ទីក្រុងសេអ៊ូល វាយតម្លៃថា មានទាហានកូរ៉េខាងជើង ១១០០០នាក់ ត្រូវបាន​សម្លាប់ និង​រងរបួសដោយសារអ៊ុយក្រែន

កាលពីថ្ងៃទី២៣ ខែធ្នូ អគ្គមេបញ្ជាការកងទ័ពកូរ៉េខាងត្បូង បានប្រាប់ឲ្យដឹងថា ប្រទេសកូរ៉េ​ខាង​ជើងត្រៀមខ្លួនបញ្ជូនទាហានថ្មីទៅកាន់ប្រទេសរុស្ស៊ីដើម្បីពង្រឹងកម្លាំង ឬជំនួសកម្លាំង​ដែល​បាត់បង់។ លោកនិយាយដែរថា ទាហានកូរ៉េខាងត្បូង បានឃ្លាំមើលទាហាន​ត្រៀម​បម្រុង​​ទាំង​នេះ។

នៅក្នុងសេចក្តីប្រកាសមួយ គណៈកម្មាធិការនៃប្រមុខមេបញ្ជាការអន្តរយោធាកូរ៉េខាងត្បូង (JCS) ក៏បានវាយតម្លៃថា ៖ ”កងកម្លាំងកូរ៉េខាងជើង ដែលបានចាក់ចេញទៅ​ប្រយុទ្ធ​ថ្មីៗ ទល់​នឹង​កងកម្លាំងអ៊ុយក្រែន បានខូចខាត ១១០០០នាក់”។ តួលេខនេះរួមបញ្ចូល​ទាំង​​អ្នកស្លាប់ និង​អ្នករបួស។

យោធាកូរ៉េខាងត្បូងគិតថា កូរ៉េខាងជើងព្យាយាមធ្វើទំនើបកម្មសមត្ថភាពសង្រ្គាមរបស់ខ្លួន​ពី​ធម្មតា​ជាមួយនឹងការជួយ​ពីរុស្ស៊ី​ដោយឈលើមូលដ្ឋាននៃបទពិសោធន៍នៃការប្រយុទ្ធប្រឆាំង​នឹង​ទាហាន​អ៊ុយក្រែន។ JCS វាយតម្លៃថា ៖ “រឿងនេះអាចនឹងនាំទៅដល់ការកើនឡើងនូវការ​គំរាម​កំហែង​ខាងយោធារបស់កូរ៉េខាងជើង​ប្រឆាំងនឹងកូរ៉េខាងត្បូង”។

បើយោងតាមលោកខាងលិច បានឲ្យដឹងថា ​ទាហានកូរ៉េខាងជើងរាប់ពាន់នាក់ត្រូវបានបញ្ជូន​ទៅ​កាន់រុស្ស៊ីនៅប៉ុន្មានសប្តាហ៍មុនដើម្បីគាំ​ទ្រ​ទាហានរុស្ស៊ី។

ចំណែលវិមានក្រឹមឡាំង រាល់ដង តែងបានបង្វែបញ្ហានេះ និងមិនចង់បញ្ជាក់នូវព័ត៌មាន​ទាំង​នេះ​ទេ។

នៅថ្ងៃទី១៧ ខែធ្នូ អគ្គមេបញ្ជាការទាហានអ៊ុយក្រែន លោកអូឡិចសានដ្រ៍ សៀស្គី ធ្លាប់បាន​ប្រកាស​ថា ទាហានរុស្ស៊ីបានដឹកនាំប្រតិបត្តិការវាយប្រហារដ៏ខ្លាំងក្លានៅក្នុងតំបន់​គូស្ក៍ ដោយ​ប្រើ​ប្រាស់​យ៉ាងសកម្ម​នូវអង្គភាពទាហានកូរ៉េខាងជើង”។ លោកបានបន្ថែមថា ទាហានកូរ៉េ​ខាង​​ជើង​បានទទួលរង​ការបាត់បង់ដ៏ធ្ងន់ធ្ងរ”។

ចាប់តាំងពីដើមខែសីហា អ៊ុយក្រែនបានបើកការវាយប្រហារដ៏គួរឲ្យភ្ញាក់ផ្អើលក្នុងតំបន់គូស្ក៍​ដែនដី​រុស្ស៊ី។ អ៊ុយក្រែនជានិច្ចកាលគ្រប់គ្រងដែនដីរុស្ស៊ីដ៏តូចនេះ។

ប្រទេសកូរ៉េខាងជើង មិនដែលបានបញ្ជាក់ ឬបដិសេធ វត្តមានទាហានរបស់ខ្លួនប្រយុទ្ធ​នៅ​ក្បែ​​រុស្ស៊ីនោះទេ។ ប្រទេសទាំងពីរបានពង្រឹងទំនាក់ទំនងយោធាររបស់ពួកគេចាប់តាំងពីការឈ្លានពានរបស់រុស្ស៊ីលើអ៊ុយក្រែនដោយទីក្រុងមូស្គូនៅខែកុម្ភៈ ឆ្នាំ២០២២។

សន្ធិសញ្ញាប្រវត្តិសាស្រ្តនៃការការពារគ្នាទៅវិញទៅមករវាងទីក្រុងព្យុងយ៉ាង និងមូស្គូ បានចុះ​ហត្ថ​​លេខា​នៅខែមិថុនា និងចូលជាធរមាននៅដើមខែនេះ។ វាគ្រោងនឹងផ្តល់ជំនួយ​យោធា​ភ្លាមៗ​នៅក្នុងករណីមានការវាយប្រហារលើប្រទេសណាមួយដោយប្រទេសទី៣។

សេចក្តីសន្និដ្ឋានមុនៗរបស់ JCS បញ្ជាក់អំពីរបាយការណ៍នៃសេវាកម្មសម្ងាត់របស់​កូរ៉េខាង​ត្បូង ដែលត្រូវបញ្ជូនកាលពីសប្តាហ៍​មុនមកឲ្យតំណាងរាស្រ្ត ដែលតាមរយៈរបាយការណ៍នេះ ប្រទេសរុស្ស៊ីអាចនឹងផ្តល់ប្រយោជន៍ទៅវិញទៅមកសម្រាប់កូរ៉េខាងជើងក្នុងការចូលរួម​វិភាគ​ទាន​ខាងយោធា រួមទាំងការធ្វើទំនើបកម្មសព្វាវុធសព្វថ្ងៃរបស់កូរ៉េខាងជើងផង។

ចំណែកកូរ៉េខាងត្បូង និងអ៊ុយក្រែនបានប្រកាសកាលពីខែវិច្ឆិកានូវការពង្រឹងទំនាក់ទំនង​នៃ​ប្រតិបត្តិ​ការរបស់ពួកគេ​ក្នុងរឿងសន្តិសុខដោយឆ្លើយតបនឹងការគំរាមកំហែងដែលកើតមាន​ដោយ​ការដាក់ពង្រាយរបស់ទាហានកូរេខាងជើង​។

កូរ៉េខាងត្បូងគឺជាប្រទេសផលិតសព្វាវុធដ៏ធំមួយនៅលើពិភពលោក ប៉ុន្តែតាមប្រពៃណី ទីក្រុង​សេអ៊ូល​បដិសេធនឹងមិនបញ្ជូនសព្វាវុធទៅកាន់ប្រទេសដែលកំពុងជាប់ដៃសកម្មធ្វើសង្រ្គាម​។