សាសនៈទូតកាតូលិក២០រូបត្រូវបានគេធ្វើឃាតនៅក្នុងឆ្នាំ២០២៣

តាមសេចក្តីរាយការណ៍របស់ទីភ្នាក់ងារព័ត៌មានហ្វីដេស ញូវ បានឲ្យដឹងថា នៅក្នុងឆ្នាំ២០២៣នេះ មានសាសនៈទូតសរុប២០​រូប នៅក្នុងនោះ នៅអាស៊ី ៤រូបបានត្រូវគេធ្វើឃាដ នៅក្នុងបុព្វហេតុនៃជំនឿ ។

ប្រភពដដែលបានរាយការណ៍ថា នៅក្នុងចំណោមសាសនៈទូតទាំងនោះ គឺមានលោកអភិបា​លព្រះសហគមន៍ម្នាក់ លោកបូជាចារ្យ ៨ នាក់ អ្នកបម្រើអាសនៈ២នាក់ និស្សិតទេវវិទ្យាល័យ​ម្នាក់ អ្នកដែលស្ម័គ្រចិត្តចូលរៀនអប់រំជំនឿម្នាក់ និងគ្រហស្ថជាកាតូលិក ៧ នាក់។

ប្រភពដដែលបានបន្តថា សាសនៈទូតមកពីអាស៊ីដែលត្រូវបានគេធ្វើឃាដនោះគេដឹងថា គឺជានិស្សិតកាតូលិកជនជាតិហ្វីលីពីនដែលបានស្លាប់នៅក្នុងការវាយប្រហារដោយគ្រាប់បែកនៃសា​កលវិទ្យាល័យមួយនៅក្នុងទីក្រុង ម៉ារ៉ាវី  ដែលពួកគេគឺជាអ្នកស្ម័គ្រចិត្តផលិតវីដេអូគំនូរជីវចលអប់រំជំនឿសម្រាប់សាលានៅតាមព្រះសហគមន៍។

ប្រភពដដែលបានបន្តទៀតថា ដោយឡែកសាសនៈទូតមកពីអាស៊ីពីររូបទៀតគឺ នៅហ្គាហ្សា ដែលត្រូវបានសម្លាប់ដោយខ្មាន់កាំភ្លើងបាញស៊ីប ខណៈដែលពូកគេកំពុងតែធ្វើដំណើរទៅមណ្ឌលសកម្មភាពបងស្រីមួយ ខណៈដែលពួកគេកំពុងតែបម្រើជនក្រីក្រនិងជនពិការនៅក្នុងមណ្ឌល។

ក្រៅពីនោះសាសនៈទូតដែលរងគ្រោះផ្សេងទៀតគឺសុទ្ធតែនៅអាហ្រ្វិក ដូចជានៅប្រទេសនី ហ្សេរីយ៉ា តង់ហ្សានី កាមេរូន ជាដើម៕