មនុស្សរាប់ពាន់នាក់បានធ្វើដំណើរទៅកាន់ផ្លូវនានានៃភាគពាយ័ព្យដែលកាន់កាប់ដោយក្រុមឧទ្ទាមនៅប្រទេសស៊ីរី ដើម្បីប្រារព្ធខួប ១៣ ឆ្នាំចាប់តាំងពីការតវ៉ាគាំទ្រលទ្ធិប្រជាធិបតេយ្យបានវាយលុកប្រទេស។
ការគាបសង្កត់យ៉ាងធ្ងន់ធ្ងរនៃការតវ៉ាឆ្នាំ ២០១១ ដែលបានចាប់ផ្តើមក្នុងអំឡុងពេលការបះបោរនៅនិទាឃរដូវអារ៉ាប់នៅមជ្ឈិមបូព៌ា បានបង្កឱ្យមានសង្រ្គាមស៊ីវិលដ៏ស្មុគស្មាញដែលទាក់ទាញមហាអំណាចបរទេស និងពួកជីហាដ។
សង្រ្គាមនេះបានឆក់យកជីវិតមនុស្សជាងកន្លះលាននាក់ និងធ្វើឲ្យមនុស្សជាច្រើនទៀតត្រូវភៀសខ្លួនទាំងក្នុង និងក្រៅប្រទេស។
មកដល់ពេលនេះស្ថានភាពសម្រាប់ប្រជាជនស៊ីរីជាច្រើនក្នុងប្រទេសនៅតែអស់សង្ឃឹម។ ជាក់ស្តែងរបាយការណ៍របស់អង្គការសហប្រជាជាតិនាពេលថ្មីៗនេះបានអះអាងថា ប្រជាជនចំនួន ជិត ១៧ លាននាក់នៅក្នុងប្រទេសត្រូវបានគេរំពឹងថា កំពុងត្រូវការជំនួយមនុស្សធម៌នៅឆ្នាំនេះ ដែលជាចំនួនមនុស្សដែលត្រូវការច្រើនជាងគេចាប់តាំងពីឆ្នាំ ២០១១។
ក្រៅពីសង្រ្គាម គ្រោះរញ្ជួយដីដ៏ខ្លាំងក្លាជាបន្តបន្ទាប់ បូកផ្សំនឹងផលប៉ះពាល់នៃសេដ្ឋកិច្ចពិភពលោក បានធ្វើឲ្យ មនុស្សរាប់លាននាក់ដែលជាពលរដ្ឋស៊ីរីត្រូវតស៊ូយ៉ាងលំបាកដើម្បីរស់៕
Daily Program
