ទីលានសន្តសិលានឹងទទួលស្វាគមន៍ការរៀបចំពិព័រណ៍រូបថតស្តីអំពី «ការផ្លាស់ប្តូរ»

វ៉ាទីកង់ញូវបានរាយការណ៍ថា ទីលានសន្តសិលានៅបុរីវ៉ាទីកង់គ្រោងបានក្លាយជាកន្លែង រៀបចំពិធីតាំងពិពណ៌រូបថតស្តីអំពី «ការផ្លាស់ប្តូរ​»។​

ពិធីតាំងពិពណ៌រូបថតស្តីអំពី «ការផ្លាស់ប្តូរ​» បានធ្វើឡើង​ចាប់ពីថ្ងៃទី៧ ខែឧសភា ហើយគ្រោងនឹងបញ្ចប់នៅថ្ងៃទី២៧ ខែឧសភា ឆ្នាំ២០២៤។ រូបថតដែលចូលរួមនេះ នឹងផ្តោតលើការប្រៀបធៀបឥទ្ធិពលនៃការប្រែប្រួលអាកាសធាតុជាមួយនឹងក្តីសង្ឃឹមដែលបំផុសគំនិតដោយភាពស្រ​ស់ស្អាតនៃការបង្កើតរបស់ព្រះជាម្ចាស់។

កម្មវិធីនេះរៀបចំឡើងដោយក្រសួងទំនាក់ទំនង និងប្រព័ន្ធផ្សព្វផ្សាយរបស់សន្តអាសនៈ សហការជាមួយ ក្រសួងសម្រាប់ការលើកកម្ពស់ការអភិវឌ្ឍន៍មនុស្សជាតិ និងមជ្ឈមណ្ឌលអប់រំឧ​ត្ត​ម​សិក្សា ឡូដាតូ ស៊ី (Laudato Si )។

ពិពណ៌នេះនឹងមានការតាំងបង្ហាញរូបថតចំនួន ២៤ សន្លឹក អមដោយការដកស្រង់អត្ថន័យចេញពី ឯកសារ Canticle of the Creatures of Saint Francis និងឯកសារយោង របស់ សម្តេចប៉ាបហ្រ្វង់ស៊ីស្កូ ស្តីអំពី «Laudate Deum»។

រូបថតដែលបានជ្រើសរើស និងរួមបញ្ចូលគ្នាជាមួយនឹងការអធិស្ឋានរបស់ សន្តហ្រ្វង់ស៊ីសដោយបង្ហាញពីភាពផ្ទុយគ្នារវាងភាពស្រស់ស្អាត និងភាពអស្ចារ្យនៃការបង្កើត និងការបំផ្លិចបំ​ផ្លាញដោយការប្រែប្រួលអាកាសធាតុ ទាំងចំពោះបរិស្ថានរបស់យើង និងចំពោះប្រជាជនជុំវិញពិភពលោក៕