ក្រុមប្រឹក្សាអន្តរកាលរបស់ប្រទេសហៃទី ជ្រើសរើសនាយករដ្ឋមន្ត្រីថ្មី

ក្រុម​ប្រឹក្សា​អន្តរកាល​របស់​ហៃទី​បាន​ជ្រើសរើស​នាយក​រដ្ឋមន្ត្រី​មួយ​រូប​ ដើម្បី​ដឹកនាំ​ប្រទេស​ឱ្យ​ត្រ​ឡប់​មកប្រក្រតីភាពឡើងវិញ។

លោក ហ្គារី ខូនីល (Garry Conille) នាយករដ្ឋមន្ត្រីថ្មីនៃប្រទេសនេះនិយាយថា លោកមានកិ​ត្តិយសដែលត្រូវបានជ្រើសរើសសម្រាប់ការទទួលខុសត្រូវភារៈនេះ ហើយគោលបំណងរបស់គា​ត់គឺស្វែងរកការឯកភាពជាតិ។

លោកបានសន្យាថានឹងធ្វើការឱ្យកាន់តែប្រសើរនៅថ្ងៃស្អែក ដោយសារតែថ្ងៃនេះមានភាពស្រពិ​ចស្រពិល និងស្រឡាំងកាំង ដោយមានការបំផ្លិចបំផ្លាញដោយក្រុមចម្រុះមិនបរិសុទ្ធនៃក្រុមក្មេ​ងទំនើងតាមដងផ្លូវដែលធ្វើភេរវកម្មនៅប្រទេសហៃទី ជាពិសេសក្នុងទីក្រុង Port Au Prince របស់ខ្លួន ដែលការគ្រប់គ្រងដោយហ្វូងមនុស្សធ្វើឱ្យមានអស្ថិរភាព។

លោកបានបន្តទៀតថា ភាពផុយស្រួយនៃអភិបាលកិច្ចបានបែកបាក់ និងខ្ទេចខ្ទាំបន្ទាប់ពីការធ្វើឃាតប្រធានាធិបតី ជូវីណាល ម័ ( Juvenal Moise ) នៅឆ្នាំ ២០២១ដោយទាហានស៊ីឈ្នួលកូឡុំប៊ី។

លោក ហ្គារី ខូនីល ត្រូវបានគេដឹងថា ជា​នាយក​របស់អង្គការ Unicef ប្រចាំតំបន់ ហើយលោកត្រូវបានគេដឹងថា គឺជាអ្នកដែលបម្រើការងារនៅក្នុងសង្គមស៊ីវិល ហើយក៏ជាអតីត ប្រធានបុគ្គ​លិករបស់ អតីតប្រធានាធិបតីអាមេរិក បៀល ភ្លីនតុន ដែលជាបេសកជនពិសេសសម្រាប់ប្រ​ទេសហៃទី៕