សម្តេចប៉ាបហ្រ្វង់ស៊ីស្កូនៅក្នុងខែកុម្ភៈនេះ បានបង្កើតនូវមជ្ឈមណ្ឌលឡូដាតូស៊ីសម្រាប់ការអប់រំជាន់ខ្ពស់ ដោយគម្រោងនេះមានគោលបំណងពង្រឹងការយកចិត្តទុកដាក់ពាក់ព័ន្ធនឹងការការពារក៏ដូចជាអភិរក្សប្រព័ន្ធអេកូឡូស៊ីពិភពលោក ។
តាមសេចក្តីរាយការណ៍បានឲ្យដឹងថា គម្រោងនេះដំណើរការនៅលើដីដែលមានទំហំរហូតដល់ទៅ ៥៥ ហិកតា នៅតំបន់ ខាស្តែល ហ្គានដុលហ្វូ (Castel Gandolfo)។
តាមសេចក្តីរាយការណ៍បានឲ្យដឹងថា នៅលើផ្ទៃដីនេះ គឺមាន ៣៥ ហិកតាគ្រោងនឹងរៀបចំជាសួនច្បារបៃតងដ៏ស្រស់ត្រកាល និង ១០ ហិកតាទៀតគឺផ្តោតសំខាន់នៅលើគម្រោងកសិកម្ម ចិញ្ចឹមសត្វ សាងសង់អគារសេវាកម្ម ផ្សេងៗ ហើយគ្រប់គម្រោងគឺផ្តោតនៅលើគុណភាពនៃស្តង់ដាបរិស្ថាន។
គម្រោងនេះនឹងត្រូវដំណើរការជាដំណាក់ៗ ហើយរំពឹងថា នឹងបញ្ចប់នៅក្នុងអំឡុងពេលនៃឆ្នាំអំណរសប្បាយ២០២៥ខាងមុខនេះ៕
Daily Program
