រាជរដ្ឋាភិបាលសម្រេច​ឱ្យក្រសួងការពារជាតិ ជ្រើសរើសពលទាហានថ្មី ជាង ១៧០០ ​នាក់ទៀត

​រាជរដ្ឋាភិបាលកម្ពុជា បាន​ចេញ​សេចក្តី​សម្រេច​ស្តីពីការជ្រើសរើស​ពលទាហានថ្មី ចំនួន ១ ៧៤១ នាក់បន្ថែមទៀត​ ដើម្បី​​បំពេញ​ក្របខ័ណ្ឌ​ឱ្យ​កងឯកភាព​នានា​។ នេះបើយោងតាម​សេចក្តីសម្រេចដែលចុះហត្ថលេខាដោយ សម្តេចមហាបវរធិបតី ហ៊ុន ម៉ាណែត ថ្ងៃទី​៣០ ខែមេសា ឆ្នាំ​២០២៤។

សេចក្តីសម្រេចបាន​លើកឡើងថា ​ពលទាហាន​ថ្មីដែល​នឹងត្រូវ​ជ្រើសរើស រួមមាន៖ កងពលតូច​លេខ៧០ កងទ័ពជើងគោក ចំនួន​២០០នាក់, បញ្ជាការដ្ឋាន​កងរាជអាវុធហត្ថ​លើផ្ទៃប្រទេសចំនួន ១ពាន់នាក់, បញ្ជាការដ្ឋាន​វិស្វកម្ម អគ្គបញ្ជាការដ្ឋាន ចំនួន​៣០០ នាក់ និង​បញ្ជាការដ្ឋាន​ការពារអាកាស អគ្គបញ្ជាការដ្ឋាន ចំនួន ២៤១ នាក់។

សម្តេចធិបតីបញ្ជាក់ថា ៖ «​រដ្ឋមន្រ្តី​ទទួលបន្ទុក​ទីស្តីការគណៈរដ្ឋមន្រ្តី រដ្ឋមន្រ្តីក្រសួង​ការពារជាតិ រដ្ឋមន្រ្តីក្រសួង​សេដ្ឋកិច្ច និង​ហិរញ្ញវត្ថុ អគ្គមេបញ្ជាការមៃកងយោធពល​ខេមរភូមិន្ទ រដ្ឋមន្ត្រីគ្រប់ក្រសួង​ និង​ប្រធានគ្រប់ស្ថាប័ន​ដែលពាក់ព័ន្ធ​ ត្រូវ​អនុវត្តសេចក្តីសម្រេចនេះ ចាប់ពី​ថ្ងៃចុះហត្ថលេខាតទៅ»៕