អ៊ុយក្រែនប្រឈមនឹងហានិភ័យក្សត់លុយចាប់ពីត្រីមាសទី១ ឆ្នាំ២០២៦។ ដូច្នេះ តើធ្វើដូចម្តេច នឹងផ្តល់ហិរញ្ញវត្ថុដល់តម្រូវការយោធា និងស៊ីវិលនៃប្រទសសម្រាប់បណ្តាលឆ្នាំទៅមុខ?
រឿងពិតមួយ គឺគេមិនអាចពឹងផ្អែកលើសហរដ្ឋអាម៉េរិកបានទេ។ លោកដូណាល់ ត្រាំ បាននិយាយអំពីរឿងនេះម្តងទៀត កាលពីថ្ងៃទី២ ខែធ្នូ ថា អាម៉េរិកដកខ្លួនសម្រាប់ការគាំទ្រហិរញ្ញវត្ថុដល់អ៊ុយក្រែន។ ដើម្បីដោះស្រាយបញ្ហា អ្វីដែលសហភាពអឺរ៉ុបបានធ្វើ គេនឹងត្រូវផ្តល់ការខិតខំប្រឹងប្រែងបន្ថែមទៀតដើម្បីប្រមូលផ្តុំថវិកា ១៤០ ពាន់លាន អឺរ៉ូដែលជាគម្រោងសម្រាប់រយៈពេលពីឆ្នាំ២០២៦-២០២៧។
ដូច្នេះលទ្ធភាពពីរកំពុងមានសម្រាប់សហភាពអឺរ៉ុប គឺគៀងគរទ្រព្យសម្បត្តិបង្កករបស់រុស្ស៊ី ដើម្បីផ្តល់កម្ចីការប្រាក់សូន្យ ឬខ្ចីលុយនៅលើទីផ្សាររួមគ្នា ដែលជម្រើសចុងក្រោយនេះហាក់បីដូចជាត្រូវបានដកចេញចាប់ពីពេលនេះតទៅហើយ។ ការខ្ចីប្រាក់ត្រូវការកិច្ចព្រមព្រៀងពី ២៧ ប្រទេសជាសមាជិកអឺរ៉ុប ហើយបារាំង និងអាឡឺម៉ង បានបដិសេធចោលជម្រើសនេះ។
ដូច្នេះទម្ងន់ផ្អៀងមិនអាចបដិសេធបានទៅលើការគាំទ្រឲ្យមានការប្រើប្រាស់ទ្រព្យសម្បត្តិរបស់រុស្ស៊ី។ ប៉ុន្តែមានពីរប្រទេសដែលប្រឆាំងគ្នាដាច់ខាត គឺប្រទេសប៊ែលហ្ស៊ីក និងហុងគ្រី។ ហេតុផលរបស់ពួកគេគឺផ្ទុយ ហើយការតវ៉ារបស់ពួកគេចុងក្រោយត្រូវបានជឿជាក់។
លោកស្រីអៀស៊ុយឡា វ៉ន ឌឺ លីយេន បានសម្តែងនូវជំហររបស់លោកស្រីជាសាធាណៈរួចហើយ។ ប្រធានគណៈកម្មាធិការអឺរ៉ុបនៅក្នុងសេចក្តីថ្លែងសន្ទរកថានៅពីមុខសភាអឺរ៉ុបកាលពីខែវិច្ឆិកា បានប្រាប់ថា ៖ “នេះគឺជាមធ្យោបាយដ៏មានប្រសិទ្ធភាពបំផុតគាំទ្រដល់ការការពារ និងសេដ្ឋកិច្ចរបស់អ៊ុយក្រែន” ហើយលោកស្រីបន្ថែមថា នេះគឺជារបៀបដែលច្បាស់បំផុតដើម្បីធ្វើឲ្យរុស្ស៊ីយល់ថា ពេលវេលានឹងមិនគាំទ្រដល់ពួកគេទេ។
សមតិកម្មរបស់លោកស្រីបានបញ្ចុះបញ្ចូលយ៉ាងរហ័សដល់ប្រទេសជាសមាជិក ប៉ុន្តែប្រទេសប៊ែលហ្ស៊ីកបានឈរជាអ្នកប្រឆាំងភ្លាម។ នៅពេលសន្និសីទកាសែត ការថ្លែងសន្ទរកថា កិច្ចសម្ភាសន៍ នាយករដ្ឋមន្រ្តីនៃប្រទេសប៊ែលហ្ស៊ិក លោកបាក ដឺ វ៉ែលវើ តែងតែឆក់ឱកាសនឹងសង្កត់ធ្ងន់លើជំហរបស់ប៊ែលហ្ស៊ិក។
ក្នុងហេតុផល ប៊ែលហ្ស៊ិក គឺជាអ្នកទុកដាក់ចម្បងនៃទ្រព្យសម្បតិរបស់រុស្ស៊ី។ ១៨៥ពាន់លាន អឺរ៉ូ លើ ២០០ ពាន់លានអឺរ៉ូ ស្ថិតនៅក្រុមហ៊ុន អឺរ៉ូក្លៀ (Euroclear) កំពុងស្ថិតនៅក្រោមសំពាធ។ ចំណែកទីក្រុងមូស្គូកំពុងធ្វើឲ្យភ័យខ្លាចអំពីការដាក់ទណ្ឌកម្មខាងផ្លូវច្បាប់។
នៅក្នុងសំបុត្រមួយដែលផ្ញើទៅកាន់លោកស្រីអៀស៊ុយឡា វ៉ន ឌឺ លីយេន ជនជាតិប៊ែលហ្ស៊ិក បានបង្ហាញនូវការព្រួយបារម្ភថា ហេតុអ្វីត្រូវធ្វើការផ្សងព្រេងដូច្នេះនៅក្នុងសមុទ្រផ្លូវច្បាប់ និងហិរញ្ញវត្ថុដែលមិនដឹងទិស ជាមួយនឹងផលវិបាកគ្រប់បែបយ៉ាងដែលអាចកើតមានឡើង នៅពេលដែលរឿងទាំងអស់នេះអាចជៀសវាងបាន?
នេះក៏ជាហានិភ័យដែលត្រូវបានទទួលស្គាល់ដោយស្នងការអឺរ៉ុបជនជាតិឡាតវៀ លោកវ៉ាល់ឌីស ដូមប្រូវស្គី។ ច្បាស់ណាស់ គេត្រូវតែមានសាមគ្គីភាពសម្រាប់ហានិភ័យទាំងនេះ ដែលត្រូវតែចែករំលែកគ្នា។ លោកវ៉ាល់ឌីស ដូមប្រូវស្គី ព្យាយាមសម្រាលភាពតានតឹង និងថា ហានិភ័យក៏ត្រូវបានទទួលស្គាល់ដោយរដ្ឋសមាជិកដទៃៗ ទៀតដែរ។
Daily Program
