សុខភាពសម្តេចប៉ាបបង្ហាញសញ្ញានៃការប្រសើរឡើងបន្ថែមបន្តិចទៀត

ក្រុមវេជ្ជបណ្ឌិតបានផ្តល់នូវរបាយការណ៍ស្ថានភាពនៃការព្យាបាលរបស់សម្តេចប៉ាបហ្រ្វង់ស៊ីស្កូថា ទ្រង់នៅតែមានភាពស្មុគស្មាញ ប៉ុន្តែមានសញ្ញានៃភាពប្រសើរឡើងបន្ថែមទៀតក្រោយពេលបានចូលសម្រាកព្យាបាលនៅមន្ទីរពេទ្យ។

កាលពីថ្ងៃអង្គារនេះ ដោយសារស្ថានភាពរបស់​សម្តេចប៉ាបបាន​ប្រសើរឡើង​ ហើយ​ទ្រង់​បាន​ធ្វើ​កម្មវិធី​​ពង្រឹងជំនឿដល់គ្រីស្តបរិស័ទ​ តាម​រយៈ​អនឡាញមួយ ដែលសន្តអាសនៈបានរៀបចំនៅក្នុងវិសាលវិហារប៉ូលទី៦ នៅបុរីវ៉ាទីកង់ ជាកន្លែងដែលសមាជិកនៃក្រុមការងារសន្តអាសនៈទាំងអស់បានកំពុងតែប្រមូលផ្តុំគ្នារិះគិតអំពីជំនឿ និងកម្មវិធីសូត្រផ្គាំថ្វាយដល់ទ្រង់ឲ្យមានសុខភាពល្អឆាប់ជាសះស្បើយឡើងវិញ។

នៅក្នុងបន្ទប់ឯកជនដាច់ដោយឡែកពីគេនៅមន្ទីរពេទ្យសម្តេចប៉ាប បានចំណាយពេលអធិស្ឋានបានច្រើនជាងសព្វមួយដង។ នៅថ្ងៃនោះសម្តេចប៉ាប ​មិន​បាន​ទទួល​ភ្ញៀវ​ទេ ប៉ុន្តែ​ទ្រង់​បាន​លះបង់​ពេល​សម្រាប់​ការ​អធិស្ឋាន និង​សមាធិ ជា​ផ្នែក​មួយ​នៃ​លំហាត់​ខាង​វិញ្ញាណ។

សម្តេចប៉ាបបានបន្តការព្យាបាលតាមវេជ្ជបញ្ជារបស់ក្រុមវេជ្ជបណ្ឌិត ហើយក្នុងអំឡុងពេលថ្ងៃ ទ្រង់បានរក្សាការប្រើប្រាស់អុកស៊ីសែនដែលមានលំហូរខ្ពស់តាមរយៈរន្ធច្រមុះ។

សម្តេចប៉ាបបានយាងចូលមន្ទីរពេទ្យតាំងពីថ្ងៃទី ១៤ ខែ កុម្ភៈ ឆ្នាំ២០២៥ មកដល់ពេលនេះមានរយៈពេល២៦ ថ្ងៃមកហើយ៕

Daily Program

Livesteam thumbnail