វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូនៅក្នុងសប្តាហ៍នេះបានយាងជួបជាមួយនឹងលោកបូជាចារ្យចំណាសៗប្រមាណជា ៧០ រូប។
ប្រភពដដែលបានបន្តថា នៅក្នុងចំណោមលោកបូជាចារ្យទាំងអស់នោះ គឺមានខ្លះត្រូវបានតែងតាំងនិងក្លាយជាបុព្វជិតអស់រយៈពេលចាប់ពី៤០ ឆ្នាំឡើងទៅ។
ប្រភពដដែលបានបន្តថា ជំនួបនេះគឺជា ផ្នែកមួយនៃការចុះសួរសុខទុក្ខរបស់សម្តេចប៉ាបនៅក្នុងនាមជាអភិបាលនៃព្រះសហគមន៍នៅក្នុង ទីក្រុងរ៉ូម។
ជំនួបនេះបានរៀបចំនៅនៅព្រះសហគមន៍សាន់ ជីស៊ីប អាល ត្រីយុនហ្វល (San Giuseppe al Trionfale Parish) នៅវេលាម៉ោង៤រសៀលថ្ងៃទី១៤ ខែឧសភា កន្លងទៅនេះ។
នៅក្នុងជំនូបនោះសម្តេចប៉ាបបានមានបន្ទូលថា មូលហេតុដែលទ្រង់យាងជួបមកពីនេះគឺជាអ្វីដែលទ្រង់ចងជួបសាកសួសុខទុក្ខនិងរួមគ្នាអធិដ្ឋានថ្វាយព្រះជាម្ចាស់។
ក្រៅពីជំនួបលើកនេះ នៅក្នុងថ្ងៃទី២៩ ខែឧសភា ខាងមុខសម្តេចប៉ាបកំពុងតែរៀបចំដំណើរ ទស្សនកិច្ចបន្ទាប់ដោយគ្រោងនឹង ជួបលោកបូជាចារ្យជំនាន់ក្រោយដែលត្រូវបានតែងតាំងនៅចន្លោះពីឆ្នាំ២០១៤ ដល់ ឆ្នាំ២០២៤៕
Daily Program
