សម្តេចប៉ាប អំពាវនាវឱ្យឪពុកម្តាយ និងសាលារៀនរក្សា «សម្ព័ន្ធភាពរឹងមាំ»

វ៉ាទីកង់ញូវបានរាយការណ៍ថា គោលបំណងនេះត្រូវបានសម្តេចប៉ាបរំលេចនៅក្នុងសារដែលទ្រង់ ផ្ញើសារទៅកាន់សមាគម សមាគមមាតាបិតាសម្រាប់ការអប់រំដោយឥតគិតថ្លៃ កាលពីចុ​ងសប្តាហ៍កន្លងទៅនេះ។​

សម្តេចប៉ាបបានមានបន្ទូលថា ឪពុកម្តាយគឺជាអ្នកអប់រំចម្បងរបស់កុមារ ប៉ុន្តែកិច្ចការ និងបេ​សកកម្មនៅក្នុងការបំពេញតួនាទីនោះឪពុកម្តាយក៏មិនអាចបំភ្លេចអំពីស្ថាប័នសំខាន់ៗនៅក្នុងស​ង្គមដែលជួយបំពេញបន្ថែម នោះ គឺ សាលារៀននិងស្ថាប័នសង្គមនានា។

សម្តេចប៉ាបបានប្រាប់ សមាគមមាតាបិតាសម្រាប់ការអប់រំដោយឥតគិតថ្លៃថា សូមរំលេចចំណុចនេះ ហើយទាំងអស់គ្នាសូមធ្វើការសហការជាមួយស្ថាប័នសង្គមទាំងអស់ដើម្បីបុត្រធីតារបស់ខ្លួន។

សម្តេចប៉ាបបានមានបន្ទូលថា ៖ «សម្ព័ន្ធភាពដ៏រឹងមាំរវាងសាលារៀន និងគ្រួសារអាចឱ្យចំណេះ​ដឹងត្រូវបានបញ្ជូនបន្តក្នុងពេលតែមួយជាមួយនឹងតម្លៃរបស់មនុស្ស និងខាងវិញ្ញាណ»។

សម្តេច​ប៉ាប បាន​ពន្យល់​ថា គោលបំណង​នៃ​សម្ព័ន្ធភាព​នេះ​គឺ ​ដើម្បី​ជួយ​យុវជន​ឲ្យ​រកឃើញ​ផែនការ​របស់​ព្រះ​សម្រាប់​ពួកគេ​ម្នាក់ៗ​​។ ទំនាក់ទំនងរវាងមាតាបិតា និងអ្នកអប់រំផ្តល់ជីវិត ដ​ល់​សហគមន៍ដែលមានតួនាទីផ្សេងៗគ្នា ប៉ុន្តែការបង្រួបបង្រួមនៃការបញ្ចប់ អាស្រ័យទៅលើល​ក្ខណៈនៃសហគមន៍ និងមនុស្សដែលត្រូវបានពង្រឹងដោយសប្បុរសធម៌។

សម្តេចប៉ាបក៏បានសង្កត់ធ្ងន់លើលក្ខណៈនៃសម្ព័ន្ធភាព ការជួបគ្នា និងការសហការ ហើយបា​នទទូចថាតួនាទីរបស់ឪពុកម្តាយគឺចាំបាច់ ហើយ ជាសសរស្តម្ភមួយនៃកិច្ចព្រមព្រៀងអប់រំសកលដែលត្រូវបានផ្សព្វផ្សាយដោយបុរីវ៉ាទីកង់៕