អ្នកភូមិប្រហែល ១៧០ នាក់ត្រូវសម្លាប់នៅប្រទេសបូគីណា ហ្វាសូ

មនុស្សប្រហែល ១៧០នាក់ត្រូវបានគេរាយការណ៍ថាបានត្រូវគេសម្លាប់យ៉ាងរង្គាលដោយពួកអ្នកបះបោរនៅប្រទេសបួគីណា ហ្វាសូ ( Burkina Faso) នៅអាហ្វ្រិក។

វ៉ាទីកង់ញូវបានរាយការណ៍ថា ករណីនេះបានកើតមានឡើងនៅពេលដែលក្រុមប្រដាប់អាវុធ​បានចូលទៅវាយប្រហារដោយគ្មានរើសមុខរួមទាំងស្រ្តីនិងកុមារនៅក្នុងភូមិចំនួន ៣ កាលពីចុងសប្តាហ៍កន្លងទៅ។​

រដ្ឋអាជ្ញាសាធារណៈបានរាយការណ៍ពីការសម្លាប់នេះ ហើយបានអំពាវនាវឱ្យសាក្សីជួយស្វែងរកអ្នកដែ​លវាយប្រហារដែលកើតមានឡើងនៅក្នុងភូមិ កុំស៊ីហ្គា ( Komsilga) ភូមិ ណ័ឌីន (Nordin) និង ភូមិ សូរ៉ូ ( Soro)។

មកដល់ពេលនេះ គេ​មិន​ដឹង​ថា​ក្រុម​ណា​នៅ​ពី​ក្រោយ​ការ​វាយ​ប្រហារ​នោះ​ទេ ដោយឡែក​មេទ័ព​នៅប្រ​ទេសនេះបាន​ព្រមាន​ពី​ការកើនឡើងនូវ​ហានិភ័យ​នៃ​ការ​វាយប្រហារ​ដោយ​ក្រុម​សកម្មប្រយុទ្ធ​​រួមទាំង​ការវាយប្រហារ​លើ ​ទីក្រុង​ផងដែរ​។

កងទ័ពរបស់ប្រទេសនេះបានដណ្តើមអំណាចនៅឆ្នាំ ២ឥ២២ ប៉ុន្តែច្រើនជាងមួយភាគបីនៃប្រទេស ត្រូវបានគ្រប់គ្រងដោយពួកបះបោរ៕