនៃវិទ្យាស្ថានអឺរ៉ុប កូពែនីគូស (Copernicus) បានឲ្យដឹងថា ខែ​មករា ឆ្នាំ២០២៥ គឺជាខែមករា ដែលក្តៅបំផុតដែលមិនដែលធ្លាប់បានកត់ត្រា នៅលើពិភព លោក។ ​ទន្ទឹមពេលគ្នានេះដែរ ទីភ្នាក់ងារទទួលបន្ទុកឧតុនិយមនៃអង្គការសហប្រជាជាតិ បាន​ឲ្យ​​ដឹង​ថា វានៅតែក្តៅ ទោះបីជាមានការវិល​ត្រឡប់នៃបាតុភូតអាកាសធាតុឡានីណា (La Nina ដែលអាកាស​ធាតុចុះ​ត្រជាក់​ជាងធម្មតា)។ ជាទូទៅ បាតុភូតឡានីណានេះ សីតុណ្ហភាព​មធ្យម​នៅលើផែនដី​ចុះ​ត្រជាក់ជាបណ្តោះអាសន្ន។

ឧត្តមស្នងការទទួលបន្ទុកជនភៀសខ្លួនអង្គការសហរប្រជាជាតិ (UNHCR) បាន​ព្រមានថា ស្ថានភាពកាន់តែយ៉ាប់យ៉ឺននៅសាធារណរដ្ឋប្រជាធិបតេយ្យកុងហ្គោភាគខាងកើតបានធ្វើឱ្យមនុស្សជាង ៣៥​ ម៉ឺន នាក់ផ្លាស់ទីលំនៅ។

វ៉ាទីកង់ញូវបានរាយការណ៍ថា មន្ត្រីជំនាញពន្ធរាប់សិបនាក់មកពីរដ្ឋាភិបាលជាតិ និងអង្គការអន្តរជាតិបានប្រមូលផ្តុំគ្នានៅបុរីវ៉ាទីកង់កាលពីសប្តាហ៍មុន នៅក្នុងកិច្ចប្រជុំដែលមានការសន្ទនាគ្នាកម្រិតខ្ពស់ស្តីពី "យុត្តិធម៌ពន្ធដារ និងសាមគ្គីភាព"។

អ្នកសង្កេតការណ៍អចិន្ត្រៃយ៍របស់សន្តអាសនៈ ប្រចាំអង្គការសហប្រជាជាតិ បានសង្កត់ធ្ងន់ថា សាមគ្គីភាព ការរួមបញ្ចូល និងសាមគ្គីភាពក្នុងសង្គម គឺវាអាចកើតមានឡើងតាមការសម្របសម្រួលនៅក្នុងគ្រួសារ ដូច្នេះហើយការរិះគិតអំពីគ្រួសារគឺចាំបាច់បំផុត។