តំណាងជាន់ខ្ពស់របស់សន្តអាសនៈប្រចាំនៅអង្គការសហប្រជាជាតិបានថ្លែងថា យុវជនជនជាតិដើមភាគតិចគឺជាអ្នកដែលកំពុងតែថែរក្សា និងអភិរក្សវប្បធម៌និងប្រពៃណីដ៏សកម្ម។
នៅក្នុងសេចក្តីថ្លែងការណ៍ដែលថ្លែងទៅកាន់វេទិកាអចិន្ត្រៃយ៍របស់អង្គការសហប្រជាជាតិស្តីពីបញ្ហាជនជាតិដើមក្នុងសម័យប្រជុំលើកទី ២៣ នៅទីក្រុងញូវយ៉កកាលពីសប្តាហ៍មុន លោក អគ្គអភិបាល ហ្គាប្រ៊ីអែល កាហ្សា (Gabriele Caccia )អ្នកសង្កេតការណ៍អចិន្ត្រៃយ៍នៃ សន្តអាសនៈបានថ្លែងទៅកាន់អង្គការសហប្រជាជាតិ អំពីសារៈសំខាន់នៃការគាំទ្រជនជាតិដើមភាគតិច ជាពិសេសយុវជន។
នៅក្នុងកិច្ចប្រជុំដែលគេផ្តោតសំខាន់នៅលើ“ការលើកកម្ពស់សិទ្ធិជនជាតិដើមភាគតិចក្នុងការសម្រេចដោយខ្លួនឯងក្នុងបរិបទនៃសេចក្តីថ្លៃងការណ៍ របស់អង្គការសហប្រជាជាតិស្តីពីសិទ្ធិជនជាតិដើមភាគតិច ៖ «ការសង្កត់ធ្ងន់លើសម្លេងរបស់យុវជនជនជាតិដើមភាគតិច» លោកអគ្គអភិបាលបានទទួលស្គាល់ការងាររបស់វេទិកាអចិន្ត្រៃយ៍ស្តីពីបញ្ហាជនជាតិដើម។
លោកអគ្គអភិបានក៏បានបន្តផ្តល់ជូននូវ «ការឆ្លុះបញ្ចាំងមួយចំនួនលើប្រធានបទអាទិភាពឆ្នាំនេះ»។
លោកអគ្គអភិបាល បានពិពណ៌នាអំពីសារៈសំខាន់នៃការទទួលស្គាល់ «តួនាទីរបស់យុវជនជនជាតិដើមភាគតិចជាអ្នកថែរក្សាវប្បធម៌របស់ពួកគេនាពេលបច្ចុប្បន្ន និងអនាគត»។
លោកបានពន្យល់ថា សម្តេចប៉ាបតែងតែ លើកទឹកចិត្តយុវជនជនជាតិដើមភាគតិចឱ្យរក្សាវប្បធម៌ និងឫសគល់របស់ពួកគេ ដោយប្រយុទ្ធប្រឆាំងនឹងការរើសអើង ការខ្ជះខ្ជាយ និងភាពក្រីក្រ ដើម្បីកសាងពិភពលោកដ៏យុត្តិធម៌ និងមនុស្សធម៌៕
Daily Program
