សម្តេចប៉ាប ហ្វ្រង់ស៊ីស្កូ បាននិយាយថា អ្នកបោះឆ្នោតអាមេរិកប្រឈមមុខនឹងជម្រើសដ៏ពិបាកមួយ ហើយទ្រង់បានអំពាវនាវឲ្យអ្នកបោះឆ្នោតចូលរួមបោះដោយមនសិកា។
ក្នុងអំឡុងពេលធ្វើសន្និសីទសារព័ត៌មាននៅលើយន្តហោះកាលពីថ្ងៃសុក្រនៅក្នុងដំណើរ ការវិលត្រលប់ពីដំណើរទស្សនកិច្ចជិតពីរសប្តាហ៍របស់ទ្រង់នៅអាស៊ីអាគ្នេយ៍ សម្តេចប៉ាបបានលើកទឹកចិត្តគ្រិស្តបរិស័ទ កាតូលិកឲ្យបោះឆ្នោតដោយមនសិការ ដោយផ្អែលតាមសីលធម៌នយោបាយ ។
សម្តេចប៉ាបបានមានបន្ទូលថា ជាទូទៅគេថា បើមិនបោះឆ្នោត វាមិនល្អ វាអាក្រក់ អ្នកត្រូវតែបោះឆ្នោត ហើយអ្នកត្រូវតែជ្រើសរើសបេក្ខជនណាដែលអ្នកជឿថា បានប្រពឹត្តិអំពើអាក្រក់តិចបំផុត ។
សម្តេចប៉ាបបានមានបន្ទូលថា រវាងលោកស្រី កាម៉ាឡា ហារីស និង លោក ដូណាល់ ត្រាំ ទូលបង្គំជាខ្ញុំមិនដឹងថា អ្នកណាយ៉ាងម៉េចនោះទេ ។ មនុស្សម្នាក់ៗមានការវិនិច្ឆ័យខុសៗគ្នា ដូច្នេះសូមបោះឆ្នោត តាមមនសិការរបស់ខ្លួន៕
Daily Program
