សម្តេចប៉ាបអធិដ្ឋានសម្រាប់អស់អ្នកបាត់បង់ជីវិតនៅក្នុងសង្រ្គាម

វ៉ាទីកង់ញូវបានរាយការណ៍ថា កាលពីពេលថ្មីៗនេះសម្តេចប៉ាបហ្រ្វង់ស៊ីស្កូបានអធិដ្ឋានជូន អ​ស់​អ្នកដែលបានបាត់បង់ជីវិតនៅក្នុងភ្នក់ភ្លើងនៃសង្រ្គាម។

ប្រភពដដែលនោះបានបន្តថា សម្តេចប៉ាបបាន រំលឹកឡើងវិញនូវទាហានអ៊ុយក្រែនម្នាក់ដែលបានស្លាប់នៅត្រឹមវ័យ២៣ឆ្នាំ ហើយនៅពេលនោះទ្រង់បានកាន់ផ្កាកុលាប ហើយបានបង្ហាញអំពីហឫទ័យនៅក្នុងការប្រកាសដំណឹងល្អជាចុងក្រោយដល់ទាហានដ៏វ័យក្មេងនេះ។

សម្តេចប៉ាបបានមានបន្ទូលថា ៖ «នៅក្នុងដៃរបស់ទូលបង្គំជាខ្ញុំ ខ្ញុំកាន់ផ្កាកុលាប និងព្រះគម្ពីរដំ​ណឹងល្អ ដែលបន្សល់ទុកដោយទាហានម្នាក់ដែលបានស្លាប់ក្នុងសង្រ្គាម។ យុវជននេះមានឈ្មោះ​ជាយុវទាហានដែលមាន អាយុត្រឹម ២៣ ឆ្នាំ»។

សម្តេចប៉ាប បានចែករំលែកព័ត៌មានលំអិតនេះ មុនពេលទ្រង់បញ្ចប់កម្មវិធីអប់រំជំនឿប្រចាំសប្តាហ៍កន្លងទៅថ្មីៗនេះ  ខណៈដែលទ្រង់ ចងចាំអ្នកស្លាប់រាប់មិនអស់នៅក្នុងសង្គ្រាមរុស្ស៊ីនៅអ៊ុយក្រែន។

សម្តេច​ប៉ាប​បាន​មានបន្ទូល​ថា​ យុវទាហានរូបនោះ​បាន​បន្សល់​ទុក​ជីវិត​មួយ​ ដោយ​លាតត្រ​ដាង​ថា «​នេះ​ជា​កម្រងផ្កា​និង​គម្ពីរ​សញ្ញា​ថ្មី​របស់​គាត់ ដែល​គាត់​អាន និង​ជា​មួយ​នឹង​ការ​អធិស្ឋាន​»​។

សម្តេចប៉ាប បានសង្កត់ធ្ងន់ជាថ្មី ថា «សង្រ្គាមតែងតែបំផ្លាញ ។ ចូរ​យើង​គិត​អំពី​ពួក​គេ ហើយ​អធិស្ឋានសុំសន្តិភាព»៕