អ្នកប្រវតិ្តសាស្រ្តជាអ្នកជំនាញ និងជាអ្នកបំរើរបស់មនុស្សជាតិ

នៅពេលសម្តេចប៉ាបហ្រ្វង់ស៊ីស្កូទទួលសមាជិកនៃគណៈកម្មាធិការវិទ្យាសាស្ត្រសង្គមរបស់សន្តអសនៈក្នុងខួបលើកទី ៧០ នៃការបង្កើតគណៈកម្មាធិការនេះ ទ្រង់បានមានបន្ទូលថា អ្នកប្រ​វត្តិសាស្រ្តគឺជាអ្នកជំនាញនិងជាអ្នកបំរើសេចក្តីពិតរបស់មនុស្សជាតិ។​

សម្តេចប៉ាបបានមានបន្ទូលថា ប្រវត្តិវិទូមានការរួមចំណែកជាក់លាក់ ក្នុងការសន្ទនារវាងព្រះស​ហគមន៍ និងពិភពលោកទំនើប ហើយពិតជាបានបង្កើតផលប្រយោជន៍ជាច្រើនសម្រាប់ ម​នុស្សជាតិ។

សម្តេចប៉ាបបានមានបន្ទូលទៀតថា វិមាត្រអន្តរជាតិ និងថាមវន្តពហុវប្បធម៌គឺតែងតែត្រូវបានកត់ត្រាដោយអ្នកប្រវត្តិសាស្រ្ត។​ ទ្រង់បានសង្កត់ធ្ងន់ថា ៖ «ការប្តេជ្ញាចិត្តរបស់ប្រវត្តិវិទូក្នុងការស្វែងរកការពិតប្រវត្តិសាស្រ្តគឺជាការដាក់កម្រិតនូវមាត្រដ្ឋានពិភពលោកមួយ»។

នៅក្នុងឱកាសនោះនៅក្នុងនាមជាអភិបាលនៃព្រះសហគមន៍ក្រុងរ៉ូម សម្តេចប៉ាបបានមានប​ន្ទូលលើកកំពស់ឲ្យពង្រឹងគណៈកម្មការវិទ្យាសាស្រ្តសង្គមរបស់សន្តអាសនៈដើម្បីអោយគណកម្មការ អាចរួមចំណែកដល់ «ការទូតវប្បធម៌» ដែលជាកត្តាដ៏ចាំបាច់ក្នុងការប្រឈមមុខនឹងជ​ម្លោះពិភពលោកដែលកំពុងបន្ត ហើយបានអំពាវនាវដល់សមាជិកនៃគណកម្មការនោះឱ្យ «បើ​កទូលាយការសន្ទនា ដែលអាចនាំពន្លឺក្តីសង្ឃឹមនៃដំណឹងល្អ»។

សម្តេច​ប៉ាប បាន​គូសបញ្ជាក់​ពី «ភាព​ជិត​ស្និទ្ធ» ដែល​មាន​រវាង​អ្នក​ប្រវត្តិសាស្ត្រ និង​ព្រះសហគមន៍ដោយលើកឡើងថា ទំនាក់ទំនងនេះ ជា​ភាព​ស្និទ្ធស្នាល​មួយ​ដែល​ផ្អែក​លើ​ការ​ស្វែងរក​ទូ​ទៅ​សម្រាប់​សេចក្ដីពិត និង​ការបម្រើ​ដល់​សេចក្ដីពិត៕