ភាពចម្រុះបែបនៃវប្បធម៌អាស៊ីបានក្លាយជាចំណុចលេចធ្លោនៅថ្ងៃបើកសន្និបាតបេសកជនឌីជីថលនៅអាស៊ីលើកដំបូង ដោយមានអ្នកចូលរួមជាង១០០នាក់។
សន្និបាតរយៈពេល ៤ ថ្ងៃ ដែលប្រព្រឹត្តទៅចាប់ពីថ្ងៃទី ១០ ដល់ថ្ងៃទី ១៣ ខែកញ្ញា បានកំពុងតែរៀបចំក្រោមប្រធានបទ «ពីអ្នកមានឥទ្ធិពល ទៅជាសាក្សី សម្រាប់មាគ៌ានៃការរួមដំណើរជាមួយគ្នាដើម្បីបេសកកម្មឌីជីថលនៅអាស៊ី»។
ព្រឹត្តិការណ៍នេះរៀបចំឡើងដោយ វិទ្យុវើរីតាសអាស៊ី (Veritas Asia) ដោយសហការជាមួយការិយាល័យសភាលោកអភិបាលកាតូលិកអាស៊ី (FABC)សម្រាប់ប្រព័ន្ធផ្សព្វផ្សាយ។ កម្មវិធីនេះបានប្រមូលផ្តុំបេសកជនឌីជីថល អ្នកផ្សព្វផ្សាយ និង អ្នកមានឥទ្ធិពលក្នុងសង្គមមកពីជុំវិញអាស៊ី ដើម្បីរិះគិតពិភាក្សាអំពីបេសកកម្មឌីជីថល ការអប់រំបណ្តុះបណ្តាល ការសហការ និងការផ្សព្វផ្សាយដំណឹងល្អ។
កម្មវិធីនេះច្បាប់ផ្តើមជាមួយនឹងពិធីនិងការសម្តែងវប្បធម៌ ដើម្បីបង្ហាញពីភាពសុខដុមរមនានៃវប្បធម៌របស់ប្រជាពលរដ្ឋនៅក្នុងតំបន់។
ការសម្តែងនេះបានឆ្លុះបញ្ចាំងពីបទពិសោធន៍ផ្លាស់ប្តូរវប្បធម៌របស់យុវជនដែលជាអ្នកផ្សព្វផ្សាយសាសនា ខណៈពួកគេកំពុងទទួលការបណ្តុះបណ្តាលភាពជាអ្នកដឹកនាំនៅក្នុងជំនួបនេះ។ ដោយមកពីប្រវត្តិវប្បធម៌ផ្សេងៗគ្នា អ្នកចូលរួមនឹងរស់នៅ និងរៀនសូត្រជាមួយគ្នា ខណៈពេលដែលពួកគេត្រៀមខ្លួនសម្រាប់ការប្រកាសដំណឹងល្អក្នុងបរិបទអាស៊ីដ៏ចម្រុះនេះ៕
Daily Program
