មេដឹកនាំអ៊ុយក្រែន និងលោកខាងលិចបានស្វាគមន៍កញ្ចប់ជំនួយយោធាដែលត្រូវការជាចាំបាច់សម្រាប់អ៊ុយក្រែន ដែលអនុម័តដោយសភាតំណាងរាស្រ្តអាមេរិក បន្ទាប់ពីមានការព្រួយបារម្ភកាន់តែខ្លាំងថា ប្រទេសនេះអាចចាញ់សង្រ្គាមជាមួយរុស្ស៊ី។
បន្ថែមពីលើជំនួយយោធាដែលមានតម្លៃ ៦១ ពាន់លានដុល្លារសម្រាប់អ៊ុយក្រែន សភាបានអនុម័តផ្នែកនៃកញ្ចប់ជំនួយបរទេសទូលំទូលាយដែលរួមបញ្ចូលប្រហែលតម្ល ៣៤ ពាន់លានដុល្លារសម្រាប់អ៊ីស្រាអែល និងសម្ព័ន្ធមិត្តផ្សេងទៀត បើទោះបីជាទីក្រុងម៉ូស្គូបានព្រមានថា កញ្ចប់ជំនួយនេះនឹងធ្វើឱ្យជម្លោះប្រដាប់អាវុធកាន់តែកើនឡើងក៏ដោយ។
ប្រធានាធិបតីអ៊ុយក្រែនលោក វូឡូឌីមៀ ហ្សាឡេនស្គី បានព្រមានថា ប្រទេសរបស់លោកនឹងចាញ់សង្រ្គាមបើគ្មានជំនួយពីសហរដ្ឋអាមេរិក។ លោកបាននិយាយថា លោកមានអំណរគុណចំពោះការសម្រេចចិត្តរបស់សមាជិកសភាអាមេរិក។
លោកបាននិយាយថា បានសរសេរនៅលើ ប្រព័ន្ធផ្សព្វផ្សាយសង្គម X ថា ៖ «អាមេរិកបានបង្ហាញពីភាពជាអ្នកដឹកនាំរបស់ខ្លួនចាប់តាំងពីថ្ងៃដំបូងនៃសង្រ្គាមនេះ»។ លោកបានបន្ថែមថា ៖ «ប្រភេទនៃការដឹកនាំនេះត្រូវបានទាមទារដើម្បីរក្សាសណ្តាប់ធ្នាប់អន្តរជាតិដែលផ្អែកលើច្បាប់ និងការព្យាករណ៍សម្រាប់ប្រជាជាតិទាំងអស់»៕
Daily Program
