សម្តេចប៉ាបហ្រ្វង់ស៊ីស្កូបានច្រានចោលនូវលទ្ធភាពនៃការយាងធ្វើទស្សនកិច្ចនៅប្រទេសបារាំងដើម្បីចូលរួមសម្ភោធព្រះវិហារ ណូត ត្រាដាម ( Notre Dame ) ដែលបានជួសជុលឡើងវិញនោះទេ ។
ទីភ្នាក់ងារព័ត៌មានកាតូលិក បានរាយការណ៍ថា សម្តេចប៉ាបបានបញ្ជាក់អំពីព័ត៌មាននៅនៅលើជើងហោះហើរនៅពេលដែលទ្រង់យាងត្រឡប់មកពីដំណើរទស្សនៈកិច្ចនៅ អាស៊ីអាគ្នេយ៍កាលពីថ្ងៃសុក្រកន្លងទៅ។
ថ្លែងក្នុងសន្និសីទសារព័ត៌មានលើយន្តហោះរបស់សម្តេចប៉ាប បានមានបន្ទូលបញ្ជាក់យ៉ាងម៉ឺងម៉ាត់ថា “ទូលបង្គុំជាខ្ញុំនឹងមិនទៅប៉ារីសទេ” ។
ប្រធានាធិបតីបារាំង លោក អេមានូអែល ម៉ាក្រុង បានអញ្ជើញទ្រង់ មកធ្វើទស្សនកិច្ចនៅទីក្រុងប៉ារីស ដើម្បីសម្ភោធបើកដំណើរការឡើងវិញនូវព្រះវិហា ណូតត្រាដាម ដែលគ្រោងនឹងធ្វើឡើងនៅថ្ងៃទី ៨ ខែធ្នូ ឆ្នាំ២០២៤ ក្រោយពេលដែលព្រះវិហារដ៏ស្កឹមស្កៃនេះរងការខូចខាតយ៉ាងដំណំដោយគ្រោះអគ្គីភ័យ ។
ដំបូលព្រះវិហានេះ ត្រូវបានបំផ្លាញដោយគ្រោះអគ្គីភ័យ កាលពីឆ្នាំ២០១៩ ក្រោយពេលដែលព្រះវិហារនេះកសាងឡើយ៨សតវត្សន៍មកហើយនោះ ដែលមូលហេតុសំខាន់ត្រូវបានគេដាក់បន្ទុកទៅលើការផ្ទុះសេខ្សែរភ្លើង ។
ព្រះវិហារនេះត្រូវបានសភាបារាំងបានអនុម័តច្បាប់ជាបន្តបន្ទាប់ដែលតម្រូវឱ្យការកសាងឡើងវិញដើម្បីរក្សាផលប្រយោជន៍ជាប្រវត្តិសាស្ត្រ សិល្បៈ និងស្ថាបត្យកម្ម តាមលំនាំ នៃរចនាសម្ព័ន្ធដើម៕
Daily Program
