បងប្អូនជាទីស្រឡាញ់នៅក្នុងអត្ថបទដំណឹងល្អថ្ងៃនេះព្រះយេស៊ូមានព្រះបន្ទូលថា ខ្ញុំជានំបុ័ងជាអាហារដែលចុះពីស្ថានបរមសុខ ហើយនឹងអ្នកណាពិសារអាហារនេះនឹងមានជីវិតអស់កល្បជានិច្ច។ យើងយល់ថាព្រះយេស៊ូជាសាច់ឈាម ដែលព្រះអង្គប្រោសប្រទានឱ្យមនុស្សទទួលទានដើម្បីបានជីវិតអស់កល្បជានិច្ច។ យើងដឹងថាព្រះយេស៊ូបានតែងតាំងអគ្គសញ្ញាអរព្រះគុណគឺជាពិធីកាច់នំបុ័ងនៅពេលជប់លៀងចុងក្រោយជាមួយក្រុមគ្រីស្តទូត ព្រះយេស៊ូយកនំបុ័ងមកកាន់ហើយអរព្រះគុណព្រះបិតា និងមានព្រះបន្ទូលថា នេះជារូបកាយរបស់ខ្ញុំដែលត្រូវបូជាសម្រាប់អ្នករាល់គ្នា។
