លោកកាឌីណាល់ ព្យែត្រូ​ ផារ៉ូលីន៖ ការលាលែងរបស់សម្តេចប៉ាប ជាការរំពឹងទុកគ្មានមូលដ្ឋាន

នៅក្នុងបទសម្ភាសន៍ជាមួយកាសែតអ៊ីតាលី Corriere della Sera នាយករដ្ឋមន្រ្តីបុរីវ៉ាទីកង់​លោក កាឌីណាល់ ព្យែត្រូ ផារ៉ូលីន បាននិយាយថា ដំណឹងពីការលាលែងរបស់សម្តេចប៉ាប ជាការរំពឹងទុកដែលគ្មានមូលដ្ឋាន។​

លោកកាឌីណាល់បានលើកឡើងថា  នៅពេលនេះបញ្ហាតែមួយគត់ដែលគួរឱ្យព្រួយបារម្ភគឺសុខភាពរបស់សម្តេចប៉ាប ការជាសះស្បើយរបស់ទ្រង់ និងការវិលត្រឡប់របស់ទ្រង់ទៅកាន់បុរីវ៉ាទីកង់។

វ៉ាទីកង់ញូវបានរាយការណ៍ថា នេះគឺជាការបញ្ជាក់របស់លោកកាឌីណាល់ ក្រោយពេលដែលស្ថានភាពសុខភាពរបស់សម្តេចប៉ាបនៅក្នុងស្ថានភាពមិនទាន់ច្បាស់លាស់ ចាប់តាំងពីទ្រង់យាងចូលសម្រាកមន្ទីរពេទ្យតាំងតែពីឆ្នាំទី​១៤ ខែកុម្ភៈ ឆ្នាំ២០២៥មក​។​

នៅពេលត្រូវបានសួរអំពីបរិយាកាសជុំវិញការផ្សព្វផ្សាយព័ត៌មានមិនពិត និងការរំពឹងទុកជុំវិញបញ្ហាសុខភាពរបស់សម្តេចប៉ាប លោកកាឌីណាល់បានឆ្លើយតបថា "និយាយតាមត្រង់ទៅ ខ្ញុំមិនបានដឹងអំពីឧបាយកលបែបនេះទេ ហើយក្នុងករណីណាក៏ដោយ ខ្ញុំព្យាយាមគេចចេញពីបញ្ហានេះ ម៉្យាងវិញទៀត ខ្ញុំគិតថាវាជារឿងធម្មតាទេនៅក្នុងស្ថានភាពទាំងនេះ សម្រាប់ពាក្យចចាមអារ៉ាមដែលមិនបានផ្ទៀងផ្ទាត់ដើម្បីផ្សព្វផ្សាយ ឬសម្រាប់ការបញ្ចេញមតិខុសដែលត្រូវបានធ្វើឡើង - នេះមិនមែនជាលើកទីមួយទេ”។

លោកកាឌីណាល់បានបន្តទៀតថា “ទោះ​ជា​យ៉ាង​ណា ខ្ញុំ​មិន​ជឿ​ថា​មាន​ចលនា​ពិសេស​ណា​មួយ​ក្នុង​រឿង​នេះ​ទេ ហើយ​រហូត​មក​ដល់​ពេល​នេះ ខ្ញុំ​មិន​ទាន់​បាន​ឮ​អ្វី​ពី​ការផ្សព្វផ្សាយបែបនេះដែរ”។

លោកកាឌីណាល់ បានបន្តថា សូមអរគុណដល់ព្រះជាម្ចាស់ នៅពេលនេះ យើងកំពុងតែបន្តរង់ចាំដំណឹងពីបច្ចុប្បន្នភាពសុខភាពរបស់ទ្រង់តាមលទ្ធផលដែល មន្ទីរពេទ្យ Gemelli ហើយកំពុងតែអធិដ្ឋានសូមឲ្យទ្រង់ឆាប់ជាសះស្បើយ៕