លោកអគ្គអភិបាល វីសាល់ដាស កុលបូកាស (Visvaldas Kulbokas) ឯកអគ្គរាជទូតសន្តអាសនៈប្រចាំនៅអ៊ុយក្រែន បានមានប្រសាសន៍ថា ពន្លឺព្រះគ្រីស្តគឺនៅតែអាចបំភ្លឺគ្រីស្តបរិស័ទនៅក្នុងប្រទេសនេះទោះជានៅក្នុងអំឡុងពេលនៃសង្រ្គាម។
លោកអគ្គអភិបាលបានមានប្រសាសន៍នៅក្នុងបទសម្ភាសជាមួយនឹងវ៉ាទីកង់ញូវនៅពេលថ្មីៗនេះថា សង្រ្គាមនៅអ៊ុយក្រែនមិនស្រាកស្រាន្តឡើយសូម្បីតែនៅក្នុងអំឡុងពេលនៃការរៀបចំពិធីបុណ្យព្រះយេស៊ូប្រសូត្រនិងឆ្លងឆ្នាំថ្មី ប៉ុន្តែរស្មីនៃពន្លឺព្រះគ្រីស្តគឺនៅតែអាចបំភ្លឺគ្រីស្តបរិស័ទនៅក្នុងប្រទេសនេះបាន។
លោកបានបន្តថា នៅពេលដែលគ្រីស្តបរិស័ទនៅក្នុងប្រទេសអ៊ុយក្រែនកំពុងតែរៀបចំអំណរសប្បាយបុណ្យព្រះយេស៊ូប្រសូត្រ សម្លេងសឺរ៉ែនជាការជូនដំណឹងអំពីការវាយប្រហារដោយមីស៊ីលរបស់រុស្ស៊ីបានបន្លឺឡើង។
លោកបានបន្តទៀតថា រុស្ស៊ីបានបន្តវាយប្រហារលើហេដ្ឋារចនាសម្ព័ន្ធជនស៊ីវិលហើយភាពងងឹតនៅតែកើតមាននៅទីក្រុងមួយចំនូន ដែលរុស្ស៊ីបានវាយប្រហារដោយរួមទាំងទីក្រុងគៀវ និងខាគៀវ ប៉ុន្តែពន្លឺនៃអង្គព្រះគ្រីស្តគឺនៅតែអាចរះបំភ្លឺនៃភាពងងឹតនេះ ហើយពលរដ្ឋនៅក្នុងប្រទេសទាំងនេះគឺមិនមានអ្នកណាលើកឡើងនូវភាពភ័យខ្លាចឡើយ។
លោកបានមានប្រសាសន៍ថា ពួកគេនៅតែមានជំនឿលើព្រះជាម្ចាស់ ដូចដេល ព្រះយេស៊ូទ្រង់បានមានបន្ទូលថា មនុស្សជាតិសូមកុំស្វែងរកសេចក្ដីសុខក្នុងពិភពលោកនេះ ព្រោះលោកីយ៍នៅលើលើពិតជាមិនអាចផ្ដល់សេចក្តីសុខតាមការអធិដ្ឋាន បានឡើយ ប៉ុន្តែមនុស្សជាតិអាចនឹងស្វែងរកសន្តិភាពនៅក្នុងព្រះហស្ថទាំងទ្វេររបស់ទ្រង់ ។
នៅក្នុងបទសំភាសន៍នោះ លោកអគ្គអភិបាលបានមានប្រសាសន៍អំពីទំនាក់ទំនង និងការប្តេ ជ្ញាចិត្តនៅក្នុងការស្វះស្វែងរកសន្តិភាពរបស់សន្តអាសនៈនៅក្នុងប្រទេសអ៊ុយក្រែន៕
Daily Program
