សម្តេចប៉ាបហ្រ្វង់ស៊ីស្កូ បានអធិដ្ឋានចំពោះអំពើហិង្សាដែលបានកើតមានឡើងនៅស៊ូដង់ និង ភាគខាងជើងនៃប្រទេសម៉ូហ្សំប៊ិច។
វ៉ាទីកង់ញូវបានរាយការណ៍ថា ជុំវិញអំពើហិង្សានៅប្រទេសទាំងពីរជាពិសេសគឺការវាយប្រហារនៅលើព្រះវិហាកាតូលិក សម្តេចប៉ាបបានជំរុញអោយមេដឹកនាំពិភពលោក ជំរុញឲ្យមានផែនការសន្តិភាពនៅប្រទេសទាំងពីរ ។
សម្តេចប៉ាបបានមានបន្ទូលថា កន្លែងណាដែលការប្រយុទ្ធកើតឡើង ប្រជាពលរដ្ឋពិតនឿយហត់ និង រងទុក្ខខ្លាំងណាស់ដោយសង្គ្រាម ខណៈដែលជីវិតរបស់ពួកគេតែងតែគ្មានន័យ និងមិនអាចសន្និដ្ឋានបាន សូម្បីតែសេចក្តីស្លាប់ ។
សម្តេចប៉ាបបានមានបន្ទូលទៀតថា សង្រ្គាមគឺមានតែការបំផ្លិចបំផ្លាញប៉ុណ្ណោះ ហើយមិនអាចដោះស្រាយបញ្ហាបានឡើយ។
សម្តេចប៉ាបបានរំលឹកថា ១០ ខែបានកន្លងផុតទៅចាប់តាំងពីជម្លោះបានផ្ទុះឡើងនៅក្នុងប្រទេសស៊ូដង់ ដែលនាំឱ្យមានស្ថានភាពមនុស្សធម៌ធ្ងន់ធ្ងរ។
សម្តេចប៉ាប បានសោកស្ដាយចំពោះការផ្ទុះឡើងនូវអំពើហិង្សាប្រឆាំងនឹងប្រជាជនដែលគ្មានទីពឹង ការបំផ្លិចបំផ្លាញហេដ្ឋារចនាសម្ព័ន្ធ និងអសន្តិសុខដែលរីករាលដាល នៅតំបន់ កាបូ ដែលហ្គាដូ ( Cabo Delgado) នៅ ភាគខាងជើងនៃប្រទេសម៉ូហ្សំប៊ិក។
សម្តេចប៉ាបបានមានបន្អូលថា ទូលបង្គំជាខ្ញុំស្នើសុំឲ្យភាគីជម្លោះទាំងអស់បញ្ឈប់អំពើហិង្សាទាំងនេះ។ សូមឲ្យយើងអធិស្ឋានដើម្បីឲ្យព្រះជាម្ចាស់ព្រះអង្គបង្ហាញផ្លូវយើងទាំងអស់គ្នាទៅកាន់សន្តិភាព៕
Daily Program
