ពេលដែលព្រះសហគមន៍កាតូលិកនៅអាស៊ីកំពុងរៀបចំសម្រាប់កិច្ចប្រជុំពេញអង្គលើកទី ១២ នៃសហព័ន្ធអន្តរសភាលោកអភិបាលព្រះសហគមន៍កាតូលិកអាស៊ី (FABC) លោកកាឌីណាល់ ហ្វីលីព ណេរី ហ្វឺរ៉ាវ (Filipe Neri Ferrão) ប្រធាន FABC និងជាអគ្គអភិបាលនៃព្រះសហគមន៍កាតូលិកភូមិភាគហ្គាងនិងដាម៉ាវ (Goa and Damão) នៅភាគខាងលិចប្រទេសឥណ្ឌា បានចែករំលែកចក្ខុវិស័យរបស់លោកសម្រាប់ព្រះសហគមន៍ថា នេះជាព្រឹត្តិការណ៍ដែលនឹងប្រមូលផ្តុំលោកអភិបាលព្រះសហគមន៍កាតូលិកមកពីទូទាំងទ្វីប ដើម្បីឆ្លុះបញ្ចាំងពីបេសកកម្មរបស់ព្រះសហគមន៍ ក្នុងចំណោមការពិតនៃសង្គម វប្បធម៌ សេដ្ឋកិច្ច និងសាសនាដែលកំពុងផ្លាស់ប្តូរយ៉ាងឆាប់រហ័សរបស់អាស៊ី។
លោកកាឌីណាល់បានលើកឡើងថា ដោយសារការពិតដែលកំពុងផ្លាស់ប្តូរយ៉ាងឆាប់រហ័សនៅអាស៊ី និងពិភពលោកទាំងមូល ដែលត្រូវបានសម្គាល់ដោយការផ្លាស់ប្តូរវប្បធម៌ ការធ្វើចំណាកស្រុក វិសមភាពសេដ្ឋកិច្ច វិបត្តិបរិស្ថាន និងភាពចម្រុះខាងសាសនា ព្រះសហគមន៍កាតូលិកនៅអាស៊ីត្រូវបានអំពាវនាវឱ្យលើកកម្ពស់សន្តិភាព ភាពសុខដុមរមនា និងការសន្ទនា។
លោកបានបន្តថា ដោយមានមូលដ្ឋានលើចំណុចនេះ ព្រះសហគមន៍ដែលជាកន្លែងសម្រាប់ការជួបជុំ និងការផ្សះផ្សា យើងកំពុងតែខិតខំធ្វើជាស្ពាន និងជាអ្នកសាងសង់ស្ពាន ដោយពង្រឹងទំនាក់ទំនងរវាងប្រជាជន វប្បធម៌ សាសនា និងប្រជាជាតិនានានៅទូទាំងអាស៊ី ហើយយើងក៏កំពុងតែធ្វើជាសាក្សីនៃក្តីសង្ឃឹម និងឯកភាពរបស់មនុស្សជាតិនៅអាស៊ីផងដែរ។
Daily Program
