តៃស្ហ៉ូ តេនណូ ព្រះចៅអធិរាជនៃសម័យកាលសេរីនិយមនៅជប៉ុន

អធិរាជតៃស្ហ៉ូ តេនណូ ប្រសូតនៅថ្ងៃទី៣១ ខែសីហា ឆ្នាំ១៨៧៩ នៅទីក្រុងតូក្យូ និងសោយ ទីវង្គតនៅថ្ងៃទី២៥ ខែធ្នូ ឆ្នាំ១៩២៦ នៅទីក្រុងហាយ៉ាម៉ា។ ឈ្មោះផ្ទាល់ខ្លួនរបស់ព្រះអង្គត្រូវ បានស្គាល់នៅលោកខាងលិច​ គឺយ៉ូស្ហ៊ីហ៊ីតូ។ ព្រះអង្គគឺជាអធិរាជទី១២៣ នៃចក្រភពជប៉ុន។ ព្រះអង្គសោយរាជពីថ្ងៃទី៣០ ខែកក្កដា ឆ្នាំ១៩១២ រហូតដល់ថ្ងៃចូលទីវង្គត់។

នាមព្រះអង្គជាព្រះអង្គម្ចាស់ គឺ ហារុ ណូ មីយ៉ា។

យោងតាមប្រពៃណីចក្រពត្តិជប៉ុនចាប់តាំងពីឆ្នាំ១៨៦៨ ព្រះអង្គ​បានទទួលនាមមរណនាម​ដូច​នឹង​ឈ្មោះយុគសម័យនៃការគ្រងរាជ្យរបស់ព្រះអង្គ។

ព្រះ​អង្គតៃស្ហ៉ូ តេនណូ គឺជាបុត្រទី៣ របស់ព្រះចៅអធិរាជម៉ីជី ជាមួយនឹងព្រះនាង យ៉ាណាហ្គីហារ៉ា ណារូកូ។ ព្រះ​អង្គតៃស្ហ៉ូ តេនណូ ក៏ជាបិតារបស់ព្រះអង្គស្ហ៉ូវ៉ា។ ព្រះអង្គតៃស្ហ៉ូ តេនណូ ទទួលការសិក្សាតាម​ស្ទីល​របស់​លោក​ខាងលិច​នៅសកលវិទ្យាល័យ​ ហ្គាគូស្ហ៊ូអ៊ីន។ ព្រះអង្គតៃស្ហ៉ូ តេនណូ បានរៀបអភិសេក​ជាមួយ​ព្រះនាង សាដាកូ ដែលជាបុត្រីរបស់ព្រះអង្គ​ម្ចាស់ មីជីតាកា នៅថ្ងៃទី១០ ខែឧសភា ឆ្នាំ​១៩០០។ ព្រះអង្គតៃស្ហ៉ូ តេនណូ មានបុត្រ ៤អង្គ។

គឺព្រះអង្គម្ចាស់ មីជី ជាព្រះចៅជប៉ុនបន្ទាប់ នាម ស្ហ៉ូវ៉ា ហីរ៉ូហ៊ីតូ។ ​ព្រះ​អង្គ​​ម្ចាស់ ជីជីប៊ូ។ ព្រះ​អង្គ​ម្ចាស់ តាកាម៉ាតស៊ូ និងព្រះអង្គម្ចាស់ មីកាសា។

ព្រះអង្គតៃស្ហ៉ូ តេនណូ គឺជាអធិរាជទី១២៣ របស់ជប៉ុន នៅឆ្នាំ១៨១២ និងប្រកាសអំពីយុគ​សម័យ​​តៃស្ហ៉ូ​របស់ព្រះអង្គ។

ដោយសារបញ្ហាសុខភាពរបស់ព្រះចៅតៃស្ហ៉ូ តេនណូ ចាប់តាំងពីឆ្នាំ១៨២១ ព្រះអង្គម្ចាស់​ហ៊ីរ៉ូហ៊ីតូ បានកាន់រាជ្យកិច្ច​ជំនួស​​ព្រះ​អង្គ។

សម័យកាលគ្រងរាជ្យរបស់ព្រះអង្គតៃស្ហ៉ូ តេនណូ ត្រូវបានកំណត់លក្ខណៈដោយារការ​ពង្រឹង​ចក្រ​ពត្តិ​ជប៉ុន និងនយោបាយខាងក្នុងដែលអនុវត្ត​គោលការណ៍សេរី។​ នៅឆ្នាំ១៩១៩ ព្រះអង្គ​តៃស្ហ៉ូ តេនណូ បានចុះហត្ថលេខាលើច្បាប់កំណែទម្រង់រដ្ឋ និងនៅខែមីនា ឆ្នាំ១៩២៥ បាន​ទទួល​យកគោលការណ៍នៃការបោះឆ្នោតសកលនៅជប៉ុន។

នៅក្នុងយុគសម័យតៃស្ហ៉ូ ប្រទេសជប៉ុន បានជួបនូវការរីកចម្រើនយ៉ាងខ្លាំងខាងឧស្សាហកម្ម ប៉ុន្តែ​ត្រូវបានកត់សម្គាល់ផងដែរដោយព្រឹត្តិការណ៍សោកនាដកម្មជាច្រើន ដូចជា សង្រ្គាម​លោក​​​លើកទី១ ការបះបោរដ៏អាក្រក់នៅកូរ៉េ និងមហន្តរាយគ្រោះរញ្ជួយដីនៅខែកញ្ញា ឆ្នាំ​១៩២៣ ដែលបានប៉ះពាល់ដល់តំបន់កាន់តូទាំងមូល និងបំផ្លាញទីក្រុងតូក្យូស្ទើតែទាំងស្រុង។

ព្រះអង្គតៃស្ហ៉ូ តេនណូ បានសោយទីវង្គតនៅថ្ងៃទី២៥ ខែធ្នូ ឆ្នាំ១៩២៦ ដោយជំងឺគាំងបេះដូង នៅប្រាសាទ ហាយ៉ាម៉ា ហើយគឺបុត្ររបស់ព្រះអង្គ គឺព្រះអង្គហ៊ីរ៉ូហ៊ីតូ ដែលស្នងបន្តរាជ្យជាផ្លូវ​ការ និងក្លាយជាអធិរាជទី១២៤ របស់ជប៉ុន។

ចំណែកព្រះអង្គយ៉ូស៊ីហ៊ីតូ ត្រូវបានហៅដោយឈ្មោះ​នៃ​យុគ​សម័យ​​កាល គឺ តៃស្ហ៊ូ ដែលមាន​ន័យ​ថា យុត្តិធម៌ដ៏មហិមា។

យុគសម័យតៃស្ហ៉ូ យុគសម័យនៃយុត្តិធម៌ដ៏ធំ គឺជាយុគសម័យនៅជប៉ុនដែលចាប់​ផ្តើមពីថ្ងៃ​ទី​៣០ ខែកក្កដា ឆ្នាំ១៩១២ ដល់ថ្ងៃទី២៥ ខែធ្នូ ឆ្នាំ១៩២៦។ សុខភាពទន់ខ្សោយរបស់ព្រះ​ចៅ​អធិរាជ ផ្តល់វិបាកជាការផ្លាស់ប្តូរអំណាច​នយោបាយ​ពីក្រុមមហាសេដ្ឋីចាស់ៗ ដែលរួមមាន​អ្នក​នយោបាយបាយជើងចាស់ៗ ទៅកាន់សភាជប៉ុន និងគណបក្សប្រជាធិបតេយ្យ។  យុគ​សម័យនេះ ក៏ត្រូវបានចាត់ទុកជាសម័យកាលនៃចលនាសេរីដែលស្គាល់ក្រោមឈ្មោះ ប្រជាធិបតេយ្យ​តៃស្ហ៉ូនៅជប៉ុន។ នេះគឺជាភាពខុសគ្នានៅចន្លោះពីយុគសម័យមុនម៉ីជី និងផ្នែក​ដំបូ​ង​​​គឺសម័យកាលយោធានិយមនៃយុគសម័យស្ហ៉ូវ៉ា ដែលបន្តក្រោយមក។