មេដឹកនាំអាហ្វ្រិកកំពុងជំរុញឱ្យប្រទេសអ្នកមាន បង្កើនការគាំទ្រផ្នែកហិរញ្ញវត្ថុដល់គំនិតផ្តួចផ្តើមដ៏សំខាន់របស់ធនាគារពិភពលោកដែលផ្តល់ប្រាក់កម្ចីដែលមានការប្រាក់ទាប ដើម្បីជួយប្រទេសកំពុងអភិវឌ្ឍន៍ដោះស្រាយបញ្ហាប្រឈមសំខាន់ៗដែលរងគ្រោះដោយសារការប្រែប្រួលអាកាសធាតុ និងវិសមភាពសេដ្ឋកិច្ចសង្គម។
មេដឹកនាំអាហ្វ្រិកកំពុងអង្វរសុំ ឱ្យប្រទេសអ្នកមាន បង្កើនការគាំទ្រផ្នែកហិរញ្ញវត្ថុ សម្រាប់គំនិតផ្តួចផ្តើមនេះខណៈដែលពួកគេកំពុងតែរងគ្រោះដោយធម្មជាតិនិងបម្រែបម្រួលអាកាសធាតុកាន់តែធ្ងន់ធ្ងរ។
គំនិតផ្តួចផ្តើមដែលជាចំណុចស្នូលនៃការអំពាវនាវរបស់ពួកគេកាលពីថ្ងៃចន្ទ ត្រូវបានរៀបចំឡើងដើម្បីផ្តល់ប្រាក់កម្ចីដែលមានការប្រាក់ទាប ដើម្បីជួយដល់ប្រទេសកំពុងអភិវឌ្ឍន៍។ ការអំពាវនាវរបស់ពួកគេបានគូសបញ្ជាក់ពីតួនាទីសំខាន់នៃសាមគ្គីភាពអន្តរជាតិក្នុងការដោះស្រាយបញ្ហាប្រឈមសំខាន់ៗ ហើយក្នុងករណីនេះ ជាពិសេសការប្រែប្រួលអាកាសធាតុ។
អស់ជាច្រើនទសវត្សរ៍មកហើយ ដែលធនាគារពិភពលោកបានបម្រើជាខ្សែជីវិតសម្រាប់ប្រទេសក្រីក្រ ដោយពង្រីកការគាំទ្រសម្រាប់គម្រោងអភិវឌ្ឍន៍នៅទូទាំងពិភពលោក។ ទោះជាយ៉ាងណាក៏ដោយ នៅពេលដែលវិបត្តិអាកាសធាតុកាន់តែអាក្រក់ទៅៗ ហើយជាមួយនឹងភាពខុសគ្នានៃទ្រព្យសម្បត្តិ តម្រូវការសម្រាប់មូលនិធិបានក្លាយជារឿងបន្ទាន់កាន់តែខ្លាំងឡើង។
ប្រធានាធិបតីកេនយ៉ា លោក វីលៀម រូតូ (William Ruto) បាននិយាយនៅក្នុងកិច្ចប្រជុំមួយរបស់មេដឹកនាំអាហ្វ្រិក និងធនាគារពិភពលោកថា ៖ «យើងសូមអំពាវនាវឱ្យដៃគូរបស់យើងចូលរួមជាមួយយើងក្នុងឱកាសជាប្រវត្តិសាស្ត្រនៃសាមគ្គីភាព និងឆ្លើយតបប្រកបដោយប្រសិទ្ធភាពដោយការបង្កើនការរួមចំណែករបស់ពួកគេចំពោះ កម្មវិធីនៅអាហ្រ្វិក»៕
Daily Program
