គ្រីស្តបរិស័ទនៅកូរ៉េអធិដ្ឋានសុំអោយមានការផ្សះផ្សា

ពិធីថ្វាយអភិបូជាពិសេសដើម្បីអោយមានការផ្សះផ្សានៅកូរ៉េ ត្រូវបានរៀបចំឡើងនៅវិសាលវិហានៅទីក្រុងសេអ៊ូលប្រទេសកូរ៉េខាងត្បូង។

វ៉ាទីកង់ញូវបានរាយការណ៍ថា ពិធីថ្វាយអភិបូជាពិសេសនេះត្រូវបានរៀបចំឡើងកាលពីថ្ងៃទី៩ ខែមករា ឆ្នាំ២០២៣ នៅពេលដែលពិភពលោកកំពុងតែមានការព្រួយបារម្ភអំពីភាពតានតឹងរវាងកូរ៉េខាងជើង និងកូរ៉េខាងត្បូង។

ពិធីនេះត្រូវបានគេរផបចំឡើងដើម្បីរំលឹកដល់សក្ខីភាពនៃកិច្ចខិតខំប្រឹងប្រែងរបស់គ្រីស្តបរិ​ស័ទ​លើកទី ១ ៤០០ ដែលបានរៀបចំឡើងដើម្បីបុព្វហេតុសន្តិភាព និងការផ្សះផ្សានៅឧប​ទ្វីបកូរ៉េ​។​

គួររំលឹកថា កាលពីថ្ងៃទី​១៥ ខែសីហា ឆ្នាំ​១៩៩៥ លោក អូហ្គូសស្ទិន ផាក (Augustine C. Park) គឺជាលោកបូជាចារ្យកូរ៉េ ប៉ុន្តែបានបម្រើនៅព្រះសហគមន៍មួយនៅសហរដ្ឋអាមេរិក បានធ្វើដំណើរទៅសាកសួរសុខទុក្ខគ្រីស្តបរិស័ទនៅទីក្រុងព្យុងយ៉ាង ប្រទេសកូរ៉េខាងជើង ហើយគេ​ដឹងថា លោកបានអធិដ្ឋានសុំអោយមានការផ្សះផ្សារវាងកូរ៉េទាំងពីរ។

តាំងពីពេលនោះមកនៅរៀងរាល់ថ្ងៃអង្គារ​គ្រីស្តបរិស័ទនៅវិសាលវិហានៅសេអ៊ូល តែងតែអធិដ្ឋានដោយរិះគិតពីទូលអង្វរនេះ៕