ចាប់តាំងពីជ័យជម្នះរបស់លោកនៅការបោះឆ្នោតប្រធានាធិបតីអាម៉េរិក លោកដូណាល់ ត្រាំ បង្កើនការអំពាវនាវពាក់ព័ន្ធនឹងសង្រ្គាមនៅអ៊ុយក្រែន។ កាសែត វ៉ាស៊ីនតុន ប៉ុស្ត Washington Post ក៏បានរាយការណ៍អំពីការផ្លាស់ប្តូរកិច្ចសន្ទនារវាងលោកដូណាល់ត្រាំជាមួយប្រធានាធិបតីរុស្ស៊ី លោកវ្ល៉ាឌីមៀ ពូទីន ពីរថ្ងៃបន្ទាប់ពីការបោះឆ្នោត។
យោងតាមប្រភពអនាមិកដែលលើកឡើងដោយកាសែតប្រចាំថ្ងៃនេះ បានឲ្យដឹងថា ប្រធានាធិបតីសាធារណរដ្ឋ បានសុំឲ្យមេដឹកនាំរុស្ស៊ីកុំឲ្យបង្កើនឡើងនូវភាពតានតឹង។ អ្នកនាំពាក្យនៃក្រុមផ្ទេរអំណាចប្រធានាធិបតីដែលជាប់ឆ្នោត បានថ្លែងក្នុងសេចក្តី ប្រកាសមួយ ដោយមិនធ្វើអធិប្បាយនូវការហៅទូរសព្ទឯកជននានារវាងប្រធានាធិបតីត្រាំ និងមេដឹកនាំដទៃៗ ទៀតនោះទេ។
ចំណែកវិមានក្រឹមឡាំង ធ្លាប់បានវាយតម្លៃកាលពីមុនថា ប្រធានាធិបតីសាធារណរដ្ឋ បានបញ្ជូនសញ្ញាវិជ្ជមានកាលពីយុទ្ធនាការបោះឆ្នោត ពាក់ព័ន្ធនឹងជម្លោះ ពីព្រោះលោកបានលើកឡើងអំពីលទ្ធភាពនៃសន្តិភាព និងមិនបានបង្ហាញនូវឆន្ទៈក្នុងការកសាងកំហុសសម្រាប់ឲ្យរុស្ស៊ី ដែលអាចនឹងបរាជ័យជាយុទ្ធសាស្រ្ត។
យោងតាមកាសែត វ៉ាស៊ីនតុន ប៉ុស្ត លោកដូណាល់ ត្រាំ និងលោកវ្លាឌីមៀ ពូទីន បានពិភាក្សាអំពីគោលដៅនៃសន្តិភាពនៅទ្វីបអឺរ៉ុប ហើយលោកដូណាល់ ត្រាំ បាននិយាយសង្ឃឹមថា អាចមានកិច្ចសន្ទនាបន្តទៀត ដើម្បីពិភាក្សាអំពីដំណោះស្រាយនៃសង្រ្គាមនៅអ៊ុយក្រែនឆាប់ៗ។
នេះគឺជាកិច្ចសន្ទនាលើកទី១តាមទូរសព្ទ រវាងបុគ្គលទាំងពីរ ចាប់តាំងពីមហាសេដ្ឋីពាន់លាន បានឈ្នះការបោះឆ្នោតប្រធានាធិបតីអាម៉េរិក កាលពីថ្ងៃអង្គារមុន។ លោកដូណាល់ ត្រាំ ក៏បានហៅទូរសព្ទផងដែរទៅកាន់លោកវ្លាឌីមៀ ពូទីន ប្រាប់អំពីវត្តមានដ៏សម្បើមនៃយោធាអាម៉េរិកប្រចាំនៅទ្វីបអឺរ៉ុបផងដែរ។
ដោយរិះគន់យ៉ាងខ្លាំងលើលុយ រាប់ពាន់លានដុល្លារដែលផ្តល់ឲ្យអ៊ុយក្រែន លោកដូណាល់ ត្រាំ ក៏បានសន្ទនាជាមួយលោកវ៉ូឡូឌីមៀ ហ្សេឡេនស្គី ផងដែរ។ នេះគឺជាការផ្លាស់ប្តូរកិច្ចសន្ទនា ដែលមានការចូលរួមពីលោកអេឡុន មូស្ក៍ ដែលជាមហាសេដ្ឋីពាន់លានម្នាក់ទៀត។ប្រធានាធិបតីអ៊ុយក្រែនធ្លាប់បានវាយតម្លៃអំពីការសន្ទនាតាមទូរសព្ទថា ល្អប្រសើរខ្លាំង និងព្រមព្រៀងរក្សាកិច្ចសន្ទនាជិតស្និទ្ធជាមួយលោកដូណាល់ ត្រាំ។ ប៉ុន្តែយោងតាមប្រភពពីមន្រ្តីជាន់ខ្ពស់អ៊ុយក្រែន បានឲ្យដឹងថា មេដឹកនាំទាំងពីរ មិនបានពិភាក្សាអ្វីពិតប្រាកដ ដែលចាំបាច់នោះទេ វាគឺគ្រាន់ជាការសន្ទនាដើម្បីស្វាគមន៍គ្នា។
ចំណែកសំនុំរឿងនយោបាយការបរទេសនឹងក្លាយជារបៀបវារនៃជំនួបរវាងលោកចូ បាយឌិន និងលោកដូណាល់ ត្រាំ ដែលគ្រោងធ្វើនៅការិយាល័យពងក្រពើ សម្រាប់ដំណើរការនៃការផ្ទេរអំណាច។
ទីប្រឹក្សាសម្រាប់សន្តិសុខជាតិ លោកជែក ស៊ូលីវ៉ាន បានឲ្យដឹងថា សហរដ្ឋអាម៉េរក នឹងចំណាយ ៦ពាន់លាន ដុល្លារ នៅសល់ ដោយបត្រូវញ្ចូនឲ្យអ៊ុយក្រែន មុននឹងការមកដល់ការកាន់អំណាចរបស់លោកដូណាល់ ត្រាំ។ លោកក៏បានព្រមានអំពីហានិភ័យពាក់ព័ន្ធនឹងការឈប់គាំទ្ររបស់អាម៉េរិកចំពោះទីក្រុងគៀវ។
លោកដូណាល់ត្រាំ ដែលនឹងមកកាន់អំណាចនៅសេតវិមានម្តងនៅថ្ងៃ២០ ខែមករា ក៏បានអះអាងជាទៀងទាត់អំពីការអាចបញ្ចប់សង្រ្គាមនៅអ៊ុយក្រែន នៅថ្ងៃណាមួយ ដោយមិនដែលលំអិតថា លោកបញ្ចប់ដោយដូចម្តេច។ ប៉ុន្តែរឿងនេះ ប្រហែលជាតាមរយៈកិច្ចព្រមព្រៀងមួយដែលទាមទារថា ទីក្រុងគៀវត្រូវប្រគល់ឲ្យទីក្រុងមូស្គូនូវមួយផ្នែកនៃដែនដីរបស់ខ្លួន ដែលនេះគឺជាការធ្វើសម្បទានដែលប្រទេសអ៊ុយក្រែនមិនអាចតាំងចិត្តធ្វើ។
Daily Program
