ទីក្រុងវ៉ាស៊ីនតុនបញ្ចេញថវិកាចុងក្រោយដែលអាចទទួលបានសម្រាប់អ៊ុយក្រែន

សហរដ្ឋអាម៉េរិក បានបញ្ចេញទឹកប្រាក់ ២៥០លានដុល្លារ ជំនួយយោធា​សម្រាប់​អ៊ុយក្រែន​ពាក់ព័ន្ធ​នឹង​ចំណិតជំនួយចុងក្រោយដែលនៅសល់។ អ្នកតំណាងរាស្រ្ត​ខាង​គណបក្ស​សាធារណរដ្ឋ និងប្រជាធិបតេយ្យ មិនបានឈានដល់ការស្រុះស្រួលគ្នា​នៅលើ​កញ្ចប់​ថវិកាថ្មី ៦១​ពាន់លានដុល្លារសម្រាប់អ៊ុយក្រែន នោះទេ។

កាលពីថ្ងៃទីពុធ ទី២៧ ខែធ្នូ សហរដ្ឋអាម៉េរិក បានប្រកាស​ការបញ្ចេញថវិកា២៥០លាន ដុល្លារ នៃ​ជំនួយយោធាសម្រាប់អ៊ុយក្រែន ចំណិតថវិកាចុងក្រោយដែលអាចទទួលបាន ដោយមិន​មាន​ការបោះឆ្នោត​នៅព្រឹទ្ធសភាអាម៉េរិក។

ការចរចាកើតឡើងជាប្រចាំរវាងអ្នកតំណាងរាស្រ្តសាធារណៈរដ្ឋ និងប្រជាធិបតេយ្យ​នៅលើ​សុពលភាព​នៃកញ្ចប់ថវិកា ៦១ពាន់លានដុល្លារ ដែលទាមទារមិនឈប់ឈ​ដោយ​ប្រធានាធិបតីអាម៉េរិក លោកចូ បាយឌិន និងសមភាគីរបស់លោកអ៊ុយក្រែន គឺលោក​វ៉ូឡូឌីមៀ ហ្សេឡេនស្គី។

រដ្ឋមន្រ្តីរដ្ឋ លោកអន់តូនី ប៊្លិនឃិន នៅក្នុងសេចក្តីប្រកាសមួយកាលពីថ្ងៃពុធ បានបញ្ជាក់ថា ៖ “ វា​មានភាពចាំបាច់ខ្លាំង​ដែលព្រឹទ្ធសភាអាម៉េរិក​ត្រូវប្រតិកម្ម​ឲ្យលឿន​តាមដែលទៅរួច​ដើម្បី​រក្សា​ផល​ប្រយោជន៍របស់អាម៉េរិកទាក់ទងនឹងរឿងសន្តិសុខជាតិ​ដោយជួយអ៊ុយក្រែនឲ្យ​ការពារ​ខ្លួន។”

ចំណែកប្រមុខព្រឹទ្ធសភា បានបង្គាប់បញ្ជារួចហើយថា ព្រឹទ្ធសភានឹងបញ្ចប់ឆ្នាំដោយ​មិនផ្តល់​សុពលភាព​ដល់មូលនិធិថ្មីនោះទេ។ នេះគឺជាការខកចិត្តបន្ថែមទៀតសម្រាប់ប្រធានាធិបតីអ៊ុយក្រែន នៅក្នុងឆ្នាំដែលក្តីសង្ឃឹម​ចំពោះ​ការវាយបកដ៏ធំរបស់អ៊ុយក្រែនលើរុស្ស៊ីត្រូវ​បាន​ធ្វើឲ្យខកចិត្ត និងសំពាធយោធា​កើន​ឡើង​​ដាក់​ដោយ​​រុស្ស៊ីនៅតាមព្រំដែន។

ចំណែកសេតវិមានព្យាករថា រដ្ឋាភិបាលអាម៉េរិកនឹងមានធនធានខើចខ្លី​សម្រាប់អ៊ុយក្រែន​រហូត​​ដល់ចុងឆ្នាំនេះ។ កាលពីថ្ងៃទី១៨ ធ្នូ អ្នកនាំពាក្យសេតវិមាន លោកចន ឃៀប៊ី បានថ្លែង​ថា ៖ “យើងមានកញ្ចប់ជំនួយតែមួយថែមទៀត មុននឹងកុំឲ្យ​មូលនិធិសម្រាប់អ៊ុយក្រែន​រីងស្ងួត​អស់”។

លោកវ៉ូឡូឌីមៀ ហ្សេឡេនស្គី កាលពីពាក់កណ្តាលខែធ្នូ បានមកទីក្រុងវ៉ាស៊ីនតុនជាបុគ្គល ជា​ដំណើរ​លើកទី៣ មកក្នុងរដ្ឋធានីអាម៉េរិក ក្នុងរយៈពេលមួយឆ្នាំ ដើម្បីព្យាយាម​សង្កត់ធ្ងន់លើ​ការ​​ដាក់​សំពាធលើរឿងរ៉ាវជំនួយ។

ប៉ុន្តែជិតពីរឆ្នាំបន្ទាប់ពីការចាប់ផ្តើមនៃសង្រ្គាម ដែលជាប់គាំង និង​លុយច្រើនជាង ១១០​ពាន់​ដុល្លារ ត្រូវបានបញ្ចេញដោយព្រឹទ្ធសភា បញ្ហានៃការបន្ត​ការគាំទ្រ ឲ្យបានយូរតាមដែល​ជា​តម្រូវ​ការ​របស់អ៊ុយក្រែន បានចោទឡើង​ជាមួយនឹងការទាមទារកាន់តែច្រើនឡើង​ច្រើន​មិន​ឈប់​មិនឈរ។

ការបរាជ័យរបស់លោកព្រឹទ្ធសភាអាម៉េរិក ដើម្បីបោះឆ្នោតគាំទ្រកញ្ចប់ថវិកានេះ មិន​បញ្ជាក់​ថា ជាការបញ្ចប់នៃការគាំទ្ររបស់សហរដ្ឋអាម៉េរិកចំពោះទីក្រុងគៀវនោះទេ។ សភាអាម៉េរិក នឹង​​ចូលធ្វើការវិញនៅថ្ងៃទី៨ ខែមករា ហើយប្រមុខក្រុមសាធារណរដ្ឋ និងក្រុមប្រជាធិបតេយ្យ​នៅព្រឹទ្ធសភាគ្រាន់តែបាននិយាយអំពី​ការប៉ងប្រាថ្នារបស់ពួកគេដើម្បីផ្តល់សុពលភាព​ដល់​កញ្ចប់​​ថវិការនេះ ដែលរួមមានការធ្វើឲ្យចម្រើនជឿនលឿនខាងផ្នែកយោធាដល់អ៊ុយក្រែន ជំនួយ​មនុស្សធម៌ និងការគ្រប់គ្រងម៉ាក្រូសេដ្ឋកិច្ច។

ប៉ុន្តែ គឺនៅសភាតំណាងរាស្រ្ត ដែលត្រូវអនុម័ត​មូលនិធិទាំងនេះដែរ ដែលរឿងរ៉ាវនឹងកាន់​តែ​ស្មុគស្មាញ។ ប្រធានសភាអាម៉េរិកថ្មី អ្នកសាធារណរដ្ឋ លោកម៉ៃ ចនស៊ុន មិនប្រឆាំងទេ លើ​គោលការណ៍ នៃការបន្លាយការផ្តល់ជំនួយរបស់អាម៉េរិក ប៉ុន្តែជំនួយត្រូវមានផែនការ និង​ត្រួតពិនិត្យ​ឲ្យ​បានល្អិតល្អន់។