ក្រុមលោកអភិបាលព្រះសហគមន៍នៅម៉ាឡេស៊ីជួបប្រជុំគ្នាដាក់ផែនការមួយចំនួន

ក្រុមលោកអភិបាលនៃព្រះសហគមន៍នៅ៩ភូមិភាគនៅក្នុងប្រទេសម៉ាឡេស៊ីបានជួបជុំគ្នានៅក្នុងកិច្ចប្រជុំមួយនៅក្នុងខែមករាកន្លងមកនេះ ដើម្បីប្រជុំដាក់ផែនការសកម្មភាពមួយចំនួននៅក្នុងឆ្នាំ២០២៤ ដល់ ឆ្នាំ២០២៦។

នៅក្នុងកិច្ចប្រជុំដែលរៀបចំឡើងរយៈពេល​៥ ថ្ងៃ​នៅពាក់កណ្តាលខែមករា នេះ​លោកអភិបាលនៃព្រះសហគមន៍ទាំង៩ភូមិភាគនៅក្នុងប្រទេសនេះ កំណត់សកម្មភាពមួយចំនួន ដែលរួមមា​នការរៀបចំកិច្ចប្រជុំបីនៅម៉ាឡេស៊ីនៅឆ្នាំ២០២៤ សកម្មភាពរបស់យុវជននិងសកម្មភាពត្រៀមសម្រាប់រៀបចំឆ្នាំនៃអំណរសប្បាយ២០២៥  និងការត្រៀមរៀបចំសន្និសីទព្រះសហគមន៍ម៉ាឡេស៊ីនៅឆ្នាំ២០២៦ ជាដើម។​

នៅក្នុងកិច្ចប្រជុំនេះ លោកបូជាចារ្យ វីលៀម ឡា រូស (William La Rousse)​អគ្គលេខាធិការនៃសហព័ន្ធអន្តរសភាលោកអភិបាលអាស៊ី​បានលើកឡើងថា ក្រុមការងារនឹងបន្តផ្តល់នូវការធ្វើបច្ចុប្បន្នភាព បន្ថែមទៀតពាក់ព័ន្ធនឹងគម្រោងនានាដែលព្រះសហគមន៍កំពុងតែដំណើរការ ។​

ក្រៅពីនោះ ក្រុមលោកបូជាចារ្យក៏ត្រូវបានក្រុមលោកអភិបាលអោយត្រៀមរៀបចំសម្រាប់ការចេញសេចក្តីសន្និដ្ឋានលើកទីពីរស្តីពីមហាសន្និបាតព្រះសហគមន៍ដែលគ្រោងនឹងធ្វើនៅខែតុ​លា ខាងមុខនេះ​៕