សម្តេចប៉ាបយាងជួបសមាជិកវិទ្យាសា្ថនអប់រំចិត្តលោកបូជាចារ្យ

សម្តេច​ប៉ាប ហ្វ្រង់ស៊ីស្កូកាលពីចុងសប្តាហ៍កន្លងទៅនេះ បានយាងជួប​ជាមួយ​សមាជិក​នៃ​វិទ្យាស្ថានអប់រំចិត្តលោកបូជាចារ្យមួយ ដោយ​សង្កត់​ធ្ងន់​ថា លើតួនាទីរបស់លោកបូជាចារ្យដែល មា​នបេសកម្មដើម្បីមនុស្សជាតិ។

វ៉ាទីកង់ញូវបានរាយការណ៍ថា នៅក្នុងជំនួបនេះសម្តេចប៉ាប បានមានបន្ទូលថា បម្រើគឺជាសក្ខីភាពនៃការលះបង់ដែលសាសនទូតត្រូវតែយកចិត្តទុកដាក់នៅក្នុងសង្គមយើងនេះ ជាពិសេសគឺជាមួយគ្រីស្តបរិស័ទ និងអ្នកដែលត្រូវការការជួយសង្រ្គោះ។

សម្តេចប៉ាបបានមានបន្ទូលថា ៖ «ព្រះសហគមន៍និងឯកត្ត​បុគ្គល​ដែល​ទទួលអគ្គសញ្ញាជ្រមុជ​ទឹក​គឺក៏គួរតែមានភារកិច្ចដើម្បីសកម្មភាពមនុស្សធម៌នៅលើលោកីយនេះ ផងដែរ»។

សម្តេចប៉ាបក៏បានជំរុញអោយវិទ្យាស្ថានយកចិត្តទុកដាក់នូវការអប់រំធ្វើយ៉ាងណាឲ្យអស់លោក បូជាចារ្យអាចបំពេញបេសកម្មនៅក្នុងពិភពលោក ដើម្បីពិភពលោកមួយតាមលំអានរបស់ ព្រះយេស៊ូ។

គួររំលឹកថា វិទ្យាស្ថាននេះ គឺជាមជ្ឈមណ្ឌលអប់រំច្បាប់និងកិច្ចការសំខាន់ៗរបស់ព្រះសហគមន៍កាតូលិក មួយដ៏ចំបង៕