សន្តអសនៈបានបង្ហាញនូវជំហរគាំទ្រនិងត្រៀមខ្លួនចូលរួមប្រសិនបើមានសន្និសីទស្តីអំពសន្តិភាពនៅអ៊ុយក្រែនត្រូវបានរៀបចំឡើងជាថ្មីម្តងទៀតមែននោះ ។
លោកកាឌីណាល់ ព្យែត្រូ ផារ៉ូលីន (Pietro Parolin) នាយករដ្ឋមន្រ្តីនៃសន្តអសនៈបានបញ្ជាក់បញ្ជាក់នៅពេលថ្មីៗនេះថា សន្តអសនៈនឹងចូលរួមសន្និសីទសន្តិភាពអ៊ុយក្រែនជាថ្មីម្តងទៀត ដូចដែលបានចូលរួម២ដងរួចមកហើយនោះ ជាពិសេសគឺដូចជាការចូលរួមកាលពីពេលដែលអារ៉ាប់ប៊ីសាអូឌីតធ្វើជាម្ចាស់ផ្ទះ ។
ថ្មីៗនេះនៅវេទិកាសេដ្ឋកិច្ចពិភពលោក លោក វោឡូឌីមៀ ហ្សាឡេនស្គី ប្រធានាធិបតីអ៊ុយក្រែន បានស្នើលើកឡើងនូវសន្និសីទសន្តិភាពកម្រិតខ្ពស់មួយសម្រាប់អ៊ុយក្រែន។
ចំពោះបញ្ហានេះ លោកកាឌីណាល់ក៏បានមានប្រសាសន៍លើកឡើងអំពីកិច្ចខិតខំប្រឹងប្រែងរបស់សន្តអសនៈនៅក្នុងការស្វែងរកសន្តិភាព និងដំណោះស្រាយមនុស្សជាតិនៅប្រទេសនេះ ។
លោកបានមានប្រសាសន៍ថា “យើងបានកំណត់ខ្លួនយើងយ៉ាងហោចណាស់មកទល់ពេលនេះ យើងបានធ្វើកិច្ចការមនុស្សធម៌ជាច្រើន ”។
លោកកាឌីណាល់បានមានប្រសាសន៍បន្ថែមថា ចំនុចមួយក្នុងចំណោមចំនុចទាំងដប់នៃវេទិកាសន្តិភាពរបស់ លោក ហ្សាឡេនស្គី ទាក់ទងនឹងបញ្ហាមនុស្សធម៌ គឺជាចំនុច ដែល សន្តអសនៈបានផ្តោតការខិតខំប្រឹងប្រែងរបស់ខ្លួនយ៉ាងខ្លាំងកន្លងមកនេះ។
Daily Program
